Javier Gomara hil da, UPNren eta Foru Parlamentuaren presidente ohia
UPNk jakinarazi du Javier Gomara (1927, Etxarri-Aranatz) hil dela, alderdiaren fundatzaile eta lehenengo presidente izan zena.
"Eredu bat izan zen UPNrentzat eta Nafarroaren defentsan", adierazi du Javier Esparza alderdiaren egungo presidenteak. Gomarak UPNren historian izandako jokabide "aktiboa" eta "politika zerbitzu gisa ulertu izana" goraipatu du Esparzak.
"Familia erregionalistak guztiok maite eta miresten genuen pertsona bat galdu du, alderdi honen historian giltzarri izan den eta jokabide aktiboa izan duen pertsona bat", gaineratu du.
Nafarroako Parlamentuak ere doluminak helarazi dizkie senideei bigarren Legegintzaldian (1987-1991) erakundearen presidente izan zenaren heriotzagatik.
Javier Gomararen hileta-elizkizuna astelehenean izango da, hilaren 14an, 18:00etan, San Miguel elizan, eta Parlamentuan minutu bateko isilunea egingo dute osteguneko saioan.
Biografia
Ikasketez abokatua, UPNren lehenengo presidente izan zen 1979an, eta diputatu 1986 arte. Iruñeko Udalean hasi zen jardun politikoan, eta ez zen politika aktibora itzuli trantsizioaren ostean eskuinak bere lekua bilatu zuen arte.
1975ean Causa Ciudadanaren (1976) sorkuntzan parte hartu zuen, Partido Socialdemocrata Foral de Navarraren hazian, eta UCD babestu zuen Konstituzioan laugarren xedapen iragankorra sartu zuen arte. Nafarroak eta EAEk bat egitea aurreikusten duen puntu horren eraginez sortu zuten UPN.
Gomareren arabera, xedapen horrek agerian uzten zuen Nafarroa ez zutela "errespetatu", eta "Nafarroako parlamentarien gainetik UCD-PSOE-PNV akordio bat" egon zela "kalte" egiteko.
UPNren presidente aukeratu zuten alderdiaren aurkezpenean, 1979ko urtarrilaren 21ean, eta Foru Parlamenturako hauteskundeetan aurkeztu zen azken Foru Aldundian posturen bat lortzeko. Hala, eserleku bat lortu zuen Ganberan.
Gomara hautatu zuten berriro alderdiaren presidente 1981eko Kongresuan, "Navarra Unida" lelopean, eta karguari eutsi zion 1985era arte. Bere gidaritzapean egin zuten lehenengo ituna APrekin eta PDPrekin 1982ko hauteskunde orokorretan elkarrekin aurkezteko.
Hauteskunde horietan diputatu izendapena eskuratu zuen, Jesus Aizpunen atzetik zerrendako bigarrena baitzen, eta 1987an Nafarroara itzuli zen bi legegintzalditan parlamentari izateko.
Lehenengoan, 1987tik 1991ra, gainera, Ganberaren presidente izan zen, Alianza Popularren eta Union Democrata Foralen (PDP-PL) babesarekin. PSNk CDSren hautagaiari eman zion botoa, eta EAk, Euskadiko Ezkerrak eta HBk boto zuria eman zuten.
Zure interesekoa izan daiteke
PSNk "erabateko errespetua" du Zapateroren errugabetasun presuntzioaren aurrean
Esther Iso PSNko Antolakuntza idazkariak adierazi duenez, presidente ohiarentzat "hitz onak" baino ez dituzte, "nafar guztiak gozatzen ari diren ondareagatik".
Nafarroako Gobernuak UPNren "noraeza" kritikatu du Athleticen elastikoarekin izandako polemikan
Alderdi politikoak LORAFNA (Nafarroako Autonomia Estatutua) eguneratzea eztabaidatzen ari ziren gaur Parlamentuko batzorde batean, eta klub zuri-gorriaren elastikoaren harira piztutako polemikaren inguruko iritziak emateko tartea ere hartu dute.
Lehendakariaren elkarrizketa, 10 titularretan
Imanol Pradales lehendakariak hainbat gai jorratu ditu Radio Euskadin, hala nola medikuen greba, etxebizitzaren arazoa edo autogobernuaren estatus berria.
Pello Otxandiano: "Etxebizitza politika honek huts egin badu, momentua da norabidez aldatzeko"
EH Bilduk etxebizitzaren inguruan egindako proposamenaren harira, "jarrera baikorra" izateko eskatu dio Pello Otxandianok Eusko Jaurlaritzari. "Proposamena hartu, aztertu eta egin dezagun eztabaida bat, ea soluziobideak hauek diren edo beste batzuk planteatzen dituzten", gaineratu du EH Bilduren Eusko Legebiltzarreko bozeramaileak ETB1eko "Egun on Euskadi" saioan egin dioten elkarrizketan.
Lehendakariaren ustez, "euskarak zubi gehiago eta harresi gutxiago behar ditu"
Imanol Pradales lehendakariari elkarrizketa egin diote Radio Euskadiko "Boulevard" saioan, eta bertan adierazi duenaren arabera, "ezin dugu beste alde batera begiratu segurtasun juridikorik eza dagoenean". Euskararen biziberritzeari dagokionez esan duenez, "fokua ez dago euskal administrazio publikoa euskalduntzean, hizkuntzaren erabilera sozialean baizik".
Lehendakariaren ustez, UPNk polemika artifiziala sortu nahi du Athleticen kamiseta berriaren inguruan
Imanol Pradales lehendakariak babesa eta elkartasuna adierazi dio Athletici, UPNk klubari elastikoetatik Euskal Herriko mapa kentzeko eskatu ostean. Kamiseta berria "oso polita" iruditzen zaiola esan du, eta gogorarazi du Nafarroako Gobernua bera ere ez dela auzian sartuko. Polemika artifiziala bilatzea egotzi dio lehendakariak UPNri, eta ohartarazi du oso arriskutsua dela sinboloekin eta identitateekin liskarra eta zatiketa bultzatzea.
Pradales: "FIFAren eskakizunak aztertzen ari gara; oso zorrotzak dira"
Imanol Pradales lehendakariak azpimarratu du egoeraren "azterketa lasaia" egin behar dela, sektore askori eragiten dielako. "FIFAk datorren urteko urtarrilean hartuko du erabakia, denbora dago", azpimarratu du.
Lehendakaria: “Tentsioa ezagutu gabeko mugetaraino areagotuko da; kezkatzen nau Madrilek arreta galtzea eta adostutako konpromisoei ez heltzea”
Imanol Pradales lehendakaria kezkatuta agertu da Radio Euskadiko "Boulevard" saioan Zapatero auziaren ondorioengatik.
Medikuen greba konpontzeko edo eskumenak transferitzeko eskatu dio lehendakariak Monica Garciari: "Arazo bat da"
Imanol Pradales lehendakariak uste du Monica Garcia Osasun ministroa "arazo bat" dela, "bi hilabete baino gehiago daramatzalako ezer jakin nahi izan gabe" estatutu markoa dela eta medikuak egiten ari diren grebari buruz. Hori dela eta, "gaian esku hartzeko" deia egin dio, eta, "arazoa konpontzeko gai ez bada edo ez badu nahi", Euskadiri eskumenak eskualdatzeko eskatu dio, "irtenbide bat bilatzeko". Radio Euskadin egindako elkarrizketa batean deitoratu duenez, Osakidetzaren batez besteko itxaron-zerrenden hobekuntzan "asko" aurreratu bada ere, estatutu markoaren aldeko medikuen grebak, "Osasun Ministerioaren erabaki batetik eratorritakoak", "iskanbila" eragin du. "Euskaditik eta eskumenen esparruaren barruan" aurrera egiten saiatzen ari direla erantsi du.
Albiste izango dira: Pradales lehendakariari elkarrizketa Radio Euskadin, abisu horia beroagatik eta errugbiko finalak Bilbon
Gaurkoan Orain-en albiste izango direnen laburpena, bi hitzetan.