Iñigo Gutierrez ETAko presoa bigarren gradura itzultzeko eta berriz espetxeratzeko agindua eman dute
Espetxe-zaintzako epaileak Iñigo Gutierrez ETAko presoarentzako gradu-erregresioa erabaki du; ondorioz, espetxera itzuli beharko da. Duela bi aste hirugarren gradua eman zioten eta Euskal Herrira hurbildu zuten, Zaballako Birgizarteratze Zentrora, hain zuzen ere.
Etxerat presoen senitartekoen kolektiboak jakitera eman duenez, Auzitegi Nazionalak ETAko preso batentzako gradu-erregresioa erabaki du berriro, Unai Fano iragan irailean, bigarren graduan kalean zortzi hilabete eman ondoren, eta orain dela gutxi Jon Crespo berriz Basauriko kartzelara bidali ostean, nahiz eta iragan urritik hirugarren graduan egon.
Presoen senideen kolektiboak gogorarazi duenez, Gutierrezek hirugarren gradua lortu zuen, besteak beste, Izadi alaba zaindu behar zuelako. Hiru urte bete zituenean kartzela utzi behar izan zuen alabatxoak, gurasoekin bizi zen bertan. Bitartean, Maria Lizarraga Algortako presoaren bikotekidea eta neskatoaren ama Arabako kartzelan dago preso.
Iñigo Gutierrezek zigorraren hiru laurdenak 2019ko urtarrilean bete zituen. 2008ko uztailaren 27an espetxeratu zuten, eta 14 urteko zigorra betetzen ari da.
Maria Lizarraga bikotekidea 2008ko abenduaren 18an kartzelaratu zuten, eta 19 urteko eta 13 hilabeteko zigorra ezarri zioten. Zigorraren hiru laurdenak 2024ko urtarrilean beteko ditu.
"Fano eta Cresporen kasuetan adierazi dugun bezala, gradu-atzeraldi horren ondorioz, presoaren eskubideak kaltetu egiten dituzte baina ez bereak bakarrik, haren familia eta ingurukoenak ere kaltetuak izaten dira; kasu honetan, hiru urteko neskato batena, une honetan aitaren presentzia eta arreta behar dituena, eta, bestalde, legeria arrunta aplikatuz, aspaldi aske egon behar zuena", gogorarazi du Etxeratek agiri batean.
"ANk berriro oztopatu du euskal preso batek bere herrira itzultzeko hasitako bidea, bere birgizarteratzeko eskubidea urratuz", salatu du kolektiboak.
Etxeraten hitzetan, "euskal gizartearen gehiengo zabalak partekatzen duen konponbidean, bizikidetzan eta bakean aurrera egiteko testuinguruari uko egiten dio. ANren erabakiak euskal gizarteak arbuiatzen duen salbuespenari eusten dio".
Zure interesekoa izan daiteke
Gipuzkoak "plan estruktural bat" eskatu dio Espainiako Gobernuari Ceutako adingabeak hartzeko
Irune Berasaluze foru bozeramaileak adierazi du Gipuzkoa prest dagoela adin txikikoak hartzeko. Hori bai, baldintza batzuk ezarri dizkio Espainiako Gobernuari. Ezinbestekoa da, bere hitzetan, plan estruktural bat edukitzea, eta inprobisazioek ez dute lekurik izan behar.
"Politikan gizatasunez jardutea" eskatu du Chivitek, Ceutan bakarrik dauden adingabeen egoeraren aurrean
Maria Chivitek eskatu du alde batera uzteko Ceutan familiarik gabe dauden haurren egoera "deshumanizatzeko" ahalegina. Adingabe horien "muturreko egoera" nabarmendu du Nafarroako presidenteak, eta berretsi du Nafarroak beteko dituela bere betebeharrak, baina gainerako erkidegoei ere gauza bera egiteko deia luzatu die.
Irunek mugako trafikoaren aurrean duen "bakardadea" salatu du alkateak, eta Eusko Jaurlaritzak Frantzia seinalatu du
Cristina Laborda Irungo alkateak Eusko Jaurlaritzaren eta Gipuzkoako Foru Aldundiaren inplikazio handiagoa eskatu du, eta Ricardo Ituarte Segurtasun sailburuordeak, berriz, Ertzaintzaren kudeaketa defendatu du, eta Frantziako agintariak jo ditu mugan trafikoa arintzearen arduradun gisa.
Ceutan bakarrik dauden adingabeak euren familiekin bueltatzearen beharra azpimarratu du Eusko Jaurlaritzak
Horretarako aukera guztiak agortzeko eskatu dio Lakuak Espainiako Gobernuari, horiek autonomia erkidegoetan banatu aurretik.
Nafarroak adingabeen banaketa "beteko" du, baina beste erkidegoen "elkartasunik eza" ordaindu gabe
Javier Remirez Nafarroako Gobernuko lehen presidenteorde eta bozeramaileak adierazi duenez, Nafarroak "araudia beteko du" eta inoren kargura ez dauden adingabe migratzaileen banaketari eta harrerari men egingo die, baina ez du ordainduko "beste autonomia-erkidego batzuen elkartasunik eza".
Ceutako 500 neska migratzaile penintsulara eramateko lanean ari da Espainiako Gobernua
Espainiako Gobernua lanean ari da bakarrik dauden 500 bat neska migratzaile penintsulara eramateko, uztailaren amaierako sarrera masiboaren ondoren Ceutan daudenak. Gazteria eta Haurtzaro Ministerioa aztertzen ari da adingabeak babesteko erakundeek baliabide egokituetan har ditzaten, haien tutoretza autonomia-erkidegoei transferitu beharrik gabe.
Bilboko Konpartsek eta Sarek manifestazioa deitu dute abuztuaren 28rako, 2027an "euskal presorik egon ez dadin" aldarrikatzeko
Sarek eta Bilboko Konpartsek Etxera Eguna deitu dute abuztuaren 28rako, Aste Nagusi betean, “euskal preso, iheslari eta deportatuak etxera itzultzea” aldarrikatzeko. Horretarako, manifestazioa eta herri-bazkaria egingo dute. Halaber, gaurko agerraldian, 2027ko jaiak presorik eta errepresaliaturik gabeko lehenak izatea jarri dute helburutzat.
Ceutako adingabe migratzaileak beren familiekin bueltatzearen alde eta, ezin den kasuetan, hartzearen alde egin du Jaurlaritzak
Txema Ezkerra Haur, Nerabe eta Familia zuzendariaren ustez, "onartezina" da Voxek arlo hori kudeatzen duen erkidegoetan legea ez betetzea, eta Estatuari esku-hartzeko eskatu dio.
Burlatako Udalak aho batez gaitzetsi du UPNko zinegotzi bati jaietan egindako erasoa
Pasa den larunbatean Carlos Oto UPNko zinegotziari eraso egin zioten alderdi erregionalistaren egoitzan, hainbat alderdikide eta beste hainbat pertsona bilduta zeudela.
"Errealitatea makillatzea" egotzi dio Ceutako presidenteak Gobernuari, eta krisia konpontzeko 30 egun eman dizkio
Juan Vivasek gogor kritikatu du Gobernua uztailaren 30ean eta 31n Marokotik 70.000 pertsona inguru hiri autonomora sartu ondoren sortu den migrazio-krisiaren aurrean "erantzun ezagatik" eta "pasibotasunagatik". Agerraldi batean, Vivasek galdetu du ea Gobernuaren pasibotasunak Maroko "ez molestatzea" bilatzen duen, eta iragarri du botere judizialera eta beste estamentu batzuetara joko duela krisia 30 eguneko gehieneko epean konpontzen ez bada.