Albaresek Sahararekiko jarrera aldaketa ukatu du: "Espainiako Gobernua NBEren markoan dago, beti bezala"
Jose Manuel Albares Atzerri ministroak ukatu du Espainiako Gobernuaren jarrera aldaketa Sahararekiko. Albaresen hitzetan, Jose Luis Rodriguez Zapatero presidenteak dagoeneko Marokok proposatutako autonomia egitasmoa babestu zuen, eta ondoren Mariano Rajoyk ildo beretik jo zuen.
Senatuko kontrol saioan, EAJk, PPk eta ERCk Albaresi galderak egin dizkiote. Pedro Sanchez Espainiako gobernuburuak Mohamed VI.a erregeari gutuna bidali zion, 2007an planteatutako autonomia planari babesa emateko. Espainiako kolonia ohia Marokoren kontrolpean utziko lukeen egitasmoa gatazkari konponbidea emateko "oinarri serioena, sinesgarriena eta errealistena da", Sanchezek gutunean onartu zuenez.
"Espainiako Gobernua eta haren jarrera Nazio Batuen markoan dago, beti bezala", esan du Albaresek. Atzerri ministroak Staffan de Mistura Sahararako NBEren ordezkari bereziari babesa eman zion atzo bertan, nabarmendu duenez. Horrela, Albaresek Pilar Rojo PPko senatariari erantzun dio.
"Espainiaren jarrera Nazio Batuekin dago, Nazio Batuen Gutunarekin, Nazio Batuen ebazpenekin, bi aldeentzako onargarria den konponbidea aurkitzeko", zehaztu du ministroak. Argudio berdina bost aldiz errepikatu du Albaresek erantzunetan, gobernu ezberdinek izandako jarrera tradizionala aipatuz.
Horrela gauzak, diplomaziaren buruak ziurtatu du Espainiaren jarrera Frantziako eta Alemaniakoaren "oso antzekoa" dela. Marokoren autonomia egitasmoa irtenbide bat lortzeko "oinarri errealistena" dela uste dute, eta inork ez ditu zalantzan jarri, ministroak kritikatu duenez.
Era berean, Rabatek proposamena Zapatero Gobernuan zela egin zuela gogorarazi du Albaresek, eta hark "ongietorria egin" zion. Horregatik, Sanchezek Marokoko erregeari gutunean esandakoak piztutako polemikarekin "harriturik" agertu da.
Aldebakarreko erabakia aurpegiratu dio Estefania Beltran de Heredia EAJko senatariak Espainiako Gobernuari. Exekutiboak Marokoren "xantaiaren" aurrean amore eman duela uste dute jeltzaleek. Rabatentzako "garaipen politiko handia" da, erantsi duenez.
Era berean, Jordi Marti ERCko senatariak "180 graduko norabide aldaketa" deitoratu du, Espainiako Exekutiboak "neutraltasun" tradizionala atzean utzi duelako. Marokorekin krisia ixteko, "trukean" sahararren autodeterminazio eskubidea ukatzea aurpegiratu du errepublikarrak. Eskualdearen egonkortasuna arriskuan jartzen ari direla ohartarazi du. Horregatik, erabakia "zuzentzeko" eskatu du Martik.
Bestalde, Elkarrekin Podemos-IUk mozioak aurkeztuko ditu Euskadin, ordezkaritza duen udal guztietan, saharar herriaren "erabakitzeko eskubide askeari" babesa emateko, Sanchezek bultzatutako jarrera aldaketak suposatu duen "traizioaren" ostean.
Euzkadi Buru Batzarrak (EBB) ohar batean azaldu duenez, "zoritxarrez", Sanchezek bultzatutako "norabide aldaketa Mendebaldeko Sahararen burujabetza eta Saharar Herriaren etorkizuna bereganatzea nahi duen Marokoren alde agertzea da, inolako ñabardurarik gabe".
Zure interesekoa izan daiteke
Korrikan erakutsitako ETAko presoen irudien gaineko ikerketa zabaltzea agin du Auzitegi Nazionalak
UPNk jarri zuen salaketa, euskararen aldeko lasterketa Iruñeko Txantrea auzotik eta Nafarroako beste hainbat herritatatik igaro zenean erakutsi ziren irudiekin terrorismoa goratu eta biktimak umiliatu zirelakoan.
Claudia Montesek Gorenaren aurrean adierazi du Abalosek ez ziola inoiz esan Logirailen “entxufatu” zuenik
Lekukoaren arabera, ministro ohiak lan eskaintzen estekak baino ez zizkion bidali, eta Koldo Garciak hasieratik esan zion enpresa publikoan haren “nagusia” zela.
50 urte dira ETAk Aingeru Berazadi erail zuela
ETAk hildako lehen enpresaria izan zen Aingeru Berazadi, eta baita bahitu ondoren hil zuten lehenengo laguna ere. Mende erdi geroago, Cristina alabak aita omendu du, eta enpresariek gogora ekarri dute hilketak izan zuen eragina.
EAJk borondate politikoa eskatu du "Gernika" lekuz aldatzeko aukera teknikoetan sakontzeko
Maribel Vaquero EAJk Kongresuan duen bozeramaileak ziurtatu du ez dituela zalantzan jartzen Reina Sofia museoko adituen txosten teknikoak. Horien arabera, ez da komeni da koadroa mugitzea; hala ere, adituen txosten gehiago eskatu ditu. "Gauza ezinezkoagoak ikusi ditugu", ziurtatu du.
Iruñeko aire-trafikoa "hobetzeko prest" agertu da Espainiako Gobernua
Maria Caballero UPNren senatariak egindako galdera bati erantzunez, Oscar Puente Espainiako Gobernuko Garraio eta Mugikortasun Jasangarriko ministroa Iruñeko aireportuaren egungo ereduaren alde agertu da, baina aitortu egin du aire-trafikoa "hobetu" daitekeela. Haren hitzetan, Iruñekoa aireportuko bidaiari kopurua % 40 hazi da 2018tik; Estatuko daturik altuenetakoa da hori.
Abortua Konstituzioan blindatzea onartu du Ministroen Kontseiluak, "dinamika atzerakoien aurrean"
Konstituzioaren erreforma honek hiru bosteneko gehiengoa behar du Kongresuan eta Senatuan, eta, beraz, gobernukideak oposizioko alderdiekin adostasunera iristen saiatu beharko dira.
Urtasun: "Teknikoei entzun behar zaie beti, eta ez dute batere gomendatzen lekualdatzea"
Kultura ministroak Eusko Jaurlaritzak 'Gernika' behin behinean, bonbardaketaren 90. urteurrenagatik, lekualdatzeko eskaerari balioa eman eta errespetua helarazi dio, baina aukera baztertu du. Igotz Lopez EAJko senatariak gogorarazi dio txosten teknikoa eskaera egin eta bi egunera egin zela, eta Madrilgo museoaren bideragarritasuna margolanarekin lotzen zuela.
“Begirada aldaketa” eskatu du Bengoetxeak, “Gernika” “berme guztiekin” lekualdatzeko
Ibone Bengoetxea Eusko Jaurlaritzako lehendakariorde eta Kultura sailburuak adierazi duenez, Eusko Jaurlaritzak ez du oraindik "Gernika" lekuz aldatzeko eskaerari buruzko erantzunik jaso. Eusko Jaurlaritzak Picassoren obra Euskadira kontserbazio "berme guztiekin" eramateko baldintza egokiak ezagutzea baino ez duela eskatzen adierazi du. Bien bitartean, EAJk astearte honetan eramango du eztabaida Senatura, Kultura ministroari azalpenak eskatzeko.
Abalosen semeak ukatu egin du aitaren diru funtsak kudeatu izana: "Nik ez dut klabean hitz egiten; ez aitarekin, ez inorekin ere"
Astearte honetan hasi da garraio ministro ohiaren, haren aholkulari Koldo Garciaren eta Victor de Aldamaren aurkako epaiketa. Pandemiaren garaian, musukoak erosteko lehiaketa publikoen bidez eskupekoak jasotzea leporatuta, 24 urte arteko kartzela zigorrak eskatu ditu Fiskaltzak. Bi astez luzatuko da epaiketa, eta 80 lekukotik gora daude deklaratzera deituta.
Koldo Garciak “tentel” deitu dio Aldamari, eta epaiketa “lehertuko” duten frogak aurkeztuko dituela esan du
Jose Luis Abalosen aholkulari ohiak audio bat bidali du Telecincora, eta bertan adierazi du “erabat errugabeak” direla frogatuko dutela.