Naziek tiroz hildako Angel Lekuona gudaria omendu dute Pragan
Pragako (Txekia) erakundeek Angel Lekuona (1913-03-01) gudaria omendu dute udalerri horretako hilerrian egindako ekitaldi batean. Tropa frankisten aurka aritu zen 1936ko gerran, baina Frantziara ihes egin behar zuen ondoren, eta herrialde horretan atxilotu zuten naziek. Hainbat kontzentrazio-esparrutan izan zuten preso, eta, azkenean, Pragakoan hil zuten, tiroz.
Lekuonarekin batera, beste borrokalari antifrankista batzuk ere erail zituzten: Enric Moner, Pedro Raga, Antonio Medina, Rafael Moya eta Antonio Clemente. Horiek ere izan dituzte gogoan gaur egindako ekitaldian.
Ekitaldian, besteak beste, Angel Lekuonaren senideak izan dira, eta, Eusko Jaurlaritzaren izenean, Aintzane Ezenarro Memoria, Bizikidetza eta Giza Eskubideen Gogora Institutuko zuzendariak hartu du parte.
Anton Gandariasek (Lekuonaren iloba) hartu du hitza, eta Pragako hilerriko arduradunei eta ikertzaileei bere esker ona adierazi die, gertakari haiek argitara ateratzeko egindako lanagatik eta dokumentu guztiak familiaren esku uzteagatik.
1945ean, Pragako Strasnice hilerriko administratzaileari (Frantisek Suchm) Hradischko kontzentrazio-eremuan fusilatutako ehunka presoren gorpuak errausteko agindua eman zioten naziek. Alabaina, ez zuen agindua bete. Aitzitik, hildakoen izenak paper batean idatzi, eta hilotz guztien errautsak ezkutatu egin zituen, kutxatan sartu ostean.
Besteak beste, horregatik jakin ahal izan dute nortzuk izan ziren toki horretan erail zituztenak, eta horri esker berreskuratu dituzte haien errautsak.
Angel Lekuonaren errautsek Pragako hilerrian eraiki zuten oroimen-zentroan egongo dira aurrerantzean ere, baina gaur bera jaio zen baserritik, Busturitik, lurra hartu eta Pragako memorialeraino eraman dute haren senideek.
Datorren maiatzean, Busturiko Udalak eta Gogora Institutuak Angel Lekuonaren omenezko plaka bat jarriko dute udalerrian.
Albiste gehiago politika
Nafarroak arlo soziala indartu du Aurrekontuen aurreproiektuan, 6.741 milioi eurora igota
Aurreproiektuak PSNk, Geroa Baik eta Contigo-Zurekin taldeak osatzen duten gobernu-akordioari erantzuten dio, baina EH Bilduren babesa beharko dute behin betiko proiektua onartzeko.
Osakidetzak asistentziarako 22 anbulantzia eta esku-hartze azkarreko 5 ibilgailu erosiko ditu
EH Bilduk Eusko Legebiltzarreko kontrol saioan egindako galdera bati erantzunez iragarri du lizitazio hori Alberto Martinez Osasun sailburuak. Urte amaierarako aurreikusita dago, eta 10,9 milioi euro bideratuko dira horretarako.
Imanol Pradales: "Egonkortasuna bermatzea da nire eginkizuna, harremanak onak dira gobernuaren baitan"
Eneko Anduezak EAJren zuzendaritzarekin duen harremana lehen bezain ona ez dela esan ondoren, lehendakariari gobernukideen arteko harremanaz galdetu diote. Pradalesek esan du gobernuak ondo funtzionatzen duela. "Hori da gizarte honek espero duena", eta egonkortasuna mantentzea bere "ardura" dela gaineratu du.
Pradalesek eta Chivitek sinatutako lankidetza protokolo berriak mugikortasunari, trafikoari eta kulturari lotutako berrikuntzak dakartza
Protokolo berriak osasuna, industria eraldaketa, kultura eta euskara ditu ardatz. Guztira, 42 lankidetza arlo biltzen ditu, aurreko akordioak baino 13 gehiago.
Melgosak dio Bernedoko kanpamentuko arduradunek legea urratu zutela, jarduerak "modu klandestinoan" antolatuta
Bernedoko kanpamentuan gertatutakoaren eta ustezko delituen erantzukizuna antolatzaileei leporatu die Nerea Melgosa Eusko Jaurlaritzako Ongizate, Gazteria eta Erronka Demografikorako sailburuak; izan ere, jarduera horiek "modu klandestinoan" antolatu zituzten. "Dena dela, errugabetasun-presuntzioa gorde behar da, epaiketa paralelorik gabe", gaineratu du.
EH Bilduk eta BNGk bilera egin dute Bilbon, egungo egoera politikoa aztertzeko
EH Bilduko eta BNGko ordezkariek bilera egin dute gaur goizean Bilbon, koalizio abertzalearen egoitzan, egungo egoera politikoa eta nazioarteko egoera aztertzeko.
Berriozabal: "Hau ez da EAJren eta PSE-EEren arteko harreman arazo bat, Anduezak EAJrekin hartu duen jarrera baino ez da"
Eneko Anduezaren adierazpenak gorabehera, EAJren eta PSE-EEren arteko harremana ona dela nabarmendu du Jone Berriozabal EAJren Araba Buru Batzarreko presidenteak.
Pradalesek eta Chivitek lankidetza protokolo berria berrituko dute ostiral honetan osasun, industria, kultura eta euskara arloetan
Akordioa 2021ean sinatutakoa ordezkatuko du, eta Gasteizen sinatuko da, bi gobernuek elkarrekin egingo duten ekitaldi batean, 29 eremu estrategikotan lankidetza zabaltzeko asmoz.
Osakidetzak bere gain hartuko ditu haurdunaldiaren borondatezko eteteak, progresiboki, baliabide propioekin
Gaur egun, Euskadiko emakume guztiek ziurtatuta dute doako zerbitzu hori, "berdintasunean, unibertsaltasunean eta osasun-sistemaren baitan", egiaztatutako klinikekin lankidetzan.
Pasaiako portuaren kudeaketa Jaurlaritzak izatea defendatu du Mendozak: "Ona da portuarentzat eta lehiakortasunarentzat"
Pasaiako portuaren harira EAJren eta PSE-EEren artean sortu den eztabaidaren harira, Eider Mendoza Gipuzkoako ahaldun nagusiak adierazi du eskumen hori jasota dagoela Gernikako Estatutuan, eta Eusko Jaurlaritzak osorik kudeatuta, behar diren inbertsioak egingo dituela.