Naziek tiroz hildako Angel Lekuona gudaria omendu dute Pragan
Pragako (Txekia) erakundeek Angel Lekuona (1913-03-01) gudaria omendu dute udalerri horretako hilerrian egindako ekitaldi batean. Tropa frankisten aurka aritu zen 1936ko gerran, baina Frantziara ihes egin behar zuen ondoren, eta herrialde horretan atxilotu zuten naziek. Hainbat kontzentrazio-esparrutan izan zuten preso, eta, azkenean, Pragakoan hil zuten, tiroz.
Lekuonarekin batera, beste borrokalari antifrankista batzuk ere erail zituzten: Enric Moner, Pedro Raga, Antonio Medina, Rafael Moya eta Antonio Clemente. Horiek ere izan dituzte gogoan gaur egindako ekitaldian.
Ekitaldian, besteak beste, Angel Lekuonaren senideak izan dira, eta, Eusko Jaurlaritzaren izenean, Aintzane Ezenarro Memoria, Bizikidetza eta Giza Eskubideen Gogora Institutuko zuzendariak hartu du parte.
Anton Gandariasek (Lekuonaren iloba) hartu du hitza, eta Pragako hilerriko arduradunei eta ikertzaileei bere esker ona adierazi die, gertakari haiek argitara ateratzeko egindako lanagatik eta dokumentu guztiak familiaren esku uzteagatik.
1945ean, Pragako Strasnice hilerriko administratzaileari (Frantisek Suchm) Hradischko kontzentrazio-eremuan fusilatutako ehunka presoren gorpuak errausteko agindua eman zioten naziek. Alabaina, ez zuen agindua bete. Aitzitik, hildakoen izenak paper batean idatzi, eta hilotz guztien errautsak ezkutatu egin zituen, kutxatan sartu ostean.
Besteak beste, horregatik jakin ahal izan dute nortzuk izan ziren toki horretan erail zituztenak, eta horri esker berreskuratu dituzte haien errautsak.
Angel Lekuonaren errautsek Pragako hilerrian eraiki zuten oroimen-zentroan egongo dira aurrerantzean ere, baina gaur bera jaio zen baserritik, Busturitik, lurra hartu eta Pragako memorialeraino eraman dute haren senideek.
Datorren maiatzean, Busturiko Udalak eta Gogora Institutuak Angel Lekuonaren omenezko plaka bat jarriko dute udalerrian.
Zure interesekoa izan daiteke
Donosti Cupen epaile lanetan ari zen ertzain batek eskoltatuta utzi du zelaia, jokalarien eta ikusleen jazarpenagatik
Epaileak partida bat behar baino lehen amaitu nahi zuen, jokalarien jokabidea bortitzegie zela iritzita, eta horrek jokalarien eta ikusleen haserrea piztu zuen. Donosti Cupeko antolatzaileek esan dutenez, "horrelako jokabideek ez dute lekurik gure txapelketan".
Pedraz epaileak Sanchezen kabineteburu eta Correoseko presidente ohia inputatu du Leire auzian
Epaileak argitu egin nahi du Serranok ikerketa judizialak oztopatzeko egindako ustezko ekintza batzuetan izandako parte-hartzea. Ildo horretatik, 2024ko apirilaren 26ko bilera bat eta Leire Diezekin izandako elkarrizketak daude, besteak beste, aztertutako jardueren artean.
Ermuko Udalak Miguel Angel Blancori egindako omenaldian ahanzturan ez erortzearen alde egin du
29 urte dira ETAk Miguel Angel Blanco bahitu eta hil zuela, euskal gizartean sekulako astindua eman zuen gertaera. Gaur bere jaioterrian, Ermuan, omenaldia eskaini diote, eta mezu bat zabaldu horrelako gertaerak ahanzturan ez geratzeko.
Jaurlaritzak uste du Feijoo Espainiako gobernuburu izatea "langileentzat arriskutsua" dela
Laneko absentismoari buruz Alberto Nuñez Feijook egindako adierazpen polemikoak hizpide izan ditu gaur Mikel Torres bigarren lehendakariorde eta Ekonomia, Lan eta Enplegu sailburuak. Horren iritzian, Feijook "ezjakintasun handia" erakutsi zuen, eta frogatuta geratu da Espainiako Gobernura iritsiz gero, "langileentzako arriskutsua" dela.
Correoseko presidente ohiak Leire Diezi kargu bat eman ziola uste du UCOk
UCOren arabera, Juan Manuel Serranok parte-hartze aktiboa izan zuen ikertutako gertakarietan, "bai SEPIren enpresa-eremuan etekinak lortzearekin lotuta, bai PSOEko kide jakin batzuen zein Espainiako Gobernuaren interesen defentsarekin lotuta".
Espainiako Gobernuak biktima gisa aitortu du Josu Zabala Erasun, duela 50 urte Guardia Zibilak tiroz hildako irundarra
"Arrazoi politiko eta ideologikoengatik jazarpena" jasan zuela, eta "aitortzarako eta erreparaziorako eskubidea" dio onartutako adierazpenak.
Fiskaltzak Begoña Gomezen absoluzioa eskatu du, deliturik egin ez zuela iritzita
Ministerio Fiskalak Gomezi pasaportea kentzearen aurkako helegitea aurkeztu du ere, eta Peinado epaileak hartutako beste erabaki batzuk "zentzurik gabekoak" direla adierazi du.
Jaurlaritzak "positibotzat" jo du Konstituzionalak euskarari buruz hartutako erabakia, eta Bilduk ohartarazi du "oldarraldia ez dela eten"
Ibone Bengoetxearen esanetan, EAEko Auzitegi Nagusiak oraindik erabaki behar du PPk eta Voxek Enplegu Publikoaren Legeari jarritako helegiteari buruz.
Sanchezek, Trumpen kritiken ostean: "AEBren eta Espainiaren arteko harremanak oso positiboak dira"
Espainiako Gobernuko presidenteak azaldu du Estatu Batuetako presidentearekin hitz egiteko aukera izan duela, azken horrek Espainia beste behin kritikatu eta gero. "Solasaldi informala" izan dela azaldu du, eta "adeitsu"jardun dutela.
"Ez litzateke lehen aldia presidente batek ihes egiten duena", erantzun dio Peinado epaileak Begoña Gomezi
Magistratuak ekainaren 30ean sinatutako auto batean defendatu du bere erabakia, bere ordezkoak gai horren inguruan beste erabaki bat hartu baino lehen. Azken horrek baimena eman dio Gomezi Londresera bidaiatzeko, baina ez Ankarara.