Poza eta kezka agertu ditu Joseba Erremundeguyk, balore demokratikoek irabazi arren Le Penek gora egin duelako
Frantziako presidentea aukeratzeko hauteskundeen biharamunean, Emmanuel Macronen garaipenaren lehen balorazioa egin du Joseba Erremundeguy Baionako hautetsi eta Hirigune elkargoan Kanpo Gaietarako kontseilari denak. Euskadi Irratiko "Faktoria" saioari eskainitako elkarrizketan, poza eta kezka agertu ditu: poza, balore demokratiko eta europarrek irabazi dutelako eta eskuin muturra boterera iritsi ez delako; kezka, Le Pen hedatzen ari delako Ipar Euskal Herrian, bai boto kopuruan eta baita boto portzentajean ere. Gaineratu duenez, eskuin muturreko presidentegaia udalerri txiki batzuetan eta Baionako hautesleku batean nagusitu da.
Joseba Erremundeguyren arabera, oro har, jendea ez da identifikatuta sentitzen Macronekin. Horren esanetan, Macronek aurrera eraman dituen politikak oso liberalak izan dira nahiz eta hasieran esan omen zuen bere agintaldiak izango zuela alde liberala eta bigarren aldi sozialago bat. "Hori ez du obratu", gaineratu du.
Bestalde, Macroni umiltasuna falta izan zaiola uste du. Presidentea ez ezik bere ministroak "harroputzak" izan direla kritikatu du. Atzoko emaitzen aurrean, Macronek eta bere ordezkariek umiltasunez jokatuko dutela espero du Erremundeguyk.
Ipar Euskal Herriko emaitzen inguruan galdetuta, duela bost urteko hauteskundeekin alderatuta Macronek babesa galdu duela azpimarratu du Ipar Euskal Herriko ordezkariak, bai bigarren itzulian eta baita lehenengoan ere. Hurrengo bost urteei begira, Macronek Ipar Euskal Herritik egiten zaizkion eskaerak entzungo dituenaren itxaropena agertu du Baionako hautetsiak. Eskaera nagusien artean hauek aipatu ditu: euskarazko murgiltze eredua bermatzea, brebeta eta baxoa azterketak euskaraz egin ahal izatea, lurraldetasuna edo presoak.
Uztaileko hauteskunde legegileei begira, hiru alternatiba daudela adierazi du: Macron, eskuin muturra eta Melenchon (ezkerra). Dena dela, ez daki boto-emaileak hiru horietakoren batetik identifikatzen ote diren, bereziki, Ipar Euskal Herrian. Macron aurretik dela uste arren, hauteskunde presidentzialetan eta legegileetan botoa ematen dutenak ezberdinak direla eta zenbaiten presidentea aukeratzeko bozetan soilik parte hartzen dutela gogoratu du.
Zure interesekoa izan daiteke
EAJk Monica Garciaren aurka egin du medikuen grebagatik, eta arazoa lehenagotik datorrela esan du EH Bilduk
PSE-EEk, EH Bilduk, PPk eta Sumarrek uste dute Eusko Jaurlaritzak badituela eskumenak antolaketarekin zerikusia duten arazoak konpontzeko.
PSNk "erabateko errespetua" du Zapateroren errugabetasun presuntzioaren aurrean
Esther Iso PSNko Antolakuntza idazkariak adierazi duenez, presidente ohiarentzat "hitz onak" baino ez dituzte, "nafar guztiak gozatzen ari diren ondareagatik".
Nafarroako Gobernuak UPNren "noraeza" kritikatu du Athleticen elastikoarekin izandako polemikan
Alderdi politikoak LORAFNA (Nafarroako Autonomia Estatutua) eguneratzea eztabaidatzen ari ziren gaur Parlamentuko batzorde batean, eta klub zuri-gorriaren elastikoaren harira piztutako polemikaren inguruko iritziak emateko tartea ere hartu dute.
Lehendakariaren elkarrizketa, 10 titularretan
Imanol Pradales lehendakariak hainbat gai jorratu ditu Radio Euskadin, hala nola medikuen greba, etxebizitzaren arazoa edo autogobernuaren estatus berria.
Pello Otxandiano: "Etxebizitza politika honek huts egin badu, momentua da norabidez aldatzeko"
EH Bilduk etxebizitzaren inguruan egindako proposamenaren harira, "jarrera baikorra" izateko eskatu dio Pello Otxandianok Eusko Jaurlaritzari. "Proposamena hartu, aztertu eta egin dezagun eztabaida bat, ea soluziobideak hauek diren edo beste batzuk planteatzen dituzten", gaineratu du EH Bilduren Eusko Legebiltzarreko bozeramaileak ETB1eko "Egun on Euskadi" saioan egin dioten elkarrizketan.
Lehendakariaren ustez, "euskarak zubi gehiago eta harresi gutxiago behar ditu"
Imanol Pradales lehendakariari elkarrizketa egin diote Radio Euskadiko "Boulevard" saioan, eta bertan adierazi duenaren arabera, "ezin dugu beste alde batera begiratu segurtasun juridikorik eza dagoenean". Euskararen biziberritzeari dagokionez esan duenez, "fokua ez dago euskal administrazio publikoa euskalduntzean, hizkuntzaren erabilera sozialean baizik".
Lehendakariaren ustez, UPNk polemika artifiziala sortu nahi du Athleticen kamiseta berriaren inguruan
Imanol Pradales lehendakariak babesa eta elkartasuna adierazi dio Athletici, UPNk klubari elastikoetatik Euskal Herriko mapa kentzeko eskatu ostean. Kamiseta berria "oso polita" iruditzen zaiola esan du, eta gogorarazi du Nafarroako Gobernua bera ere ez dela auzian sartuko. Polemika artifiziala bilatzea egotzi dio lehendakariak UPNri, eta ohartarazi du oso arriskutsua dela sinboloekin eta identitateekin liskarra eta zatiketa bultzatzea.
Pradales: "FIFAren eskakizunak aztertzen ari gara; oso zorrotzak dira"
Imanol Pradales lehendakariak azpimarratu du egoeraren "azterketa lasaia" egin behar dela, sektore askori eragiten dielako. "FIFAk datorren urteko urtarrilean hartuko du erabakia, denbora dago", azpimarratu du.
Lehendakaria: “Tentsioa ezagutu gabeko mugetaraino areagotuko da; kezkatzen nau Madrilek arreta galtzea eta adostutako konpromisoei ez heltzea”
Imanol Pradales lehendakaria kezkatuta agertu da Radio Euskadiko "Boulevard" saioan Zapatero auziaren ondorioengatik.
Medikuen greba konpontzeko edo eskumenak transferitzeko eskatu dio lehendakariak Monica Garciari: "Arazo bat da"
Imanol Pradales lehendakariak uste du Monica Garcia Osasun ministroa "arazo bat" dela, "bi hilabete baino gehiago daramatzalako ezer jakin nahi izan gabe" estatutu markoa dela eta medikuak egiten ari diren grebari buruz. Hori dela eta, "gaian esku hartzeko" deia egin dio, eta, "arazoa konpontzeko gai ez bada edo ez badu nahi", Euskadiri eskumenak eskualdatzeko eskatu dio, "irtenbide bat bilatzeko". Radio Euskadin egindako elkarrizketa batean deitoratu duenez, Osakidetzaren batez besteko itxaron-zerrenden hobekuntzan "asko" aurreratu bada ere, estatutu markoaren aldeko medikuen grebak, "Osasun Ministerioaren erabaki batetik eratorritakoak", "iskanbila" eragin du. "Euskaditik eta eskumenen esparruaren barruan" aurrera egiten saiatzen ari direla erantsi du.