PSNk, Geroa Baik eta Podemosek eskuin muturreko biktimen legea aldatzeko proposamena erregistratu dute
Nafarroako Gobernua osatzen duten alderdien, hots, PSN, Geroa Bai eta Podemosen, talde parlamentarioek foru lege proposamena aurkeztu dute, eskuin muturreko taldeek edo funtzionario publikoek eragindako ekintzen biktimak aintzatetsi eta konpontzeari buruzko 16/2019 Foru Legea aldatzeko.
Aldaketaren helburua terrorismoaren biktimek jasotzen dituzten laguntzekin parekatzea da. Ekimenak 250.000 eurotan ezartzen ditu heriotzagatik jasotako kalte-ordainak, 500.000 eurotan baliaezintasun handiagatik, 180.000 eurotan ezintasun iraunkor absolutuagatik, 100.000 ezintasun iraunkor osoagatik eta 75.000 ezintasun iraunkor partzialagatik. Kopurua handiagoa izan liteke gertakarien orduan adin txikikoak izanez gero.
Hiru taldeetako ordezkariek Bozeramaleen eta Mahaiaren Batzordearen bileraren ostean adierazi duenez, "legea aldatzea beharrezkoa da biktimak aintzat hartzen jarraitzeko bidean".
Ramon Alzorriz PSNren bozeramalearen esanetan, Gobernuak aurreko legealdiko legea garatu du, nahiz eta kontra bozkatu, eta aldatzeko konpromisoa hartu du.
Bestalde, Uxue Barkos Geroa Baiko ordezkariaren arabera, aurreko legealdian onartutako lege bat eguneratzea da helburua, aldaketak beharrezkoak baititu.
Mikel Buil Podemoseko bozeramalearen iritzian, lege proposamena beharrezkoa da "arrazoi politikoengatik indarkeria jasan duten pertsonentzako kalte ordainak ezartzeko, eta kalte psikiko eta psikologikoengatik kalte ordainak jaso ahal izango dituzten biktima talde ezberdinen arteko babesa berdintzeko".
Era berean, legearen aldaketak EH Bilduren babesa ere izatea espero da, Bakartxo Ruiz bozeramaleak esan baitu beharrezkoa dela: "Asko dago egiteko, esaterako, torturaren biktimak aintzat hartzeko, eta guk Elkarbizitza Planean argi utzi dugun zerbait da".
Navarra Sumaren aldetik, Javier Esparzak argi utzi du ez dela "gure legea, aurka bozkatu genuen, eta ez dugu lege horretan parte hartzen", arrazoiak azaldu ez baditu ere.
Zure interesekoa izan daiteke
Gipuzkoak "plan estruktural bat" eskatu dio Espainiako Gobernuari Ceutako adingabeak hartzeko
Irune Berasaluze foru bozeramaileak adierazi du Gipuzkoa prest dagoela adin txikikoak hartzeko. Hori bai, baldintza batzuk ezarri dizkio Espainiako Gobernuari. Ezinbestekoa da, bere hitzetan, plan estruktural bat edukitzea, eta inprobisazioek ez dute lekurik izan behar.
"Politikan gizatasunez jardutea" eskatu du Chivitek, Ceutan bakarrik dauden adingabeen egoeraren aurrean
Maria Chivitek eskatu du alde batera uzteko Ceutan familiarik gabe dauden haurren egoera "deshumanizatzeko" ahalegina. Adingabe horien "muturreko egoera" nabarmendu du Nafarroako presidenteak, eta berretsi du Nafarroak beteko dituela bere betebeharrak, baina gainerako erkidegoei ere gauza bera egiteko deia luzatu die.
Irunek mugako trafikoaren aurrean duen "bakardadea" salatu du alkateak, eta Eusko Jaurlaritzak Frantzia seinalatu du
Cristina Laborda Irungo alkateak Eusko Jaurlaritzaren eta Gipuzkoako Foru Aldundiaren inplikazio handiagoa eskatu du, eta Ricardo Ituarte Segurtasun sailburuordeak, berriz, Ertzaintzaren kudeaketa defendatu du, eta Frantziako agintariak jo ditu mugan trafikoa arintzearen arduradun gisa.
Ceutan bakarrik dauden adingabeak euren familiekin bueltatzearen beharra azpimarratu du Eusko Jaurlaritzak
Horretarako aukera guztiak agortzeko eskatu dio Lakuak Espainiako Gobernuari, horiek autonomia erkidegoetan banatu aurretik.
Nafarroak adingabeen banaketa "beteko" du, baina beste erkidegoen "elkartasunik eza" ordaindu gabe
Javier Remirez Nafarroako Gobernuko lehen presidenteorde eta bozeramaileak adierazi duenez, Nafarroak "araudia beteko du" eta inoren kargura ez dauden adingabe migratzaileen banaketari eta harrerari men egingo die, baina ez du ordainduko "beste autonomia-erkidego batzuen elkartasunik eza".
Ceutako 500 neska migratzaile penintsulara eramateko lanean ari da Espainiako Gobernua
Espainiako Gobernua lanean ari da bakarrik dauden 500 bat neska migratzaile penintsulara eramateko, uztailaren amaierako sarrera masiboaren ondoren Ceutan daudenak. Gazteria eta Haurtzaro Ministerioa aztertzen ari da adingabeak babesteko erakundeek baliabide egokituetan har ditzaten, haien tutoretza autonomia-erkidegoei transferitu beharrik gabe.
Bilboko Konpartsek eta Sarek manifestazioa deitu dute abuztuaren 28rako, 2027an "euskal presorik egon ez dadin" aldarrikatzeko
Sarek eta Bilboko Konpartsek Etxera Eguna deitu dute abuztuaren 28rako, Aste Nagusi betean, “euskal preso, iheslari eta deportatuak etxera itzultzea” aldarrikatzeko. Horretarako, manifestazioa eta herri-bazkaria egingo dute. Halaber, gaurko agerraldian, 2027ko jaiak presorik eta errepresaliaturik gabeko lehenak izatea jarri dute helburutzat.
Ceutako adingabe migratzaileak beren familiekin bueltatzearen alde eta, ezin den kasuetan, hartzearen alde egin du Jaurlaritzak
Txema Ezkerra Haur, Nerabe eta Familia zuzendariaren ustez, "onartezina" da Voxek arlo hori kudeatzen duen erkidegoetan legea ez betetzea, eta Estatuari esku-hartzeko eskatu dio.
Burlatako Udalak aho batez gaitzetsi du UPNko zinegotzi bati jaietan egindako erasoa
Pasa den larunbatean Carlos Oto UPNko zinegotziari eraso egin zioten alderdi erregionalistaren egoitzan, hainbat alderdikide eta beste hainbat pertsona bilduta zeudela.
"Errealitatea makillatzea" egotzi dio Ceutako presidenteak Gobernuari, eta krisia konpontzeko 30 egun eman dizkio
Juan Vivasek gogor kritikatu du Gobernua uztailaren 30ean eta 31n Marokotik 70.000 pertsona inguru hiri autonomora sartu ondoren sortu den migrazio-krisiaren aurrean "erantzun ezagatik" eta "pasibotasunagatik". Agerraldi batean, Vivasek galdetu du ea Gobernuaren pasibotasunak Maroko "ez molestatzea" bilatzen duen, eta iragarri du botere judizialera eta beste estamentu batzuetara joko duela krisia 30 eguneko gehieneko epean konpontzen ez bada.