Zupiria: "Guk dakigula, ez da lehendakariaren eta sailburuen kontrako erasorik izan"
Bingen Zupiria Eusko Jaurlaritzako bozeramaileak azpimarratu duenez, "guk dakigula, ez da lehendakariaren eta sailburuen kontrako erasorik izan". Jaurlaritzako kideak ere espioitza politikoaren jomuga izan diren galdetu diotenean egin ditu adierazpenok Zupiriak. Izan ere, atzo jakinarazi zutenez, Pedro Sanchez Espainiako presidentea eta Margarita Robles Defentsa ministroa Pegasus programarekin zelatatu zituzten.
Gobernu bileraren osteko prentsaurrekoan auziari buruz itaundu diote Jaurlaritzako eledunari, eta horrek lehendakariaren hitzak hartu ditu gogoan —"oso larritzat" jo zuen Urkulluk—. Dena dela, argitu du azken kasuen harira, Jaurlaritzak ez duela "neurri berezirik" hartu eta "ohiko moduan" jarraitzen duela, "tarteka", EJIDEk, Jaurlaritzaren Informatika Elkarteak, egiten dituen komunikazioen azterketak egiten.
Bozeramailearen hitzetan, azken informazioek "ez dituzte gauzak leundu, alderantziz, larriagotu egin dituzte" eta, hartara, Jaurlaritzarentzat "behar-beharrezkoa da lehenbailehen Espainiako Gobernuak argi eta garbi adieraztea eta behar diren ikerketak egitea jakiteko Estatuko segurtasun zerbitzuen eskutik espioitzarik izan den edo ez beste buruzagi politikoen eta erakundeen inguruan". Jaurlaritzak uste du hori guztia "osasun demokratikoagatik" egin behar dela.
Era berean, Zupiriak eskatu du "baliabide guztiak erabiltzea eta argitzea itxuraz pertsonen komunikazio eskubideen eta pribazitatearen kontra egon diren eraso hauek" gertatu ote diren argitzea.
"Kezkaz ikusten dugu gai honen inguruan Estatu espainiarraren izen ona auzitan jarri dela bai Europa mailan eta nazioartean" nabarmendu du, eta erantsi Espainiako Gobernuaren erantzuna "lehenbailehen eta modu eraginkorrean" etorri behar dela.
Zure interesekoa izan daiteke
Eusko Jaurlaritzak ostegunean hasiko du urte politiko berria
Besteak beste, etxebizitzaren prezioak, Osakidetzako itxaron-zerrendek, transferentziek eta erreforma fiskalak markatuko dute agertoki politikoa udazkenean.
Patxi Lopez CNIren Ceutako jardueraren inguruko bertsioei buruz: "Posible da bi gauzak egia izatea aldi berean"
Patxi Lopez PSOEk Kongresuan duen bozeramaileak asteazken honetan adierazi duenez, Defentsa eta Barne ministroek emandako bi bertsioak "egia izan daitezke aldi berean"; izan ere, berretsi du egon zitekeela sareetan zegoen mugimenduei buruzko abisua, jendeak itsasoz pasatzeko zuen asmoei buruz, baina, bere hitzetan, "agian ez zen kalibratu edo ez zegoen izango zuen ezohiko dimentsioari buruzko informaziorik".
Protesta artean onartu dute Zizur Nagusian 2.081 etxebizitza eraikitzea aurreikusten duen plana
Bien bitartean, hainbat herritarrek eta herri plataformak elkarretaratzea egin dute Udaletxe parean planak kultur ekintzetarako erabiltzen diren zenbait eraikin galtzea ekarriko duela salatzeko. Geroa Baik, UPNk eta PPk azken asteetan presioak eta irainak jasan dituztela azaldu dute.
Sanchezek agerraldia egingo du irailaren 3ko Kongresuko Osoko Bilkuran, Ceutako krisia dela eta
Sanchezek asteazken goizean eskatu du Kongresuan agertzea. Irailaren 9a proposatu du, ohiko bilkura-aldiko lehen Osoko Bilkurako data, baina 3an hitz egingo du azkenean. PPk eskatuta, Kongresuko Diputazio Iraunkorrak asteazken honetan Sanchezi premiazko agerraldia egin ala ez erabakitzeko eztabaidarako ordu gutxiren faltan ezarri da data.
Espainiako Gobernuak asilo legea eta atzerritarrei buruzko legearen erreforma onartu ditu, Ceutako migrazio-krisiaren ostean
Testuek "ikuspegi bermatzailea" dute eta migratzaileen giza eskubideak errespetatzen dituzte. Halaber, Espainiako esparru juridikoa Migrazioaren eta Asiloaren Europako Itunera egokitu dute.
Roblesek esan du CNIk bere lana egin zuela Ceutan, eta Marlaskak berretsi du ez zela "txostenik" egon
Defentsa eta Barne ministroek bertsio kontrajarriak eman dituzte uztailaren 30ean migratzaileak hiri autonomora sartu ziren egunaren bezperan gertatutakoari buruz.
Ceutako krisia bideratzeko Segurtasun Nazionaleko Kontseiluaren ezohiko bilera eta aginte bakarra deitu du Sanchezek gaurko
Margarita Robles Defentsa ministroak agerraldia egingo du gaur Kongresuko Defentsa Batzordean, Ceutako krisiaren berri emateko. Datozen egunotan Behe Ganberako hainbat batzordetan hitz egingo duten zortzi ministroetatik lehena izango da.
Udal eta foru hauteskundeetarako eta Nafarroako Parlamenturako prozesua prestatzen ari da EH Bildu
Bere oinarriei dei egin die "parte har dezaten eta ezkerreko soberanismoaren eskaintza politiko eta elektorala osatzeko lanaren parte izan daitezen, erronkaren tamainako anbizioarekin".
Saizek Feijooren aurka egin du Ceutan konfinamendua eskatzeagatik: "Xenofobia da kutsakorra"
Elma Saiz Inklusio, Gizarte Segurantza eta Migrazio ministroaren arabera, Alberto Nuñez Feijoo PPren presidenteak Ceuta konfinatzeko eskatu izana "arduragabekeria larria" da, ez baitago kutsatzeko arriskurik, eta buruzagi popularraren "ezjakintasuna" kritikatu du.
EAJk Frantziarekin hitz egiteko eskatu dio Espainiako Gobernuari, Irungo trafikoaren "itogunea" konpontzeko
Halaber, Cristina Laborda Irungo alkatearen "demagogia" kritikatu du, eta adierazi du arazoa ez dela "errepide gutxi" dagoela, baizik eta Frantziak muga "itogune" bihurtu duela herria.