Gutxienez 17 miliziano antifaxista daude Donostiako hilerriko mausoleo frankistan lurperatuta
Aranzadi Zientzia Elkarteak Donostiako Udalaren enkarguz egindako ikerketa batean baieztatu duenez, Polloeko hilerriko "martirien mausoleoan", matxinatuen bandoan eroritakoen omenez eraikia, gutxienez tropa faxisten aurka borrokan hil ziren 17 miliziano daude.
1940an eraikitako mausoleoan lurperatutako beste 14 gorpu, hilobiko plakak dioenez, ikerketa fasean daude eta milizia herrikoi, komunista eta anarkistetako kideenak ere izan daitezke. Hilobiko plakak zera dio: "Beren idealak, Jainkoarenak eta Espainiarenak defendatzeagatik eraildakoen oroimenez".
Eneko Goia alkateak, Ane Oyarbide Berdintasun eta Eskubide Zibiletako zinegotziak eta Javier Buces Aranzadi Elkarteko ordezkariak aurkeztu dute aurkikuntza.
Mausoleoa udalarena da. Memoria historikoaren legea betetzen ote duenaren zalantza piztu zenean, Udalak ikerketa bat egiteko eskatu zion Aranzadi Elkarteari. Goiak azaldu duenez, "harridura" sortu du emaitzak: 1936ko uztailean tropa frankisten aurka borrokatu ziren milizianoen gorpuak daude lurperatuta.
Plaka kenduko dute, legearen aurka doalako, eta, ondoren, taldeen ordezkariekin aztertuko da, Giza Eskubideen batzordean, ehorzketa testuinguruan jarriko duen azalpenik jarri edo zer erabaki hartu behar den, alkateak azaldu duenez.
Aranzadi Elkarteak dokumentu bat aurkitu zuen udal artxiboetan 1939ko otsailean udal frankistak bando horretan eroritakoen senideei egindako deia jasotzen zuena, gorpuzkiak Polloen eraiki behar zen mausoleora eramateko. Mausoleoko eraikuntzaren gastuak Udalak hartuko zituen bere gain.
Faxisten bandoan eroritakoak Erorien Haranean lurperatzeko aukera zabaldu zela, 1958-1963ko dokumentuetan jasota dagoenez. Lau familiak bakarrik onartu zuten hori.
Agindua Donostiako Udalera iritsi zenean, kanposantuko arduradunari eskatu zion nitxoetan edo taldean lurperatuta zeuden pertsonei buruzko dokumentazioa, hala nola, Polloeko "martirien mausoleoan" daudenena.
Funtzionarioak 121 izen identifikatu zituen, eta horietatik, Aranzadi Elkarteak egiaztatu du, artxibo historikoak eta militarrak aztertu ondoren, 17 Donostiaren defentsan borrokatu ziren milizianoenak direla. Batzuk donostiarrak dira; beste batzuk, Bilbotik, Arrasatetik, Eibartik (Gipuzkoa) edo Altsasutik (Nafarroa) etorritakoak. Gehienak, komunistak eta anarkistak.
Dokumentazioaren arabera, pertsona horiek 1936ko uztailaren 25ean eta 27an lurperatu zituzten. Mausoleora 1940ko uztailean eraman zituzten. Horietako batzuk "Jainkoaren eta aberriaren alde hildakoak" bezala sailkatuta egon litezke.
Bucesek adierazi duenez, hori zentzu praktiko batengatik edo ezjakintasunagatik izan daiteke.
Zure interesekoa izan daiteke
Gipuzkoak "plan estruktural bat" eskatu dio Espainiako Gobernuari Ceutako adingabeak hartzeko
Irune Berasaluze foru bozeramaileak adierazi du Gipuzkoa prest dagoela adin txikikoak hartzeko. Hori bai, baldintza batzuk ezarri dizkio Espainiako Gobernuari. Ezinbestekoa da, bere hitzetan, plan estruktural bat edukitzea, eta inprobisazioek ez dute lekurik izan behar.
"Politikan gizatasunez jardutea" eskatu du Chivitek, Ceutan bakarrik dauden adingabeen egoeraren aurrean
Maria Chivitek eskatu du alde batera uzteko Ceutan familiarik gabe dauden haurren egoera "deshumanizatzeko" ahalegina. Adingabe horien "muturreko egoera" nabarmendu du Nafarroako presidenteak, eta berretsi du Nafarroak beteko dituela bere betebeharrak, baina gainerako erkidegoei ere gauza bera egiteko deia luzatu die.
Irunek mugako trafikoaren aurrean duen "bakardadea" salatu du alkateak, eta Eusko Jaurlaritzak Frantzia seinalatu du
Cristina Laborda Irungo alkateak Eusko Jaurlaritzaren eta Gipuzkoako Foru Aldundiaren inplikazio handiagoa eskatu du, eta Ricardo Ituarte Segurtasun sailburuordeak, berriz, Ertzaintzaren kudeaketa defendatu du, eta Frantziako agintariak jo ditu mugan trafikoa arintzearen arduradun gisa.
Ceutan bakarrik dauden adingabeak euren familiekin bueltatzearen beharra azpimarratu du Eusko Jaurlaritzak
Horretarako aukera guztiak agortzeko eskatu dio Lakuak Espainiako Gobernuari, horiek autonomia erkidegoetan banatu aurretik.
Nafarroak adingabeen banaketa "beteko" du, baina beste erkidegoen "elkartasunik eza" ordaindu gabe
Javier Remirez Nafarroako Gobernuko lehen presidenteorde eta bozeramaileak adierazi duenez, Nafarroak "araudia beteko du" eta inoren kargura ez dauden adingabe migratzaileen banaketari eta harrerari men egingo die, baina ez du ordainduko "beste autonomia-erkidego batzuen elkartasunik eza".
Ceutako 500 neska migratzaile penintsulara eramateko lanean ari da Espainiako Gobernua
Espainiako Gobernua lanean ari da bakarrik dauden 500 bat neska migratzaile penintsulara eramateko, uztailaren amaierako sarrera masiboaren ondoren Ceutan daudenak. Gazteria eta Haurtzaro Ministerioa aztertzen ari da adingabeak babesteko erakundeek baliabide egokituetan har ditzaten, haien tutoretza autonomia-erkidegoei transferitu beharrik gabe.
Bilboko Konpartsek eta Sarek manifestazioa deitu dute abuztuaren 28rako, 2027an "euskal presorik egon ez dadin" aldarrikatzeko
Sarek eta Bilboko Konpartsek Etxera Eguna deitu dute abuztuaren 28rako, Aste Nagusi betean, “euskal preso, iheslari eta deportatuak etxera itzultzea” aldarrikatzeko. Horretarako, manifestazioa eta herri-bazkaria egingo dute. Halaber, gaurko agerraldian, 2027ko jaiak presorik eta errepresaliaturik gabeko lehenak izatea jarri dute helburutzat.
Ceutako adingabe migratzaileak beren familiekin bueltatzearen alde eta, ezin den kasuetan, hartzearen alde egin du Jaurlaritzak
Txema Ezkerra Haur, Nerabe eta Familia zuzendariaren ustez, "onartezina" da Voxek arlo hori kudeatzen duen erkidegoetan legea ez betetzea, eta Estatuari esku-hartzeko eskatu dio.
Burlatako Udalak aho batez gaitzetsi du UPNko zinegotzi bati jaietan egindako erasoa
Pasa den larunbatean Carlos Oto UPNko zinegotziari eraso egin zioten alderdi erregionalistaren egoitzan, hainbat alderdikide eta beste hainbat pertsona bilduta zeudela.
"Errealitatea makillatzea" egotzi dio Ceutako presidenteak Gobernuari, eta krisia konpontzeko 30 egun eman dizkio
Juan Vivasek gogor kritikatu du Gobernua uztailaren 30ean eta 31n Marokotik 70.000 pertsona inguru hiri autonomora sartu ondoren sortu den migrazio-krisiaren aurrean "erantzun ezagatik" eta "pasibotasunagatik". Agerraldi batean, Vivasek galdetu du ea Gobernuaren pasibotasunak Maroko "ez molestatzea" bilatzen duen, eta iragarri du botere judizialera eta beste estamentu batzuetara joko duela krisia 30 eguneko gehieneko epean konpontzen ez bada.