Hualde: "Inkestek emaitza okerragoa ematen diote Geroa Bairi gero errealitateak erakusten duena baino”
Unai Hualde (Geroa Bai) Nafarroako Parlamentuko presidenteak azaldu duenez, historikoki Geroa Bairi inkestek "emaitza okerragoak ematen diote gero errealitatean gertatzen dena baino". Hala, uste du momentu bateko argazkia erakusten dutela gaur argitara eman diren datuek, eta kontuan hartu behar badira ere, urtebete dutela aurretik lan egiteko.
Asteazken honetan "Egun On Euskadi" saioan EiTB Focus inkestaren azken emaitzak baloratu ditu Hualdek. Inkestak aurreikusi duenez, Geroa Baik behera egingo luke Nafarroan, Navarra Sumarekin eta Podemosekin batera, eta EH Bilduk, Ezkerrak eta Voxek gora egingo lukete. PSNk, berriz, ordezkaritza mantentzea lortuko luke. Gauzak horrela, hauteskundeak gaur egingo balira, Geroa Baik zein Podemosek ordezkari bana galduko lukete, EITB Taldeak egindako azken makroinkestaren arabera.
Dena dela, Hualde baikor agertu da emaitza horien aurrean, nahiz eta aitortu duen guztia ondo ikertu behar dela. Horren esanetan, "Geroa Baik puntu garrantzitsu bat dauka Uxue Barkosekin eta emaitzak errepikatzea" litzateke haien helburua.
Hauteskundeetan Nafarroako gizon eta emakumeek Geroa Baik "deberdintasunen artean zintzotasunez eta seriotasunez akordioak lortzeko duen gaitasuna" saritzen dutela azpimarratu du.
Era berean gogoratu du Gobernuan izan duten papera ez dela erraza izan legealdi honetan, "alderdi sozialistak patrimonializatu duelako".
EH Bilduren gorakadaren aurrean esan du "EH Bilduk jarrera posibilista eta instituzionala" erakutsi duela azken aldian eta ondo joan zaiola.
Eskuinaren beheranzko joeraren harira nabarmendu du Navarra Sumak, koalizio moduan, 3 galduko lituzkeela eta hori galera handia litzateleka. Vox alderdiaren sarrerarekin, berriz, kezka agertu du: "Berri txarrena Voxen gorakada da, horrek eragina izango baitu. Politika egiterako orduan beste norabide bat du alderdiak, eta hori da benetan gehien larritzen gaituena".
Eskuinak Nafarroan izango litzakeen aliantza ezberdinez galdetuta Nafarroako Parlamentuko presidenteak esan du ikusteko dagoela zein den UPNren apustua: "Badirudi bakarka joan daitekeela: PPren egoera da zalantza", gaineratu du.
Sayas eta Adaneroz galdetuta, ondorengoa azpimarratu du Hualdek: "Beltranek Sayas eta Adanero PPra erakarri nahi izateak nahiko haserre sortu du UPNko jendearengan.
Zure interesekoa izan daiteke
EH Bilduk Eusko Jaurlaritzari egotzi dio udalekuak arautu gabe egotearen erantzukizuna
Nerea Kortajarena EH Bilduko legebiltzarkideak azaldu duenez, Gazteria Legea 2022an onartu zen, eta arau hori "ez du garatu Eusko Jaurlaritzak". "Etxeko lanak ez egiteak", udalekuen arloa "erregulatu gabe egotea" eragin duela salatu du.
Antonio Tejero hil da, O23ko estatu kolpe saiakeran protagonista izan zen teniente koronela
Estatu kolpe saiakeraren dokumentu desklasifikatuak argitarau diren egunean ezagutu da Tejeroren heriotza. Saiakera harengatik 30 urteko kartzela zigorra ezarri zioten, baina erdia bete zuen.
Euskararen indarberritze prozesuan norabide aldaketa bat proposatzen duen ‘Lurralde Estrategia’ aurkeztu du UEMAk
Estrategiak bi ideia nagusi ditu oinarrian: arnasguneen eta lurgune euskaldunenaren gainbehera iraultzea eta indartze bidean jartzea, eta hizkuntza politika lurralde ikuspegitik planifikatzea.
Javier Remirezek Montejurrari, Mikel Zabalzari eta Sanferminei buruzko dokumentuak desklasifikatzeko eskatu du
Nafarroako Gobernuko lehen presidenteordeak prentsaurrekoan adierazi duenez, "demokraziarako beti da positiboa" informazioa desklasifikatzea, "iraganeko gertaerak hobeto ulertzeko aukera" ematen baitu, "demokrazia helduei dagokien gisan". Nafarroako Gobernuak sekretu ofizialei buruzko araudi berri bat egiteko eskatu du, indarrean dagoena 1968koa baita, "diktadura frankista garaikoa".
Espainiako Telebistan indarrez sartu ziren militarrek jasotako agindua: “Lehen tiroa, airera; eta bigarrena, jotzera”
Desklasifikatutako dokumentuetako batek El Pardo unitate militarraren telefono bidezko elkarrizketak jasotzen ditu.
Informatzaile batek CESIDi jakinarazi zion Juan Carlos I.a militar kolpistekin bildu zela, epaiketak Errege Etxea kaltetu ez zezan
Dokumentuak jasotzen duenez, erregea Milans del Bosch kolpistarekin bildu zen. Zerbitzu sekretuek sinesgarritasuna eman zioten informazioari, eta “goi-mailako ezagutza” gisa sailkatu zuen.
Dokumentu desklasifikatuek agerian utzi dute CESIDeko sei agente O23an inplikatuta egon zirela
Defentsa Ministerioak argitaratutako txostenen arabera, unitate berezi bateko kideek kolpe-saiakeran parte hartu zuten, eta haien jarduna estaltzen saiatu ziren.
Tejeroren elkarrizketak eta CESIDen oharrak, desklasifikatutako O23ko dokumentuen artean
Dokumentazioa Moncloaren webgunearen bidez eskura daiteke, eta hainbat ministeriotako 153 dokumentu biltzen ditu, estatu-kolpe saiakeraren aurrekoa eta ondorengoa barne.
Yolanda Diazek iragarri du ez dela hautagai izango 2027ko hauteskunde orokorretan
Espainiako Gobernuko bigarren presidenteordeak Bluesky sare sozialean argitaratutako mezu baten bidez eman du erabakiaren berri, eta Lan Ministerioan izandako agintaldiaren balantzea egin du.
Karmele Tubillak ostegunean utziko du Santurtziko alkate kargua
EAJk oraindik ez du baieztatu nor izango den Tubilla ordezkatzeko hautagai jeltzalea.