Zupiriak eta Mendiak autogobernuari buruzko jarrerak zehaztu dituzte
Eusko Alderdi Jeltzaleak eta Euskadiko Alderdi Sozialistak Euskal Autonomia Erkidegorako estatus berri baten inguruan dituzten desadostasunak Eusko Jaurlaritzako ordezkarien adierazpenetan ere azaleratu dira, Iñigo Urkullu lehendakariak Korsikatik "Estatu eredu berri bat" eskatu eta Eneko Andueza PSE-EEko idazkari nagusiak Urkulluk "modu pertsonalean" hitz egiten zuela erantzun ondoren.
Bingen Zupiria Jaurlaritzako bozeramaileak Onda Vascan egindako elkarrizketa batean azaldu duenez, "EAJren eta PSE-EEren arteko aditze maila handia dela toki guztietan", Pedro Sanchezen Gobernuari, Eusko Jaurlaritzari, foru aldundiei eta EAEko udalei dagokienez.
Jeltzaleak "koalizioko bi alderdiak eta bien artean dauden konpromisoak" ordezkatzen ditu bozeramaile gisa, eta gogorarazi du bi alderdiek adostutako gobernu programaren gakoetako bat Gernikako Estatutua betetzea dela; zehazki, "autogobernu gehiago eta hobea". Legegintzaldiko konpromisoak bete ahal izateko epea "urtebete edo bi urteren buruan" bukatuko da, eta, beraz, "hartutako konpromisoak betetzeko daudela" gogorarazi du.
Bozeramailea pozik agertu da Espainiako Gobernuak Estatutua bere osotasunean betearazteko hartutako konpromisoagatik, gai hori baita "guztiok gutxiago hitz egin eta lan gehiago egin beharko genukeen korapilo gordiarra". Horretan zentratzeko deia egin du, "publikoki eta modu pribatuan".
Idoia Mendia Lan eta Enpleguko sailburu eta lehendakariordeak gogorarazi duenez, "Estatus berriaren gaia" koalizio gobernu programatik kanpo geratu zen. Hartutako konpromisoak "autogobernu gehiago" eta "enplegu gehiago" izan ziren.
"Gu autogobernu gehiagorekin konprometituta gaude, eta, batez ere, enplegu gehiagorekin, hori baita gure gobernu programaren ardatz nagusietako bat", gaineratu du lehendakariorde sozialistak.
Zentzu horretan, Mendiak enpleguaren erronkari aurre egiteko "autogobernuak ematen duen gaitasun guztiak" erabiltzea eskatu du, batez ere "garai latz" hauetan "erantzukizuna eta ikuspegi zabala" behar baitira.
Zure interesekoa izan daiteke
Eusko Jaurlaritzak ostegun honetan abiatuko du ikasturte politiko berria
Etxebizitzaren prezioak, Osakidetzako itxaron-zerrendek, transferentziek eta erreforma fiskalak markatuko dute, besteak beste, agertoki politikoa udazkenean.
Ceutan konfinamendua ezartzeko eskatu dio Feijook Sanchezi "osasun arriskuagatik"
Alberto Nuñez Feijoo PPko buruak Ceutan konfinamendua ezartzeko eskatu dio Pedro Sanchez Espainiako Gobernuko presidenteari, uztailaren amaieran migratzaileak masiboki sartu ostean atzeman diren gaixotasun infekzioso eta kutsakorrak direla eta. Horren hitzetan, sarna eta tuberkulosi kasuak daude eta "osasun-arriskua" dago.
Bizirik dauden migratzaileak eta hildakoen gorpuak aberriratzeko eskatu dio Marokok Espainiari
Marokoko Justizia ministroak Espainiarekin akordio bat sinatzeko eskatu du, eta ziurtatu du Maroko prest dagoela autobusak Ceutara bidaltzeko, bizirik dauden migatzaileak hartzeko.
Gorenak atzera bota du ministroak abuztuan Senatuan agertzera behartzeko PPk egindako premiazko eskaera, Ceutako krisia dela eta
Nuñez Feijook Gobernuari eskatu dio baimena eman diezaiola Felipe VI.ari hiri autonomoa bisitatzeko, erregeak “Ceutara joan nahi duelako hala dagokiolako”.
Espainiako Gobernuak uste du posible dela 500 neska Penintsulara eramatea "aste gutxi barru"
Gazteria eta Haurtzaro arloak adierazi du astebete daramala gai honetan lanean Ceutako agintariekin, eta proposamen zehatz bat egingo duela.
Irunen hegoaldeko erronda, saihesbidea eta AP-8 autobidean 3. erreia egiteko beharra defendatu du Labordak
Radio Euskadiko "Boulevard" saioan Cristina Laborda Irungo alkateak esan duenez, urteak behar dira errepideak egiteko, eta erabaki batzuk duela 20 urte hartu behar izan zirela kritikatu du.
Gipuzkoak "plan estruktural bat" eskatu dio Espainiako Gobernuari Ceutako adingabeak hartzeko
Irune Berasaluze foru bozeramaileak adierazi du Gipuzkoa prest dagoela adin txikikoak hartzeko. Hori bai, baldintza batzuk ezarri dizkio Espainiako Gobernuari. Ezinbestekoa da, bere hitzetan, plan estruktural bat edukitzea, eta inprobisazioek ez dute lekurik izan behar.
"Politikan gizatasunez jardutea" eskatu du Chivitek, Ceutan bakarrik dauden adingabeen egoeraren aurrean
Maria Chivitek eskatu du alde batera uzteko Ceutan familiarik gabe dauden haurren egoera "deshumanizatzeko" ahalegina. Adingabe horien "muturreko egoera" nabarmendu du Nafarroako presidenteak, eta berretsi du Nafarroak beteko dituela bere betebeharrak, baina gainerako erkidegoei ere gauza bera egiteko deia luzatu die.
Irunek mugako trafikoaren aurrean duen "bakardadea" salatu du alkateak, eta Eusko Jaurlaritzak Frantzia seinalatu du
Cristina Laborda Irungo alkateak Eusko Jaurlaritzaren eta Gipuzkoako Foru Aldundiaren inplikazio handiagoa eskatu du, eta Ricardo Ituarte Segurtasun sailburuordeak, berriz, Ertzaintzaren kudeaketa defendatu du, eta Frantziako agintariak jo ditu mugan trafikoa arintzearen arduradun gisa.
Ceutan bakarrik dauden adingabeak euren familiekin bueltatzearen beharra azpimarratu du Eusko Jaurlaritzak
Horretarako aukera guztiak agortzeko eskatu dio Lakuak Espainiako Gobernuari, horiek autonomia erkidegoetan banatu aurretik.