Miren Gorrotxategi: "Sagarduiren hitzak kezkagarriak dira, eta Legebiltzarrean azalpenak eskatuko ditugu"
Osakidetzako Lehen Arretan Gotzone Sagardui Eusko Jaurlaritzako Osasun sailburuak aste honetan iragarritako murrizketen inguruan Miren Gorrotxategi Elkarrekin Podemos-IUko Eusko Legebiltzarreko bozeramaileak esan du "hitz kezkagarriak" direla.
Radio Euskadiko "Crónica Fin de Semana" irratsaioan eskainitako elkarrizketan Gorrotxategik ohartarazi duenez, iragarpen horrek kezka eragin du erizainen artean. Gainera, datorren kontrol-saioan Gotzone Sagardui sailburua galdekatuko dutela iragarri du.
Hezkuntza-itunari buruz, alderdi sinatzaileen arteko komunikaziorik ez dagoela deitoratu du eta, ohartarazi duenez, "hitzartutako konpromisoak betetzen ez badira, Elkarrekin Podemosek adostasunari uko egingo dio". Exekutiboaren asmoa da "uda aurretik lege-proiektua izatea, eta udazkenerako hezkuntza-legea prest izatea".
Diru-sarrerak Bermatzeko Errentaren erreformaren inguruan galdetuta, "existitzen den onena" dela azpimarratu du, baina hobetu daitekeela, eta Elkarrekin Podemos-IUk proposatu duela "laguntza hori jasotzeko gutxienezko adina 18 urtera jaistea". Zentzu horretan gogoratu du iruzur maila txikia dela, eta iruzur fiskala askoz kezkagarriagoa dela, "diru publikoarentzako 6.000 milioi euro suposatzen baitu".
Estatus berriaren gainean adierazi du bere alderdia eztabaidatzeko prest dagoela, eta autogobernurako ponentziak hainbat auzi berrikusi behar dituela, tartean, Euskadiko lurralde-antolakuntza. "Ez dauka zentzurik alor fiskalean Bizkaia, Gipuzkoa eta Araba lehian egotea", nabarmendu du.
Datozen foru eta udal hauteskundeen inguruan lasai agertu da Gorrotxategi. "Urtebete dugu oraindik lan egiteko", eta abstentzio mailan jarri du arreta, aurreko hauteskundeetan % 48koa izan baitzen. "Etxean geratu zen herritarren boza berreskuratu behar dugu, ezkerreko botoa delakoan nago", azpimarratu du.
Amaitzeko, Madrilgo koalizio-gobernua aipatu du: "agintaldiari amaierara arte eutsi behar dio Gobernuak, alternatiba eskuina eta eskuin-muturraren arteko gobernua delako". EH Bilduk Kongresuan duen paperari buruz Gorrotxategik adierazi du, "ezkerreko gobernua sostengatzeko beharrezkoa dena egiten ari da".
Zure interesekoa izan daiteke
Valcalderan fusilatutakoak omendu dituzte Iruñean eta Cadreitan, 90 urte betetzen direnean
1936an, agintari militarrek 52 preso errepublikano atera zituzten Iruñeko kartzelatik, askatuko zituztelako aitzakian, baina hil egin zituzten. Bederatzi hamarkada geroago, ez dakite non dauden haien gorpuzkiak.
Eusko Jaurlaritzak ostegunean hasiko du urte politiko berria
Besteak beste, etxebizitzaren prezioak, Osakidetzako itxaron-zerrendek, transferentziek eta erreforma fiskalak markatuko dute agertoki politikoa udazkenean.
Ceutan konfinamendua ezartzeko eskatu dio Feijook Sanchezi "osasun arriskuagatik"
Alberto Nuñez Feijoo PPko buruak Ceutan konfinamendua ezartzeko eskatu dio Pedro Sanchez Espainiako Gobernuko presidenteari, uztailaren amaieran migratzaileak masiboki sartu ostean atzeman diren gaixotasun infekzioso eta kutsakorrak direla eta. Horren hitzetan, sarna eta tuberkulosi kasuak daude eta "osasun-arriskua" dago.
Bizirik dauden migratzaileak eta hildakoen gorpuak aberriratzeko eskatu dio Marokok Espainiari
Marokoko Justizia ministroak Espainiarekin akordio bat sinatzeko eskatu du, eta ziurtatu du Maroko prest dagoela autobusak Ceutara bidaltzeko, bizirik dauden migatzaileak hartzeko.
Gorenak atzera bota du ministroak abuztuan Senatuan agertzera behartzeko PPk egindako premiazko eskaera, Ceutako krisia dela eta
Nuñez Feijook Gobernuari eskatu dio baimena eman diezaiola Felipe VI.ari hiri autonomoa bisitatzeko, erregeak “Ceutara joan nahi duelako hala dagokiolako”.
Espainiako Gobernuak uste du posible dela 500 neska Penintsulara eramatea "aste gutxi barru"
Gazteria eta Haurtzaro arloak adierazi du astebete daramala gai honetan lanean Ceutako agintariekin, eta proposamen zehatz bat egingo duela.
Irunen hegoaldeko erronda, saihesbidea eta AP-8 autobidean 3. erreia egiteko beharra defendatu du Labordak
Radio Euskadiko "Boulevard" saioan Cristina Laborda Irungo alkateak esan duenez, urteak behar dira errepideak egiteko, eta erabaki batzuk duela 20 urte hartu behar izan zirela kritikatu du.
Gipuzkoak "plan estruktural bat" eskatu dio Espainiako Gobernuari Ceutako adingabeak hartzeko
Irune Berasaluze foru bozeramaileak adierazi du Gipuzkoa prest dagoela adin txikikoak hartzeko. Hori bai, baldintza batzuk ezarri dizkio Espainiako Gobernuari. Ezinbestekoa da, bere hitzetan, plan estruktural bat edukitzea, eta inprobisazioek ez dute lekurik izan behar.
"Politikan gizatasunez jardutea" eskatu du Chivitek, Ceutan bakarrik dauden adingabeen egoeraren aurrean
Maria Chivitek eskatu du alde batera uzteko Ceutan familiarik gabe dauden haurren egoera "deshumanizatzeko" ahalegina. Adingabe horien "muturreko egoera" nabarmendu du Nafarroako presidenteak, eta berretsi du Nafarroak beteko dituela bere betebeharrak, baina gainerako erkidegoei ere gauza bera egiteko deia luzatu die.
Irunek mugako trafikoaren aurrean duen "bakardadea" salatu du alkateak, eta Eusko Jaurlaritzak Frantzia seinalatu du
Cristina Laborda Irungo alkateak Eusko Jaurlaritzaren eta Gipuzkoako Foru Aldundiaren inplikazio handiagoa eskatu du, eta Ricardo Ituarte Segurtasun sailburuordeak, berriz, Ertzaintzaren kudeaketa defendatu du, eta Frantziako agintariak jo ditu mugan trafikoa arintzearen arduradun gisa.