Echenique, Podemosen kontrako dokumentu faltsuez: "Komunikabideek parte hartu gabe ezinezkoa litzateke"
Pablo Echeniquek (Podemos) El Pais egunkariak argitaratutako audio berriak izan ditu hizpide ETB2n. Horietan, Jose Manuel Villarejo komisarioak eta Maria Dolores de Cospedalek, garai hartan PPko idazkari nagusia eta Defentsa ministroa zenak, alderdi morearen irudia kaltetzeko dokumentu faltsuak sortzeaz hitz egiten dute, eta Pablo Iglesias iraindu ere egiten dute. Echeniquek deitoratu egin du PPk eta epaile batzuek ez ezik, hedabideek ere manipulazio kanpaina horretan parte hartu zutela, eta ez soilik "eskuin mediatikoko" komunikabideek.
"Pablo Iglesiasen eta Podemosen izena suntsitzeko operatibo bat badago, argi dago ezin duela funtzionatu komunikabideen laguntzarik gabe, eta, tamalez, garai horretan gehienek zabaltzen zuten gezurrezko zabor hori", uste du Echeniquek.
Podemos Europako Parlamentuan sartu zenetik, hainbat ustezko dokumentu ofizial filtratu dituzte prentsan, ezkerreko alderdia Venezuelako Gobernuarekin lotzeko edota Iranek finantzatuta zegoela esateko. Informazio faltsu horiek oihartzuna izan zuten Espainiako hedabide gehienetan, baina ez du ibilbide judizialik izan.
Echeniqueren esanetan, PP erakunde kriminala da "horrelako konspirazio mafiosoetan" parte hartzeagatik eta demokrazian "iruzurra egiten" saiatzeagatik: "Uste dute erakundeak eurenak direla, eta boterera iristen direnean aurkari politikoak suntsitzen saiatzeko erabiltzen dituzte, legez kanpo, ikusi dugun bezala". Diputatuak Alberto Nuñez Feijoo egungo presidenteari dei egin dio —ustez moderatua, "baxu hitz egiten duelako eta batzuetan gorbatarik eramaten ez duelako"— Cospedalengandik bereizi dadin eta alderditik kanporatu dezan. "Bestela, oso zaila da PP moderatua dela sinestea, bere aurreko idazkari nagusiak aurkariei 'puta seme' deitzen zienean", esan du.
Espainiako Gobernuko bi alderdi politikoen arteko talkei dagokienez, Echeniquek desberdintasunak bereiztea eskatu du, egungo gai batzuetan sor daitezkeenen eta PSOEk "gobernu-akordioan sinatutakoa bete nahi ez duenean" (hala nola, zerga-erreforma progresiboa) edo itunean ez dauden beste politika batzuk egiten dituenean (Defentsako gastua handitzea, adibidez) sortzen direnen artean.
Zure interesekoa izan daiteke
Espainiako Gobernuak uste du posible dela 500 neska Penintsulara eramatea "aste gutxi barru"
Gazteria eta Haurtzaro arloak adierazi du astebete daramala gai honetan lanean Ceutako agintariekin, eta proposamen zehatz bat egingo duela.
Irunen hegoaldeko erronda, saihesbidea eta AP-8 autobidean 3. erreia egiteko beharra defendatu du Labordak
Radio Euskadiko "Boulevard" saioan Cristina Laborda Irungo alkateak esan duenez, urteak behar dira errepideak egiteko, eta erabaki batzuk duela 20 urte hartu behar izan zirela kritikatu du.
Gipuzkoak "plan estruktural bat" eskatu dio Espainiako Gobernuari Ceutako adingabeak hartzeko
Irune Berasaluze foru bozeramaileak adierazi du Gipuzkoa prest dagoela adin txikikoak hartzeko. Hori bai, baldintza batzuk ezarri dizkio Espainiako Gobernuari. Ezinbestekoa da, bere hitzetan, plan estruktural bat edukitzea, eta inprobisazioek ez dute lekurik izan behar.
"Politikan gizatasunez jardutea" eskatu du Chivitek, Ceutan bakarrik dauden adingabeen egoeraren aurrean
Maria Chivitek eskatu du alde batera uzteko Ceutan familiarik gabe dauden haurren egoera "deshumanizatzeko" ahalegina. Adingabe horien "muturreko egoera" nabarmendu du Nafarroako presidenteak, eta berretsi du Nafarroak beteko dituela bere betebeharrak, baina gainerako erkidegoei ere gauza bera egiteko deia luzatu die.
Irunek mugako trafikoaren aurrean duen "bakardadea" salatu du alkateak, eta Eusko Jaurlaritzak Frantzia seinalatu du
Cristina Laborda Irungo alkateak Eusko Jaurlaritzaren eta Gipuzkoako Foru Aldundiaren inplikazio handiagoa eskatu du, eta Ricardo Ituarte Segurtasun sailburuordeak, berriz, Ertzaintzaren kudeaketa defendatu du, eta Frantziako agintariak jo ditu mugan trafikoa arintzearen arduradun gisa.
Ceutan bakarrik dauden adingabeak euren familiekin bueltatzearen beharra azpimarratu du Eusko Jaurlaritzak
Horretarako aukera guztiak agortzeko eskatu dio Lakuak Espainiako Gobernuari, horiek autonomia erkidegoetan banatu aurretik.
Nafarroak adingabeen banaketa "beteko" du, baina beste erkidegoen "elkartasunik eza" ordaindu gabe
Javier Remirez Nafarroako Gobernuko lehen presidenteorde eta bozeramaileak adierazi duenez, Nafarroak "araudia beteko du" eta inoren kargura ez dauden adingabe migratzaileen banaketari eta harrerari men egingo die, baina ez du ordainduko "beste autonomia-erkidego batzuen elkartasunik eza".
Ceutako 500 neska migratzaile penintsulara eramateko lanean ari da Espainiako Gobernua
Espainiako Gobernua lanean ari da bakarrik dauden 500 bat neska migratzaile penintsulara eramateko, uztailaren amaierako sarrera masiboaren ondoren Ceutan daudenak. Gazteria eta Haurtzaro Ministerioa aztertzen ari da adingabeak babesteko erakundeek baliabide egokituetan har ditzaten, haien tutoretza autonomia-erkidegoei transferitu beharrik gabe.
Bilboko Konpartsek eta Sarek manifestazioa deitu dute abuztuaren 28rako, 2027an "euskal presorik egon ez dadin" aldarrikatzeko
Sarek eta Bilboko Konpartsek Etxera Eguna deitu dute abuztuaren 28rako, Aste Nagusi betean, “euskal preso, iheslari eta deportatuak etxera itzultzea” aldarrikatzeko. Horretarako, manifestazioa eta herri-bazkaria egingo dute. Halaber, gaurko agerraldian, 2027ko jaiak presorik eta errepresaliaturik gabeko lehenak izatea jarri dute helburutzat.
Ceutako adingabe migratzaileak beren familiekin bueltatzearen alde eta, ezin den kasuetan, hartzearen alde egin du Jaurlaritzak
Txema Ezkerra Haur, Nerabe eta Familia zuzendariaren ustez, "onartezina" da Voxek arlo hori kudeatzen duen erkidegoetan legea ez betetzea, eta Estatuari esku-hartzeko eskatu dio.