Podemos Villarejoren audioen harira neurriak aztertu eta erantzukizunak eskatzen ari da
Podemosen esanetan, "neurri posible guztiak" aztertzen ari da, eta erantzukizunak ere eskatu ditu Antonio Garcia Ferrerasen eta Jose Manuel Villarejo komisario ohiaren arteko audioak argitaratu ondoren. Bertan, kazetariak zalantzan jartzen du Pablo Iglesias Podemosko orduko buruak paradisu fiskal batean zuen banku-kontu bati buruzko informazioa egiazkoa ote zen.
Antonio Garcia Ferreras kazetari eta "Al Rojo Vivo" saioko zuzendariak gaur, astelehena, La Sexta kateko goizetako albistegia ireki du audioei buruz hitz eginez, eta honako hau adierazi du: "Hemen ez dugu ezer ezkutatzeko; inoiz ez dugu informazio faltsurik eman hala dela jakinda, inoiz ez. Ez Granadinetako hori, ez beste bat, ez Podemosi buruz, ez beste inori buruz".
Alderdi morea ez da pozik geratu Ferrerasek emandako azalpenekin, eta erantzukizunak eskatu ditu maila guztietan, "maila politikoan, judizialean, polizialean eta mediatikoan"; izan ere, onartu ezean, berriro gertatu ahal izango da, eta jokoan dagoena gobernu aurrerakoi bat edo "atzerapauso bat ematea da, Feijooren eta Voxen koalizio batekin", azpimarratu du Maria Teresa Perezek alderdiaren egoitzan emandako prentsaurreko batean.
Bozeramaile morearen arabera, kazetari baten betebeharra da gertakarien egiazkotasuna frogatzea eta bertsio guztien berri ez ematea "faltsuak badira"; izan ere, bestela, iritzi publikoa "intoxikatzen" ariko da.
Bestalde, Pablo Iglesiasek "En Jake" saioan esan duenez, "Ferrerasek gezurra esan du, informazio hori gezurra zela esan niolako". Podemoseko buruzagi ohiak ETBko saioan azaldu duenez, "albistea atera zenean, Ferrerasek esan zuen ez zekiela faltsua zenik, baina bai bazekien, deitu zidalako, gezurra zela esan nion eta berak esan zidan ez zuela uste egia zenik".
Pablo Iglesiasen elkarrizketa "En Jake" saioan gaur, astelehena. Jatorrizko bideoa gaztelaniaz:
CONTENIDO NO ENCONTRADO
Zentzu horretan, Ferrerasek "faltsua dela jakinda albiste bat publikatzea oso larria da". Izan ere, Iglesiasen esanetan, "arazoa da Espainiako Estatuko kazetaririk boteretsuenetako batek uste duela kazetaritza Villarejorekin biltzea dela, Eduardo Inda bere programan esertzea eta hitza ematea, jakinda gezurti profesionala dela, eta informazio faltsua erabiltzea alderdi bati kalte egiteko".
Zure interesekoa izan daiteke
Kortajarenaren ustez, Zupiria "justifikaezina justifikatzen" saiatu da, eta neurriak eskatu dizkio
Legebiltzarreko EH Bilduko bozeramailearen hitzetan, neurriak hartu ezean, "inpunitateari autobide bat irekitzen" zaio.
Rufian: "Beti esan izan da legealdiek EAJk dioena irauten dutela"
EAJk Pedro Sanchez Espainiako Gobernuko presidenteari hauteskunde orokorrak ez aurreratzea "arduragabea" litzatekeela esan ostean, Gabriel Rufian ERCk Kongresuan duen bozeramaileak esan du beti esan izan dela EAJk erabakitzen duela legealdien iraupena. Kongresuko pasilloetan egindako adierazpenetan, buruzagi kataluniarrak azaldu du bere alderdiak hauteskundeak aurreratzea eskatuko lukeela PSOEren finantziazio irregularra frogatuko balitz.
Vaquerok uste du arduragabea dela Espainiako legealdia 2027ra arte eramatea
Maribel Vaquero EAJren Diputatuen Kongresuko bozeramailearen arabera, Espainiako legealdia ezin da 2027an bukatu, amaierara arte eramanda, aurreikusita dagoen moduan. Bere ustez, Espainiako Gobernua arduragabe jokatzen ari da, eta azken auzi judizialek amorrua areagotu dute Kongresuan.
Loiun gertatutakoaren kronologia, Zupiriaren arabera
Bingen Zupiria Eusko Jaurlaritzako Segurtasun sailburuak adierazi duenez, Ertzaintzak Loiuko aireportuan egindako esku-hartzea agenteen aurkako "aldez aurreko eraso" eta "probokazio" bati emandako erantzuna izan zen, baina dispositiboaren kudeaketa "beste modu batera" egin behar zela onartu du. Zupiriak ordena publikoko arazo bat izan zela defendatu du, eta barne ikerketa batek indarraren erabilera proportzionala izan ote zen zehaztuko duela baieztatu du.
Oposizioak salatu duenez, "neurriz kanpoko jokaera basati batek Ertzaintzaren irudia kaltetu du"
Bingen Zupiria Segurtasun sailburuaren agerraldiaren ostean, EH Bilduk esan du "polizia ereduaren arazo bat" dagoela. Sumarrek sailburuari leporatu dio bere azalpenak "poliziaren jarduera justifikatzera bideratuta" egon direla. Bestalde, PPk jazotakoa ikertzeko eskatu dio, indarkeriaren erabilera proportzionala izan ote zen jakiteko.
Epaileak ekainaren 17 eta 18ra atzeratu du Zapaterok Plus Ultra auzian ikertu gisa egin beharreko agerraldia
Plus Ultra auzia ikertzen ari den Jose Luis Calama epaileari ekainaren 2rako aurreikusita zegoen deklarazioa atzeratzea eskatu dio gaur goizean Espainiako Gobernuko presidente ohiaren abokatuak, kausa ongi aztertu ahal izateko, iturri juridikoek jakitera eman dutenez.
Zupiria: “Gure herrian, herritar batzuek ez dute Poliziarik nahi, ezta Euskal Polizia bada ere”
Bingen Zupiriak Ertzaintzaren jarduna defendatu du Loiuko aireportuan Global Sumud flotillako kideekin izandako istiluetan, eta adierazi du oraindik ere badirela poliziaren figura ukatzen duten herritarrak. Halaber, gogorarazi du Ertzaintzako kideek ETAren terrorismoa eta kale indarkeria jasan zituztela, eta "gaur egun ere iragan horren arrastoak" gizartearen zati batean mantentzen direla.
Peinado epaileak Begoña Gomez epaiketa aurreko entzunaldi batera deitu du, ekainaren 9an
Epaile instruktoreak ikertuei —Begoña Gomez, Cristina Alvarez eta Juan Carlos Barrabes—ohartarazi die epaitegira agertu beharko dutela eta saio horretan kautelazko neurriak hartu daitezkeela.
Zupiriak akatsak onartu ditu Ertzaintzak Loiun izandako jardunean, eta ukatu egin du motibazio politikorik egon zela
Ingelesez hasitako agerraldi batean, Segurtasun sailburuak onartu du Ertzaintzak Loiuko aireportuan izan zuen jokabidea "ez zela gertatu behar", eta barkamena eskatu du nazioartean eragina izan zuten gertakari batzuengatik. Halaber, Zupiriak esan du agenteak oldartu zirela "erasoak" jasan zituztelako.
Nazionalisten arteko "elkar hartzeaz" eta "euskal prozesuaren" arriskuaz ohartarazi du Anduezak
Eneko Andueza PSE-EEko idazkari nagusiaren esanetan, EAJk eta PSE-EEk hizkuntza eskakizunen inguruan landutako adostasunetik atera dira jeltzaleak eta hori dago azken asteetako tentsioaren atzean.