1.700 ekintzailek baino gehiagok parte hartu dute Ipar Euskal Herria "blokeatzeko" mobilizazioetan
1.700 aktibistek baino gehiagok parte hartu dute larunbat honetan, uztailak 23, Bake Bideak eta Bakegileek Ipar Euskal Herrian antolatutako blokeoetan, Jakes Esnal eta Ion Parot ETAko presoak aska ditzaten eskatzeko. 32 urte daramatzate preso horiek espetxean.
Pirinio Atlantikoetako prefetak mobilizazio horiek debekatu zituen arren, hainbat bide-azpiegitura, autobide, trenbide eta Miarritzeko aireportua blokeatu dituzte goizean goizetik, eta dagoeneko 945 manifestari identifikatu dituzte, prefetak jakinarazi duenez; gainera, 26 aktibista atxilotu dituzte, Bake Bideak azaldu duenez.
Aktibistek jakinarazi dutenez, mobilizazioa "arrakastatsua" izan da. 1.700 parte-hartzaile baino gehiago Ipar Euskal Herriko 15 tokitan kateatu dira, errepideak, trenbideak eta beste azpiegitura batzuk blokeatuz, eta hala jarraitu dute 16:00ak arte. Ordu horretan, blokeoak desegin eta, 17:30ean, elkarretaratzea egin dute Baionako suprefeturaren aurrean, atxilotutako aktibistak aske utz ditzatela aldarrikatzeko; dagoeneko aske dira, kargupean.
Bake Bideak eta Bakegileek errepideak, trenbideak eta beste hainbat azpiegitura blokeatzeko deia egin dute gaurko, baina Eric Spitz prefetak debekatu egin ditu mobilizazioak, deialdia egin duten bi erakundeek "ez dituztelako manifestazioa deklaratzeko beharrezko formalitateak errespetatu", eta ohartarazi du epaimahaietara joko duela parte-hartzaileen aurka.
"Blokeo-proiektu hau batez ere geltokietara, aireportuetara eta errepide eta autobide sareko korapilo nagusietara zuzentzen da, eta arrisku larria da pertsonen segurtasunerako eta osasunerako", adierazi du Pirinio Atlantikoetako departamenduko prefekturak (Gobernuaren ordezkaritzak) ohar batean.
"Gerta daitezkeen auto-ilarek eta zirkulatzeko zailtasunek ondorio larriak eragingo dituzte ordena publikoan eta sorospen- eta larrialdi-zerbitzuek esku hartzeko duten gaitasunean", azpimarratu du.
Bake Bideak eta Bakegileek aurreratu dute eutsi egingo diotela gaurko deialdiari. Anaiz Funosas Bake Bideako bozeramaleak Ipar Euskal Herrian bizi diren herritarrei bidali die mezua: "Herritarrei dei egiten diegu etxean geratzeko edo ahalik eta gutxien mugitzeko. Ez dugu jendea izorratzeko egiten, arduraz jokatzen dugulako egiten dugu", eta, hortaz, larunbatean errepide nagusiak blokeatzeko ekimenari eutsiko diote.
Esnali eta Paroti biziarteko espetxe zigorra ezarri zieten Frantzian, eta 32 urte bete dituzte dagoeneko, ETAren hainbat atentatutan parte hartzeagatik.
Parisko auzitegi batek biak behin-behinean aske uztea agindu zuen ekainean, baina Fiskaltzak helegitea aurkeztu zuen, eta erabakia irailaren 22an ezagutuko da.
Albiste gehiago politika
Sare eta Etxerat elkarteek Bizkaiko eta Gipuzkoako 11 hondartzatan egin dute mobilizazioa
Urteroko ekimena izan dute gaur, Sare eta Etxerat elkarteek deituta, Gipuzkoako eta Bizkaiko 11 hondartzatan. Elkarbizitzarako jauzia egin ahal izateko, ETAko preso, iheslari eta deportatuen auziari behin betiko konponbidea ematea ezinbestekotzat jotzen dute. Biktimek horrenbeste merezi eta behar duten egia, aitortza eta erreparazioaren garrantzia ere azpimarratu dute.
Maider Etxebarria Gasteizko alkatea: "Asko poztuko ninduke jaien amaieran zero erasoren balantzea egin ahal izateak"
2025eko Andre Maria Zuriaren jaien atarian, festak "bizikidetzatik eta errespetutik, alaitasun eta ilusio handiz bizitzeko" deia egin die Gasteizko alkateak herritarrei eta bisitariei.
EAEko Justizia Auzitegi Nagusiko presidentea: "Zenbait sektorek ez diote modu argi batean indarkeria politikoari zilegitasunik kendu"
Hainbat gazteen eta ertzainen artean azken asteetan izandako istiluei buruz, Iñaki Subijana EAEKo Justizia Auzitegi Nagusiko presidenteak adierazi du "lehia bat" dagoela "Zuzenbide-Estatuaren eta Estatu beraren artean". "Biktima-justiziaren esparruan ezartzen ari garen neurrien inguruko hausnarketa egitera behartzen gaituzte", ondorioztatu du.
Bertan behera geratu da Puyko jaitsiera, bigarren urtez jarraian
Txosnek jai-eremu tradizionala aldarrikatu dute jaitsieraren kalean, udalaren debekuaren aurrean: "Jaiak herriarenak dira". Gogoratu beharra dago Udalak bigarren urtez jarraian debekatu duela hirigunean txosnen jai-esparrua jartzea, kanpoaldera mugituz.
AEBko Euskal Etxeetan euskararen irakaskuntza indartzeko hitzarmena sinatu dute
Etxepare Euskal Institutuak eta NABOk (North American Basque Organizations) sinatu dute lankidetza hitzarmena. Pradalesek adierazi duenez, "akordio hau konpromiso pedagogikoa baino gehiago da, urrats estrategikoa da euskararen nazioartekotzean".
Dobaranek eta Angulok Arkauti utziko dute urtebete eskas bete ondoren
Agur gutun batean, akademiaren eraldaketarako faseak abian jarri dituztela azaldu dute, baina ez dute irteeraren arrazoia zehaztu.
Eusko Jaurlaritzak Diasporaren Lege berri bat sustatuko du 2026an, egungo erronketara egokitzeko
Euskal herritarrek atzerrian duten presentzia aprobetxatzea da helburua, eta "Euskadi Globala" estrategian eragile diplomatiko gisa interesgarriak izan daitezkeen pertsona guztiak sare horretan sartzea.
Aukera berriak aprobetxatzeko AEBrekin harremanak estutzearen alde agertu da lehendakaria Boisen
Imanol Pradalesek esan du beharrezkoa dela zarata gainditzea eta AEBren eta EAEren arteko lankidetza "zubiak eraikitzen jarraitzea", enpresa aukera berriak aprobetxatzeko. "Ez gara hutsetik hasi. Bilera honekin jarraipena ematen diogu Estatu Batuen eta Euskadiren arteko harreman transatlantikoak sendotzeko helburuari", gaineratu du.
Cerdanen koinatu batek igeltsero gisa lan egin zuen Servinabar enpresan, eta 61.000 euro baino gehiago kobratu zituen
Antonio Muñoz Canok, zehazki, 3.363,36 euro jaso zituen 2019an, 16.255 euro 2020an, 21.233 euro 2021ean eta 20.818 euro 2022an. Igeltseroak bi alditan lan egin zuen eraikuntza konpainian, eta 61.669 euro jaso zituen guztira.
Ramiro González: "Talgoren egoitza sozialaren itzulera oso albiste ona da, sinbolismoz betea"
Ramiro Gonzalez Arabako ahaldun nagusiak Talgo enpresaren egoitza soziala Arabara itzultzea goraipatu du. Radio Euskadiko Boulevard saioan egindako elkarrizketan, Talgo erosteko operazioaren azken berriak izan ditu hizpide. Zalantzarik gabe esan du "oso albiste ona dela euskal industriarentzat eta bereziki Arabako industriarentzat", eta nabarmendu du Talgo aktibo garrantzitsua dela lurraldeko jarduera industriala berreskuratzeko.