Sareren arabera, preso "asko falta dira" oraindik euskal kartzeletara iristeko
Sarek Donostian amaitu du igande honetan ETAko presoen herriratzea eskatzeko egin duen bizikleta martxaren hirugarren eta azken etapa. "Etxera bidea gertu" lelopean, itzulia Etxarri Aranatzetik hasi zuten ostiral honetan.
300 pertsona inguruk parte hartu dute azken hiru egunotan Sarek deitutako ekimenaren bosgarren edizioan. Antolatzaileek aintzat hartu dituzte orain arte "emandako pausoak", baina "preso asko falta dira oraindik euskal kartzeletara etortzeko".
Gipuzkoar hiriburuko Boulevardean egindako adierazpenetan, Inaxio Oiarzabal sare herritarreko bozeramaileak presoei "legeak irizten duen bidea ibiltzen" uzteko eskatu dio Espaniako Gobernuari. "Atzean utzi dugu lehen gradua, baina askok oztopoak izaten dituzte bigarren graduan egonda baimenak lortzeko, edo hirugarren graduak lortzeko. Bide hori parez pare ireki zatzaien nahi dugu, bestelako eskari gehigarririk gabe", adierazi du.
Esan duenez, protestak eta aldarrikapenak datozen asteetan zehar luzatuko dira Euskal Autonomia Erkidegoko hiru hiriburuetan; abuztuaren 3an, Gasteizen; 20an, Donostian eta 26an, Bilbon. Gainera, urriaren 8an musika, jaialdia izango da Illunben, hori ere "Etxera bidea gertu" lelopean.
Hiru egun, 300 pertsona
Egun hauetan Aguraindik, Gasteiztik, Otxandiotik, Durangotik eta Azpeititik igaro ondoren, Gipuzkoako hiriburura heldu da, eta, bertan, ekitaldia prestatu dute.
Halaber, larunbatean, Sarek bat egin zuen Bake Bideak eta Bake Artisauek antolatutako blokeoekin, eta, sare sozialetan jakinarazi zutenez, Eibarren eserialdia egin zuten 10 minutuz Jakes eta Unai presoen egoera salatzeko.
Albiste gehiago politika
Andueza EAJri: "Gauzek funtziona dezaten, elkarrizketa eta konfiantza behar dira"
Anduezak zehaztu duenez, gobernu koalizio batean oso garrantzitsua da "harremanak ondo zaintzea eta elkarrizketa ona egotea", Ortuzarren eta bere artean zegoen bezala, eta euren artean "sintonia pertsonala eta konfiantzazko elkarrizketa" zegoela adierazi du.
Montxo Martinez Antia erail zutela dioten froga berriak aurkeztu ditu GEBehatokiak
Eusko Jaurlaritzako Balorazio Batzordeak 2015. urtean ebatzi zuen ez zegoela suizidioaren bertsio ofiziala ezeztatzeko froga nahikorik. Orain, zantzu berri horiekin, kasua berriz ebaluatu dezala eskatu diote Eusko Jaurlaritzari.
GKSk bandera palestinarra kendu du Azpeitiko batzokiko balkoitik, EAJ "genozidioaren konplizea" dela iritzita
Ekintza Azpeitiko Gaztetxeak aldarrikatu du bere sare sozialetan egindako bideo baten bidez. Horretan ikus daiteke gazte batzuk eskaileretara igotzen eta batzokiko balkoitik Palestinako bandera kentzen. Ohar baten bidez, "Palestinako herriari kalte egitea" leporatu dio EAJk Gazte Koordinadora Sozialistari, "pseudo-politika partidario higuingarri bat eginez".
"Eskualdatzeko dauden eskumenak ixteko 10 proposamen zehatz"aurkeztu dizkio Jaurlaritzak Espainiako Gobernuari
Maria Ubarretxena Eusko Jaurlaritzako Gobernantza, Administrazio Digital eta Autogobernuko sailburuak hamar dokumentu eman dizkio gaur Angel Victor Torres Espainiako Gobernuko Lurralde Politikako ministroari, eskualdetzeke dauden transferentzien inguruan "euskal proposamenak zehazten dituztenak". "Ez dugu pribilegiorik eskatzen, errespetu instituzionala baizik eta legea betetzea", esan du Ubarretxenak.
Kongresuak Israeli armak enbargatzea onartu du, Podemosen baiezkoarekin eta PP eta Voxen ezezkoarekin
Podemosek enbargoa “fake” bat dela berretsi du eta benetako arma-blokeoa eskatu du, baina baiezko botoa eman du. Dekretua presazko lege-proiektu gisa izapidetzea ere onartu dute eta, beraz, aldaketak egin ahal izango zaizkio prozesuan zehar.
Torresek defendatu du PSE-EEk eta bere ordezkari guztiek "norabide berean" eta "helburu politiko berarekin" lan egiten dutela
Sailburu sozialistarentzat "mingarria" da EAJ Anduezaren irudia "kaltetzen saiatzea" eta "ez da onargarria" Gobernu Kontseiluko ordezkariak horretan aritzea.
Goia: "Azken 10 urteotan egin dugun kudeaketa, ona zein txarra, PSErekin partekatutako erantzukizuna izan da"
Azken egunetan PSEren eta EAJren buruzagien artean izandako kritiken inguruan mintzatu da Eneko Goia Donostiako alkatea ETB2ko En Jake saioan.
Sarek manifestazioa deitu du Bilbon urtarrilaren 10erako, "salbuespen politika" amaitu dadila eskatzeko
"Ezin da gehiago luzatu" lelopean egingo den mobilizazioan, ETAkoak izatea leporatuta espetxean dauden presoei salbuespenik gabeko espetxe politika arrunta aplikatzea eskatuko dute.
Alberto Martinez datorren astelehenean bilduko da Osasun ministroarekin, baina "itxaropen handirik gabe"
Osasun sailburuak adierazi du bilera Lurraldearteko Kontseilura joango ez zirela iragarri zutelako deitu dela. Martinezek adierazi duenez, Osasun ministroak "ez du ulertzen" euskara meritua izatea, eta zail ikusten du akordio batera iristea, gaiaren inguruan "sentsibilitaterik ez dagoelako".
Eusko Jaurlaritzaren eta hiru aldundien aurrekontuak batera negoziatzeko prest dagoela jakinarazi die EH Bilduk EAJri eta PSEri
Naiz Irratian egin dioten elkarrizketan, Arnaldo Otegik esan du oraingoz ez dela nagoziaziorik izan, baina eskaintzak "erantzun positiboa" jasotzea espero duela. "Iaz ez bezala, gauzak beste modu batera egiteko aukerak egon daitezke. Gonbidapena mahai gainean dago, eta bideak irekita daude", adierazi du.