Euskal presoen eskubideen aldeko musika jaialdia egingo du Sarek urriaren 8an Donostian
Sare herritarra plataformak euskal presoen eskubideen aldeko musika jaialdia antolatu du urriaren 8rako Illunben, Donostian. Halaber, "Etxera bidea gertu" lelopean, bizikidetzaren aldeko apustu irmoa egin nahi du ekimen horrekin, eta, besteak beste, Su Ta Gar, Doctor Deseo, Belako, Zea Mays, Esne Beltza, Dupla, Rotten XIII eta Trikidantzak taldeek parte hartuko dute egitasmoan.
Gipuzkoako hiriburuan emandako prentsaurrekoan, Joseba Azkarraga eta Bego Atxa Sareko bozeramaileek gogoratu dute azken bi urteotan, covid-19aren pandemiaren eraginez, ezinezkoa izan dutela "mobilizazio handiak" egitea, osasun eta segurtasun arrazoiengatik. Ildo horretan, gogoratu dute orain bi urte erronka bat ezarri zutela, 3.127.326 kilometro egitea, "hau da, Euskal Herrian dauden biztanle beste", eta balioan jarri dituzte Sareko jarraitzaileek egindako lana, "hamaika modutan" egin baitituzte ibilbideak erronka hori betetzeko.
Sareko bozeramaileek euskal presoen kolektiboari aplikatzen zaion salbuespenezko espetxe politika salatu dute, eta jendeari dei egin diote Izan Bidea ekimenean parte hartzen jarraitzeko: "Urriaren 8ra arte ibiliz, hiru milioi kilometro baino gehiagora iristeko eta urruntze politikaren amaiera eskatzen jarraitzeko".
Azkarragak adierazi du oraindik bide luzea dagoela egiteko, eta gogoratu du oraindik 90 preso baino gehiago daudela etxetik urrun, Espainiako zein Frantziako kartzeletan, eta askori ukatu egiten zaiela espetxe-baimenak izateko eskubidea.
Bozeramaileak, halaber, azpimarratu du salbuespeneko espetxe-politikak euskal presoei aplikatzeko "araua" izaten jarraitzen duela, eta horregatik Sarek euskal gizartea mobilizatzen jarraitzen duela, erakundeetan ere egoera horren amaiera eskatuta.
Bizikidetzaren aldeko apustua
Sarek berretsi du urriaren 8an elkarbizitzaren aldeko apustu irmoa egingo dutela Donostian, "Etxera bidea gertu" lelopean. Horretarako, mobilizazio handia egingo dute Boulevardetik abiatuta, 11:00etan, Izan Bidea ekimenaren azken kilometroak egiteko. Ondoren, "manifestazio koloretsua" egingo dute 12:00etan, Pio XII plazatik hasita.
Mobilizazioaren amaieran, ekitaldi xume bat egingo dute Illunbeko kanpoaldean, eta komunikatuaren ondoren, 15:30ean hasiko den musika jaialdirako barrak irekiko dituzte. Haurrentzako jarduerak ere izango dira, baita janari eta edari postuak ere; "azken finean, egun borobila izatea nahi dugu, aldarrikapen- eta festa-eguna. Bateragarriak baitira".
Zure interesekoa izan daiteke
Gipuzkoak "plan estruktural bat" eskatu dio Espainiako Gobernuari Ceutako adingabeak hartzeko
Irune Berasaluze foru bozeramaileak adierazi du Gipuzkoa prest dagoela adin txikikoak hartzeko. Hori bai, baldintza batzuk ezarri dizkio Espainiako Gobernuari. Ezinbestekoa da, bere hitzetan, plan estruktural bat edukitzea, eta inprobisazioek ez dute lekurik izan behar.
"Politikan gizatasunez jardutea" eskatu du Chivitek, Ceutan bakarrik dauden adingabeen egoeraren aurrean
Maria Chivitek eskatu du alde batera uzteko Ceutan familiarik gabe dauden haurren egoera "deshumanizatzeko" ahalegina. Adingabe horien "muturreko egoera" nabarmendu du Nafarroako presidenteak, eta berretsi du Nafarroak beteko dituela bere betebeharrak, baina gainerako erkidegoei ere gauza bera egiteko deia luzatu die.
Irunek mugako trafikoaren aurrean duen "bakardadea" salatu du alkateak, eta Eusko Jaurlaritzak Frantzia seinalatu du
Cristina Laborda Irungo alkateak Eusko Jaurlaritzaren eta Gipuzkoako Foru Aldundiaren inplikazio handiagoa eskatu du, eta Ricardo Ituarte Segurtasun sailburuordeak, berriz, Ertzaintzaren kudeaketa defendatu du, eta Frantziako agintariak jo ditu mugan trafikoa arintzearen arduradun gisa.
Ceutan bakarrik dauden adingabeak euren familiekin bueltatzearen beharra azpimarratu du Eusko Jaurlaritzak
Horretarako aukera guztiak agortzeko eskatu dio Lakuak Espainiako Gobernuari, horiek autonomia erkidegoetan banatu aurretik.
Nafarroak adingabeen banaketa "beteko" du, baina beste erkidegoen "elkartasunik eza" ordaindu gabe
Javier Remirez Nafarroako Gobernuko lehen presidenteorde eta bozeramaileak adierazi duenez, Nafarroak "araudia beteko du" eta inoren kargura ez dauden adingabe migratzaileen banaketari eta harrerari men egingo die, baina ez du ordainduko "beste autonomia-erkidego batzuen elkartasunik eza".
Ceutako 500 neska migratzaile penintsulara eramateko lanean ari da Espainiako Gobernua
Espainiako Gobernua lanean ari da bakarrik dauden 500 bat neska migratzaile penintsulara eramateko, uztailaren amaierako sarrera masiboaren ondoren Ceutan daudenak. Gazteria eta Haurtzaro Ministerioa aztertzen ari da adingabeak babesteko erakundeek baliabide egokituetan har ditzaten, haien tutoretza autonomia-erkidegoei transferitu beharrik gabe.
Bilboko Konpartsek eta Sarek manifestazioa deitu dute abuztuaren 28rako, 2027an "euskal presorik egon ez dadin" aldarrikatzeko
Sarek eta Bilboko Konpartsek Etxera Eguna deitu dute abuztuaren 28rako, Aste Nagusi betean, “euskal preso, iheslari eta deportatuak etxera itzultzea” aldarrikatzeko. Horretarako, manifestazioa eta herri-bazkaria egingo dute. Halaber, gaurko agerraldian, 2027ko jaiak presorik eta errepresaliaturik gabeko lehenak izatea jarri dute helburutzat.
Ceutako adingabe migratzaileak beren familiekin bueltatzearen alde eta, ezin den kasuetan, hartzearen alde egin du Jaurlaritzak
Txema Ezkerra Haur, Nerabe eta Familia zuzendariaren ustez, "onartezina" da Voxek arlo hori kudeatzen duen erkidegoetan legea ez betetzea, eta Estatuari esku-hartzeko eskatu dio.
Burlatako Udalak aho batez gaitzetsi du UPNko zinegotzi bati jaietan egindako erasoa
Pasa den larunbatean Carlos Oto UPNko zinegotziari eraso egin zioten alderdi erregionalistaren egoitzan, hainbat alderdikide eta beste hainbat pertsona bilduta zeudela.
"Errealitatea makillatzea" egotzi dio Ceutako presidenteak Gobernuari, eta krisia konpontzeko 30 egun eman dizkio
Juan Vivasek gogor kritikatu du Gobernua uztailaren 30ean eta 31n Marokotik 70.000 pertsona inguru hiri autonomora sartu ondoren sortu den migrazio-krisiaren aurrean "erantzun ezagatik" eta "pasibotasunagatik". Agerraldi batean, Vivasek galdetu du ea Gobernuaren pasibotasunak Maroko "ez molestatzea" bilatzen duen, eta iragarri du botere judizialera eta beste estamentu batzuetara joko duela krisia 30 eguneko gehieneko epean konpontzen ez bada.