ETAko presoak Euskal Herrira lekualdatzea aldarrikatuko dute Bilboko Aste Nagusian
Bilboko konpartsek eta Sare Herritarrak deitutako manifestazio batek Bizkaiko hiriburuko kaleak zeharkatuko ditu hilaren 26an, jaietako egun handian, ETAko presoak Euskal Herriko espetxeetara lekualdatzea eskatzeko eta gainerako presoei baimenak edo hirugarren graduak ematean aplikatzen zaizkien "baldintza berberak" ezartzeko.
Martxa 13:00etan abiatuko da Bilboko Plaza Eliptikotik, "Etxera bidea gertu!" leloarekin. Iratxe Ugalde eta Iñigo Sáez de Lafuente deitzaileen bozeramaileek aurkezpenean azaldu dutenez, presoen eskubideen aldeko mobilizazioa, Bilboko Aste Nagusian egin ohi dena, berriro antolatu dute, "oraindik bide luzea baitago presoen eta errefuxiatuen egoera normalizatzeko".
Azken urteotan "salbuespen-neurriak amaitzeko urrats garrantzitsuak" eman direla onartu duten arren, guztiak desagertu ez direla ohartarazi dute. "Atzean utzi ditugu lehen gradua, isolamendua eta urrutien dauden kartzelak. Baina oraindik 58 preso daude Espainiako eta Frantziako kartzeletan", salatu dute.
Hori dela eta, datorren asteko martxak preso guztiek "Euskal Herriko kartzeletan egon beharko luketela" aldarrikatuko du, "senideen eta lagunen sufrimenduari amaiera emateko pauso nagusia delako".
Bestalde, gaitzetsi dutenez, "preso askori baimenak eta hirugarren gradua ukatzen zaizkie, horiek eskuratzeko baldintza guztiak bete arren". Ildo horretan, "dagokien bidea oztoporik gabe eta baldintza erantsirik gabe egin ahal izatea" eskatu dute, "indarrean dagoen legediak ezarritakoa betez".
Horrela, "legea errespetatzen ez duten eskaerak desagertzeko eta gainerako presoei aplikatzen zaizkien baldintza berak aplikatzeko" eskatu dute. Halaber, "iheslarien eta deportatuen kasuak konpontzen aurrera egiteko" eskatu dute.
Biktima batzuek martxa debekatzea eskatu dute
Asteazkenean ere, Terrorismoaren Biktimak Babesteko Plataforma Elkarteak idazkia aurkeztu du Auzitegi Nazionalean, manifestazioa debekatzea eskatzeko.
Elkartearen esanetan, "iraingarria, lotsagarria eta mespretxagarria da" manifestazioa deitu dutenek presoen senideen mina leuntzeaz hitz egitea: "Aldezten dituzten preso horiek hildako pertsonen senideek eta lagunek dute sufrimendua. Baina nora iritsiko gara?", erantzun du elkarteak, agiri batean.
Elkartearen iritziz, hedabideen aurrean egindako aurkezpena "terrorismoaren kontaketaren erabateko nahastea" izan da, eta hori, esan dutenez, "arma oso arriskutsua izan daiteke".
Zure interesekoa izan daiteke
Aurrekontuak onartu ezean, hauteskundeak deitzea eskatu dio EAJk Sanchezi
Jeltzaleek gehiengo parlamentarioa galdu izana leporatu diote Gobernuari, eta Sanchezek esan du alderdiekin negoziatuko duela kontuak aurrera ateratzeko.
Bizimodu duina bermatzeko politikei buruzko eztabaida monografikoa Legebiltzarrean
EH Bilduko Pello Otxandianok zerga eta etxebizitza erreforma proposatu du, Hernandezek (Sumar) gehien dutenek gehiago ordaintzea eskatu du eta Martinezek (Vox) "etxekoentzako" baliabideak lehenestea.
Gizon bat atxilotu dute Enrique Maya Iruñeko alkate ohiari egindako erasoarekin lotura duelakoan
Joan den ekainaren 9an, Iruñeko alkate ohia iraindu eta kolpatu zuten Estafeta kalean, baina ez zen zauritu. Mayak gertakaria salatu egin zuen, eta ustezko egilea atxilotu dute orain, segurtasun-kamerak aztertu ondotik.
Zapaterok deliturik egin izana ukatu du epailearen aurrean: "Egia nagusituko da, eta zalantzan daudenei konfiantza itzuliko diet"
Espainiako Gobernuko presidente ohia eraikinaren atari nagusitik sartu da, eta hiru orduz deklaratu du. Ondoren zabaldu duen oharrean, bere errugabetasuna berretsi du: "Mingarriena da jakitea jende asko etsita senti daitekeela, nitaz esaten direnak sinesten baditu".
Albiste izango dira: Zapateroren deklarazioa Auzitegi Nazionalean, lehendakariari elkarrizketa eta Azkena Rock jaialdiaren aurkezpena
Gaurkoan Orain-en albiste izango direnen laburpena, bi hitzetan.
Pradales: “Neurri nagusia etxebizitza gizarte funtsa da, eta 2027ko aurrekontura begira neurri berriak sartuko ditugu”
Imanol Pradales lehendakariak azpimarratu du etxebizitzaren arazoa ezin dela "egun batetik bestera" konpondu, eta uste du legealdiaren bigarren erdian ereindakoaren lehendabiziko fruituak jasoko direla.
Lehendakaria: "Sanchezek orain arte eman ez dituen azalpenak eman beharko ditu, gardentasunez"
Euskal Telebistan elkarrizketa egin du Imanol Pradales lehendariak, agintaldiaren erdira iritsi denean. Espainiako gobernuburuak "zentzua eman" behar dio legealdiaren azken txanpari, adibidez, transferentzien negoziazioan. Horri dagokionez, aurreratu du Transferentzien Batzorde Mistoa datorren astelehenean, ekainaren 22an, bilduko dela.
Lehendakaria: "Aukera eman behar zaie Enplegu Legearen inguruan zabalik dauden negoziazioei"
Imanol Pradales lehendakariak "itxasopentsu" ikusten du enplegu publikoan euskara eskakizunak arautuko dituen legea adosteko EAJren eta EH Bilduren arteko negoziazioa. Ekainaren 25ean egingo da gaiaren inguruko bozketa Eusko Legebiltzarrean.
Kongresuko Mahaiak ez ditu onartu hauteskundeak aurreratzea eskatzen zuten Juntsen eta PPren zuzenketak
Bilera telematiko batean, Mahaiaren gehiengoa (PSOE eta Sumar) osatzen duten alderdiek argudiatu dute eskumen hori Gobernuko buruarena dela esklusiboki, eta ez botere legegilearena.
Zapaterok bitxiengatik ere deklaratuko du asteazken honetan, Calama epaileak atzeratzea ukatu ostean
Espainiako gobernuburu ohiaren defentsak atzerapena eskatu zion Calama epaileari, gutxienez 1,3 milioi euroko balioa duten bitxien jatorriari buruzko dokumentazioa biltzeko denbora gehiago edukitzeko. Ferrazko bere bulegoan aurkitutako bitxiengatik kontrabando eta zerga delituak leporatu dizkio.