Ibañez de Maeztu ondokoak Lezertua Arartekoa ordezkatuko du aldi baterako, osasun arrazoiengatik

Manu Lezertuak iaz aukeratu zuen Ines Ibañez de Maeztu bere ondoko gisa. 2009tik 2013ra Patxi Lopezen Jaurlaritzako Giza Eskubideen zuzendaria izan zen, ondoren Bilboko Udaleko mugikortasun zinegotzia eta, azkenik, aurreko legealdian Justiziako zuzendaria.

Ines Ibañez de Maeztu, adjunta al ararteko. Foto: sede.ararteko.eus

eitb media

2022/09/19 - 12:40

Azken eguneratzea

2022/09/19 - 12:40

Manu Lezertua Arartekoaren ordez, Ines Ibañez de Maeztu bere laguntzaileak hartuko du Euskal Herriaren Defentsarako Erakundearen kargua aldi baterako, "osasun arrazoiak" direla eta; izan ere, erakundeak ohar baten jakinarazi duenez, Lezertuak ezin izango ditu, denbora batean, bere zereginak burutu.

Oharrak, baina, ez du xehetasun gehiagorik eman kargutik urrun mantenduko duen gaitzaren inguruan.

Ibañez de Maeztu, 2009tik 2013ra Patxi Lopezen Jaurlaritzako Giza Eskubideen zuzendaria izan zen, eta ondoren Bilboko Udaleko mugikortasun zinegotzia ere bai. Aurreko legealdian, berriz, Justiziako zuzendari kargua izan zuen, eta iaz, Manu Lezertuak bere alboko gisa izendatu zuen.