JxCat Kataluniako Gobernutik atera ala kontsulta batean erabakia militantziaren esku utzi eztabaidatzen ari da
Junts per Catalunya (JxCat) alderdiko zuzendaritza eztabaidatzen ari da, Jordi Puignero Generalitateko presidenteordeak kargua utzi ondoren, Kataluniako Gobernutik ateratzea ala erabakia militantziaren esku uztea kontsulta batean, alderdiko zenbait iturrik azaldu dutenez.
Kataluniako Gobernutik berehala irtetearen aldekoen artean, Laura Borras alderdiko presidentearen aldekoak daude; izan ere, asteazken gauean adierazi zuten Puigneroren kargugabetzea erabakigarria zela Gobernua uzteko: "Horrek dena hausten du", adierazi zuten.
Iturrien arabera, Carles Puigdemont Generalitateko presidente ohiaren gertuko buruzagiak eta Puignero bera ere (eragin nagusia) Kataluniako Gobernua uztearen aldekoak dira.
Hala ere, Jordi Turull idazkari nagusiaren figuratik gertuen dagoen sektoreak ez du erabakia berehala hartu nahi, eta militantziaren artean kontsulta egitearen alde agertu da, urriko Kontseilu Nazionala egin ondoren.
Sektore horrek azaldu duenez, bileran horren guztiaren aldeko eta kontrako argudioak ematen ari dira, eta onartzen dute kontrajarrita dagoela "ateratzea edo egoera hobeto aztertzea, eta erabakia afiliatuen esku uztea kontsulta bidez".
Junts alderdiak Kataluniako Gobernuan dituen kontseilari guztiek alderdiaren esku utzi dituzte euren karguak, Pere Aragones Generalitateko presidenteak Jordi Puignero presidenteorde eta alderdiko kidea kargugabetu ostean.
Hala iragarri du Jordi Turull JxCateko idazkari nagusiak RAC1 irrati kateari eskainitako elkarrizketa batean. Argudiatu duenez, Puignero kargutik kenduta, "nahikoa baztertuak" sentitzen dira.
Alderdiko zuzendaritza 10:00etatik bilduta dago, zirt ala zart erabakitzeko. Bi dira mahai gainean dituzten aukerak: Kataluniako Gobernutik ateratzea eta oposiziora igarotzea, ala Puignero ordezkatzeko beste pertsona bat proposatzea. Bigarren kasu horretan, militanteei hitza ematea aztertzen ari dira.
Presidenteordea kargugabetuta, sei dira Kataluniako Gobernuan JxCatek dituen kontseilariak: Jaume Giro (Ekonomia eta Ogasuna), Victoria Alsina (Atzerriko gaiak eta Gobernu Irekia), Gemma Geis (Ikerketa eta Unibertsitateak), Josep Maria Argimon (Osasuna), Violant Cervera (Eskubide Sozialak) eta Lourdes Ciuro (Justizia).
Albiste gehiago politika
Herritarren galderei erantzun eta lehen urteko balantzea egingo du lehendakariak, gaur, ETB2n
Ajuria Enetik zuzenean egingo da emanaldi berezia, 22:15etik aurrera, Africa Baetak aurkeztuta. Imanol Pradalesi elkarrizketa egingo diote eta, ondoren, herritarren galderak erantzungo ditu lehendakariak.
Albiste izango dira: Lehendakariari elkarrizketa ETB2n, gorroto delituei buruzko ikerketa eta Jazzaldia
Gaurkoan albiste izango direnen laburpena, bi hitzetan.
Lehendakariari elkarrizketa, zuzenean ETB2n
Saio berezia izango da, Ajuria Enetik zuzenean, 22:15etik aurrera, Africa Baetak aurkeztuta. Imanol Pradalesi egindako elkarrizketa batekin hasiko da saioa, eta, ondoren, lehendakariak herritarren galderei ere erantzungo die.
Sanchezek jarraitu egingo duela adierazi die militanteei, eta salatu du "eraso moral" baten aurrean daudela
PSOEko idazkari nagusiaren esanetan, "bizi dugun une zailak ez digu perspektiba galarazi behar", eta horregatik jarraituko du aurrera Gobernu aurrerakoiak.
Amiantoaren biktimei kalte-ordaina jasotzeko aukera emango dien araudia onartu du Espainiako Gobernuak
Ministroen Kontseiluak Errege Dekretua onartu du, konpentsazio-funtsaren erregelamenduarekin, funtsa onartu eta bi urte eta erdira, nahiz eta zeregin horretarako epea hiru hilabetekoa izan. Gainera, gaur onartutako araua argitaratu eta hiru hilabetera sartuko da indarrean.
Anduezak EAJri leporatu dio "kontsentsua apurtu" izana eta EH Bilduri "segidismorik ez egiteko" eskatu dio
Eneko Andueza sozialisten idazkari nagusiak ez du begi onez ikusi hizkuntza eskakizunaren inguruan EAJk esandakoa, eta esan du ez duela ikusten aurreko euskararen dekretua aldatzeko inolako arrazoirik.
Sanchezek barkamena eskatu die herritarrei: "Ez genuen inoiz Santos Cerdanekin fidatu behar"
Espainiako Gobernuko presidente eta PSOEko idazkari nagusiak ziurtatu du konbentzituta zegoela Cerdanen osotasunarekin. Halaber, PSOEren kontuak ikertzeko eta alderdia berregituratzeko auditoria bat martxan jarriko duela iragarri du.
Enplegu Publikoaren Legearen erreforma erregistratu du EH Bilduk, euskarari lege babesa bermatzeko
Orain arteko funtzionamendua itzultzea planteatuko du. Horren arabera, bi hizkuntzen eskakizuna orokorra izango da, "eta salbuetsi egingo dira, betiere modu justifikatuan eta objektiboan, botere publikoek zehaztutako lanpostuak". Kasu horietan, euskara-eskakizuna meritu gisa baloratuko litzateke.
Eusko Jaurlaritzak Garaikoetxea, "Euskadiko arkitektoa", omendu du
Carlos Garaikoetxea demokraziaren lehen lehendakariari egindako omenaldian, besteak beste, bere sailburuetako hiru izan dira, eta garai hartako lorpenen artean azpimarratu dituzte bidegorriak, euskara batua eta Ajuria Enea Jauregiaren erosketa.
Esteban, 'Koldo auzia'z: ''Hariaren hasiera besterik ikusten ez dugun haril bat egon daiteke hemen''
Aitor Estebanek, EAJko EBBren presidenteak uste du PSOEk azalpenak eman behar dituela eta erakutsi behar duela Santos Cerdan, Jose Luis Abalos eta Koldo Garcia soilik zeudela ustelkeria sarean nahasita. Gaineratu du hurrengo aste eta egunetan gertatzen denari adi egon behar dugula ere. [Audioa gazteleraz]