Lasagabaster: "Beranduegi aurkeztu du dimisioa Lesmesek"
Carlos Lesmes Auzitegi Goreneko eta Botere Judizialaren Kontseilu Nagusiko (BJKN) presidenteak dimisioa "beranduegi" aurkeztu du, eta "ez da kasualitatea" ia lau urtez karguan jardunean egon ondoren orain uztea. Iñaki Lasagabaster (Gasteiz, 1953) legelari eta EHUko Administrazio Zuzenbideko katedradunaren hitzak dira. Horren iritzian, "oso kezkagarria" da Espainiako justizian gertatzen ari dena.
Esan du Lesmesek BJKNko presidentetzan egin duen denbora "ondo aprobetxatu" duela bere intereseko izendapenak egiteko. "Jardunean egon arren, ia 50 izendapen egin ditu auzitegi ezberdinetan, oso izendapen garrantzitsuak guztiak. Hori ez da kasualitatea. Izendatutako pertsona horiek gai garrantzitsuak epaitu beharko dituzte", azpimarratu du.
Aspalditik ikusten du Lasagabasterrek "botere banaketa kolokan", eta justiziaren egoerak "haserrea" eragiten dio. Halere, bereizi egiten ditu "beheko auzitegiak eta goikoak": "Beheko auzitegiak —familia edota lan alorreko gaiekin lotutakoak— , egunero lanean ari direnak, ondo ari dira, hainbat atal kritikagarri dituzten arren. Baina goiko tribunalak interes jakin batzuen arabera ari dira, eta ez dira independenteak. Hori ez da onargarria, inolaz ere".
Agertoki hori "Europan beste inon ez" dela gertatzen adierazi du. "Espainian, Auzitegi Konstituzionala bere boterea hedatzen ari da, eta Parlamentuari agintzen dio zer egin behar duen eta zer ez. Hori botere banaketaren kontrakoa da guztiz. Auzitegi Konstituzionalaren lana Konstituzioak jasotzen duena betetzen dela bermatzea da", gaineratu du.
Lesmesek gaur eman du dimisioa, eta ohar batean jakinarazi ditu arrazoiak. Horren esanetan, "hainbatetan" eskatu die Kongresuko zein Senatuko presidenteei "agindu konstituzionala" bete eta erakundea berritzeko, baina "azken egunotan izandako hartu-emanek ez dute fruiturik eman". "Egoera zuzentzeko itxaropen guztia galduta, eta Auzitegi Gorena eta Botere Judizialaren Kontseilu Nagusia nabarmen hondatuta daudela ikusita, bi erakunde horien buru izatea ez da baliagarria, eta nire kontzientzia profesional propioaren kontra joango litzateke. Hortaz, presidente gisa dimisioa ematea besterik ez zait geratzen. Izan ere, karguan geratzea gorrotagarria egiten zaidan eta onartezina den egoera baten konplize izatea da", azaldu du oharrean.
Albiste gehiago politika
Eneko Andueza konbentzituta dago 'Koldo auziak' ez duela PSE-EEn eraginik izango
PSOE eta Nafarroak Alderdi Sozialista astintzen ari den ustezko ustelkeria kasuaren aurrean, Eneko Andueza PSE-EEko idazkari nagusia konbentzituta dago ez duela eraginik izango Euskadiko Alderdi Sozialistan. Halaber, sozialistak kritikatzen ari direnei zuhur jokatzeko gomendioa egin die. Izan ere, horren esanetan, orain fokoa sozialisten gainean badago ere, litekeena da auzia beste alderdi batzuengana ere zabaltzea.
Maria Chivite: "Erortzen dena erortzen dela esan nuen, eta betetzen ari naiz"
Ramon Alzorriz PSNren idazkariorde nagusi eta Parlamentuko bozeramailearen dimisioaren ostean, Maria Chivite Nafarroako Gobernuko presidenteak agerraldia egin du hedabideen aurrean, eta adierazi du berak ez duela "dimititzeko argudiorik".
Chivite, Alzorrizen dimisioaren ondotik: "Erortzen dena erortzen dela esan nuen, eta betetzen ari naiz"
Maria Chivite Nafarroako presidenteak ez du dimisioa emango eta nabarmendu du ez dagoela ez bera, ez gobernua eta ezta PSN alderdia ere ustelkeria kasuekin lotzen duen ezer.
Semper: "EAJ jabetzen hasi da PSOEk halako batean botata utzi egingo duela"
PPren bozeramailearen arabera, "Euskadin etorkizunerako aukera aritmetikoa PSE Bildurekin joatea da, EAJ albo batera utzita".
Lehendakariak baztertu egin du 'Cerdan auzia'k EAJ/PSE-EE gobernuari kalte egingo dionik: "Egonkortasuna zaintzea garrantzitsua da"
"Zorionez, Euskadin bestelako giro politikoa dugu. Ez gaude madrildarren lokaztian", adierazi du lehendakariak 'Cerdan auzia'k Euskadin izan ditzakeen ondorioez galdetuta.
"Sanchezek irmoago, gardenago eta azkarrago jardun behar du"
Lehendakariaren ustez, Espainiako Gobernua "beste fase batean sartu da", azken egunetan ezagutu diren ustezko ustelkeria kasuen ostean. "Egoera oso larria da, eta zapaldu ezin daitekeen ildo etiko bat dago jokoan", gaineratu du Pradalesek.
Imanol Pradales: 'Akordio batzuk zabalagoak izatea gustatuko litzaidake'
Lehendakari izan den lehen urtean zer ez den ondo egin galdetu diotenean, Imanol Pradalesek esan du gustatuko litzaiokeela "akordio batzuk zabalagoak izatea, batez ere aurrekontuen arloan". Gainera, lehendakariak kritikatu du zenbait unetan gobernukideek desadostasun puntuak jendaurrera eramatea. "Aldez aurretik sukaldeko lana eginda saihestu genitzakeen", gaineratu du.
Alzorrizek dimisioa eman du PSNko idazkariorde nagusi gisa, bere bikotekideak Servinabarren lan egin zuela onartu ondoren
Alzorrizek ere dimisioa eman du Nafarroako Parlamentuko PSNren bozeramaile gisa, baina parlamentari bezala jarraituko du. Prentsaurrekoan jakinarazi duenez, bere bikotekideak Belateko tuneletako eraikuntzan parte hartu zuen Servinabar enpresan lan egin du. UCOk adierazi du Cerdan enpresa horren % 45en jabe zela.
Berdintasun ministroak prostituzioa debekatzeko lege proposamena eramango du irailean Ministroen Kontseilura
Ana Redondo ministroaren esanetan, "Espainiako gizartea eraldatuko duen legea izango da", eta "prostituzioa eta matxismoa desagerrarazteko bide horretan" lagunduko du.
EAJk eta EH Bilduk ustelkeriaren aurka irmotasun handiagoz jardutea eta itunak betetzea eskatu diote Sanchezi
Bi euskal alderdiak Espainiako Gobernuko presidentearekin bildu dira asteazken honetan, Moncloan, 'Cerdan auzia'k irekitako krisiaren harira. Biek ala biek erregenerazio demokratikoa eta erantzukizuna eskatu diote Sanchezi, baina ñabardura ezberdinak izan dituzte, tonuari eta eskakizunei dagokienez.