EAJk salatu du pintadak egin dituztela Arrasateko alkatearen etxeko atarian
EAJk salatu duenez, asteazken gauean ezezagunek pintadak egin zituzten Arrasateko esparru pribatu batean, Maria Ubatxerrena bertako alkatearen etxeko atarian hain zuzen, "jardun publikoaren muga esparru pribatu eta familiarrera eramanez".
Spray berdez egindako pintadek "Mozalik ez, adierazpen askatasuna" zioten, eta "atari osoa hartzen zuten", EAJk igorritako ohar baten arabera.
Alderditik nabarmendu dutenez, ekintzok "eraso larria suposatzen dute norbanakoaren eta familiaren askatasunaren aurka, EAJko alkatea hertsatzeko, ikaratzeko eta jazartzeko helburu bakarrarekin". Era berean, salatu dute ez dela "alkateari familia esparruan eraso egiten dioten lehen aldia, errespetuaren eta bizikidetzaren muga erabat zeharkatuz".
Halaber, azpimarratu dute Arrasaten ez dela "inolako Mozal Legerik ezartzen. Baditugu gure iritzia adierazteko eta kartelak zein pankartak ipintzeko prestatutako tokiak". "Adierazpen askeko herri batean bizi gara, eta adierazpen horrek errespetuzkoa izan behar du guztiekiko", gaineratu dute.
"EAJtik erabateko babesa azaldu nahi diegu Mariari eta haren familiari, eta zeharo gaitzesten ditugu antzinako garaiak gogora ekartzen dizkiguten gertakari larri horiek", ondorioztatzen du oharrak.
Salaketa bana ipini dute udalerriko Udaltzaingoaren eta Ertzaintzaren aurrean, hertsapenak eta kalteak bitarteko. Gainera, gobernu taldeak gaiaren inguruko proposamena eramango du datorren astelehenean Arrasateko Udaletxean egingo duten bozeramaileen batzarrera.
Albiste gehiago politika
Eneko Andueza konbentzituta dago 'Koldo auziak' ez duela PSE-EEn eraginik izango
PSOE eta Nafarroak Alderdi Sozialista astintzen ari den ustezko ustelkeria kasuaren aurrean, Eneko Andueza PSE-EEko idazkari nagusia konbentzituta dago ez duela eraginik izango Euskadiko Alderdi Sozialistan. Halaber, sozialistak kritikatzen ari direnei zuhur jokatzeko gomendioa egin die. Izan ere, horren esanetan, orain fokoa sozialisten gainean badago ere, litekeena da auzia beste alderdi batzuengana ere zabaltzea.
Maria Chivite: "Erortzen dena erortzen dela esan nuen, eta betetzen ari naiz"
Ramon Alzorriz PSNren idazkariorde nagusi eta Parlamentuko bozeramailearen dimisioaren ostean, Maria Chivite Nafarroako Gobernuko presidenteak agerraldia egin du hedabideen aurrean, eta adierazi du berak ez duela "dimititzeko argudiorik".
Chivite, Alzorrizen dimisioaren ondotik: "Erortzen dena erortzen dela esan nuen, eta betetzen ari naiz"
Maria Chivite Nafarroako presidenteak ez du dimisioa emango eta nabarmendu du ez dagoela ez bera, ez gobernua eta ezta PSN alderdia ere ustelkeria kasuekin lotzen duen ezer.
Semper: "EAJ jabetzen hasi da PSOEk halako batean botata utzi egingo duela"
PPren bozeramailearen arabera, "Euskadin etorkizunerako aukera aritmetikoa PSE Bildurekin joatea da, EAJ albo batera utzita".
Lehendakariak baztertu egin du 'Cerdan auzia'k EAJ/PSE-EE gobernuari kalte egingo dionik: "Egonkortasuna zaintzea garrantzitsua da"
"Zorionez, Euskadin bestelako giro politikoa dugu. Ez gaude madrildarren lokaztian", adierazi du lehendakariak 'Cerdan auzia'k Euskadin izan ditzakeen ondorioez galdetuta.
"Sanchezek irmoago, gardenago eta azkarrago jardun behar du"
Lehendakariaren ustez, Espainiako Gobernua "beste fase batean sartu da", azken egunetan ezagutu diren ustezko ustelkeria kasuen ostean. "Egoera oso larria da, eta zapaldu ezin daitekeen ildo etiko bat dago jokoan", gaineratu du Pradalesek.
Imanol Pradales: 'Akordio batzuk zabalagoak izatea gustatuko litzaidake'
Lehendakari izan den lehen urtean zer ez den ondo egin galdetu diotenean, Imanol Pradalesek esan du gustatuko litzaiokeela "akordio batzuk zabalagoak izatea, batez ere aurrekontuen arloan". Gainera, lehendakariak kritikatu du zenbait unetan gobernukideek desadostasun puntuak jendaurrera eramatea. "Aldez aurretik sukaldeko lana eginda saihestu genitzakeen", gaineratu du.
Alzorrizek dimisioa eman du PSNko idazkariorde nagusi gisa, bere bikotekideak Servinabarren lan egin zuela onartu ondoren
Alzorrizek ere dimisioa eman du Nafarroako Parlamentuko PSNren bozeramaile gisa, baina parlamentari bezala jarraituko du. Prentsaurrekoan jakinarazi duenez, bere bikotekideak Belateko tuneletako eraikuntzan parte hartu zuen Servinabar enpresan lan egin du. UCOk adierazi du Cerdan enpresa horren % 45en jabe zela.
Berdintasun ministroak prostituzioa debekatzeko lege proposamena eramango du irailean Ministroen Kontseilura
Ana Redondo ministroaren esanetan, "Espainiako gizartea eraldatuko duen legea izango da", eta "prostituzioa eta matxismoa desagerrarazteko bide horretan" lagunduko du.
EAJk eta EH Bilduk ustelkeriaren aurka irmotasun handiagoz jardutea eta itunak betetzea eskatu diote Sanchezi
Bi euskal alderdiak Espainiako Gobernuko presidentearekin bildu dira asteazken honetan, Moncloan, 'Cerdan auzia'k irekitako krisiaren harira. Biek ala biek erregenerazio demokratikoa eta erantzukizuna eskatu diote Sanchezi, baina ñabardura ezberdinak izan dituzte, tonuari eta eskakizunei dagokienez.