Mozal legea erreformatzeko lantaldearen bilera deitu dute, urtebete ez atzera ez aurrera egon ostean
Herritaren Segurtasunerako Legea, mozal legea izenez ezagutzen duguna, erreformatzeko Diputatuen Kongresuan eratutako lantaldeak bilera egingo du datorren astean. Araua aldatzeko ekimenak urteak daramatza katramilatuta —2017an hura erreformatzeko eskaera egin zuen EAJk—, eta azken 12 hilabeteetan, talde negoziatzaile bat aritu da korapilo nagusiak askatu nahian (30 batzarretik gora egin dituzte).
Diputatuen Kongresuak bilera deitu du asteazkenerako, abenduaren 21erako.
Espainiako Gobernuko koalizio kideen artean (PSOE eta Unidas Podemos) desadostasun iturri izan da, baina duela urtebete lortu zuten bertan behera uzteko akordioa. Ordudanik, bi taldeok, ERC, EH Bildu, EAJ eta JxCat indarrekin batera, gai arantzatsuenak adosten saiatu dira.
EAJren hitzetan, izapideekin jarraitzeko "nahikoa aurrerapen" lortu ditu taldeak. Nolanahi ere, iturri parlamentarioak aipatuta EFE agentziak azaldu duenez, gai polemikoenen inguruan "akordioa itxi gabe" helduko da hitzordua.
Honakoak dira eztabaida gehien sortzen duten gaiak: manifestazioetan Poliziek erabili dezaketen materiala; protesta baten ostean istiluak badaude, deitzaileentzat zigor txikiagoak izatea (baldin eta liskarrak beste arrazoi bategatik sortzen badira); edota agenteei errespetua galtzeagatik ezar daitezkeen isunak.
Mikel Legarda EAJren diputatuak ohar batean nabarmendu duenez, talde jeltzalea "segurtasun eta eskubide eta askatasunen arteko oreka" bilatzen saiatu da, eta negoziazioetan "eskubideak bermatzearen aldeko irakurketa lehenetsi" dutela zehaztu du.
Zure interesekoa izan daiteke
Mikel Zabalzaren omenezko autobus martxa gaur amaituko da, Donostian
Guardia Zibilak duela 40 urte hil zuen autobus gidari nafarraren kasua oroitzeko ekimena amaitzeko, ekitaldia egingo dute Boulevardean, eguerdian.
Gure Eskuk "gehiengoaren borondatea ikuspegi alderdikoien gainetik jartzea" eskatu du eta erabakitzeko eskubidea aldarrikatu du
Erabakitzeko eskubidearen aldeko plataformak Bazkideen Batzarra egin du Gasteizen. "Eragile politiko eta sozialek ardura eta anbizioz jokatu behar dute une historiko honetan burujabetza osoaren bidean urrats sendoak egiteko", adierazi dute.
CAFen kontrako protesta batek Bilboko tranbia geldiarazi du eta Ertzaintzak pertsona bat atxilotu du
Atxilotuak identifikatzeari uko egin dio, Segurtasun Sailaren arabera. Atxilotzeko unean liskarra sortu da, eta Ertzaintzaren lau agente zauritu dira. Protestaren deitzaileek jakinarazi dutenez, hainbat pertsona zauritu dira, jasotako kolpeen ondorioz.
Bilboko tranbiaren zerbitzua eten dute CAFek Israelekin dituen kontratuak etetea eskatzeko
"Boikot Israel. Palestina askatu" lelopean, dozenaka pertsona tranbiaren errailetan etzan dira, bidea oztopatzeko. Ertzaintzak pertsona bat atxilotu du, eta hainbat pertsona zauritu dira, kolpeak hartuta.
EAJ eta PSOE "bereizezinak" direla uste du PPk: "Interes pribatuen mesederako koalizioa da"
Euskadiko PPk Gabonetako bazkaria egin du gaur Gasteizen, eta Miguel Telladok eta Javier De Andres EAEko PPko presidenteak EAJri zuzendu dizkiote kritikak.
Andueza: "Aurrekontu akordioak lortzea Euskadiren alde jokatzea da, horren alde lan egitea"
Eneko Andueza PSE-EEko idazkari nagusiaren arabera, Eusko Legebiltzarrean eta beste erakundeetan sozialisten babesarekin onartu diren edo onartuko diren aurrekontuek argi erakusten dute sozialistak, beste batzuek ez bezala, ez daudela denbora galtzen.
Leire Diez eta Antxon Alonso aske utzi ditu epaileak, kautelazko neurriekin
Aurretik, Ustelkeriaren aurkako Fiskaltzak Leire Diez PSOEko militante ohia, Vicente Fernandez Estatuko Industria Partaidetzarako Sozietateko (SEPI) presidente ohia eta Antxon Alonso enpresaburu gipuzkoarra kautelazko neurriekin aske uzteko eskatu dio epaileari.
Estebanek, Sanchezi: “Eskandaluen jarioa geldiarazi edo hauteskundeak deitu”
EAJren IX. Batzar Nagusiaren amaieran hitza hartu du EBBko presidenteak. Buruzagi jeltzalearen ustez, hauteskundeak deitu “beste aukerarik ez du” Espainiako Gobernuko presidenteak. “Hilabete batzuk iraun ditzake, baina ez urtebete eta erdi: ez da serioa”, erantsi du.
Podemos Euskadik esan du lortzen dituen akordioak gehiengoaren eskubideak bermatzeko direla
Richar Vaquero koordinatzaileak Arabako aurrekontuen inguruan irekitako negoziazioak aipatu ditu; izan ere, Aldundia eta Elkarrekin Podemos-IU akordio bat lortzear daude. "Irmotasun berarekin negoziatzen jarraituko dugu", azpimarratu du.
EAJk datozen lau urteetarako estatutuak onartu ditu militantziaren parte hartzea “sendotu eta aktibatzeko”
Jeltzaleek bilera egin dute gaur Gasteizen EAJren Aberri Estatutu berriak onesteko. Parte hartzea sustatzeko hainbat neurri berri txertatu dituzte, hala nola gai jakinen inguruan alderdikideen iritzia biltzeko kontsultak egitea eta "EAJren jarraitzaile" figura sortzea. Era berean, euskararen eta berdintasunaren defentsa egiteko protokolo eta jarraibideak zehaztu dituzte.