Sanchez: "Gobernuak Konstituzionalaren erabakiari men egin, eta blokeoaren aurkako neurriak hartuko ditu"
Pedro Sanchez Espainiako Gobernuko presidenteak esan duenez, Gobernu espainiarrak "men egin dio" Auzitegi Konstituzionalak astelehen gauean hartutako erabakiari, alegia, PSOEk eta Unidas Podemosek bultzatuko lege erreformen tramitazioa bertan behera uzteari (Kongresuak onartu egin ditu erreformak, eta orain Senatuan egin beharreko tramitazioa geldiarazi diote), eta gehitu du Espainiako Gobernuak Konstituzionalean bertan eta Botere Judizialaren Kontseilu Nagusian dauden blokeoen aurkako neurriak abiatuko dituela. Adierazpen instituzional batean, Sanchezek "lasaitasun" mezua eman dio gizarteari, baina, halaber, ohartarazi egin du: "Demokraziak behar du legea errespetatzea".
Testuinguru horretan, Pedro Sanchezek nabarmendu du Auzitegi Konstituzionalak, aldeko sei boto eta kontrako bost emanda, espainiar Estatuan "demokraziaren 44 urteetan aurrekaririk ez duen erabakia" adostu duela. Sanchezen hitzetan, abiapuntua da PPk, "Konstituzioaren agindua ez betez", blokeo egoera sustatu duela, bai Konstituzionalean, bai Botere Judizialaren Kontseilu Nagusian. PPren helburua da, espainiar presidentearen iritziz, bi organoetan "aurreko osaerari eustea", kontuan izanik hori "mesedegarriagoa" dela PPrentzat.
Azpimarratu duenez, "eta herritarrek eman ez dieten botereari neurri faltsuak baliatuz eusten saiatzea helburu", PPk hainbat aitzakia erabili ditu, eta, horren ondorioz, "egoera larria" da orain; izan ere, "herritarrek demokratikoki hautatutako ordezkariek ezin dute euren eginkizuna bete", salatu duenez. "Honek ez du aurrekaririk Espainian, eta Europan ere ez", esan du, eta ziurtatu du ulertu egiten duela herritarrak "haserre eta kezkatuta" egotea "talka instituzional horrengatik".
Hala, Pedro Sanchezek, "Espainia demokrazia nagusietakoa" dela mahaigaineratuta, gogora ekarri du "baliabideak daudela egoera honi amaiera emateko: Legea, eta Konstituzioa betetzea", zehaztu du. Jarraian, adierazi du Espainiako Gobernuak "men egiten" diola Konstituzionalaren akordioari, eta, halaber, "neurriak" abiatuko dituela blokeoa geldiarazteko. Sanchezek, hori bai, ez du esan zeintzuk izango diren neurri horiek, baina azpimarratu du horien xedea dela lortzea herritarrek 2019ko hauteskunde orokorretan erakutsitako borondatea errespeta dadila.
Albiste gehiago politika
Andueza: "Ez diogu aterik irekiko independentziari bide emango liokeen Estatutuaren erreformari"
Eneko Andueza PSE-EEren bozeramailearen ustez, "Estatutu berri bat ahalbidetu behar dugu, 46 urte hauetan garatu ahal izan ditugun aurrerapen guztiak jaso eta beteko dituena", eta pilota EAJren eta EH Bilduren teilatuan dagoela azpimarratu du.
PPk Jaurlaritzari leporatu dio ezkerrera egin izana
Javier de Andres Euskadiko PPko presidenteak adierazi duenez, "Euskadik arazo larria du ezker erradikalarekin". "Pradales jauna, EAJrekiko oso urruti gaude, eta hori ez da autogobernuarekiko dugun interpretazioagatik, baizik eta EAJk ezkerrera egin duen bideagatik, Bilduren eta PSEren presioei men eginez".
Jon Hernandez (Sumar): "Estatutuaren inguruko eztabaida ezin da modu abstraktuan egin, eskumenak nola erabiltzen diren ikusi behar da”
Politika orokorreko osoko bilkuraren arratsaldeko saioan, Sumarreko legebiltzarkideak ohartarazi du estatutu berriari buruzko eztabaida autogobernuaren benetako erabileran eta dauden eskumenetan oinarritu behar dela. Hernandezek azpimarratu du jokoan dagoena ez dela soilik legegintzaldi bat, Euskadik krisi klimatikoari, prekarietateari, desberdintasun sozialari eta etxebizitzari erantzuteko duen gaitasuna baizik.
Vox: "Langabezia-prestazioen kudeaketaren eskualdatzea txiringito berri bat sortzeko aitzakiarik onena izango da"
Amaia Martinez Voxeko legebiltzarkideak abiatu du Politika Orokorreko Osoko Bilkuraren arratsaldeko saioa. Migrazioaren gaia hizpide izan du behin eta berriz, eta Pradalesen Gobernuaren lehen urteari buruz "oso emaitza kezkagarriak" eman dituela esan du.
Sortuk bi pankarta eskegi ditu Cuelgamurosen, autodeterminazio eskubidea aldarrikatzeko
“Gora Euskal Herria askatuta” irakur daiteke pankarta batean, eta bi guardia zibilik ikus daitezke bestean, pertsona bat fusilatzen.
Vianako Printzea erakundeak bide eman dio Iruñeko Erorien Monumentuaren erreformari
Monumentuari buruzko xedapen espezifiko bat sartzeko memoria historikoaren araudia aldatu zuen Foru Legean oinarritzen da erabakia. Lege horrek monumentuari esanahi berri bat ematea derrigortzen du, haren erabilerak hezkuntza eta memoria demokratikorako helburuetara mugatzen ditu, eta frankismoa goraipatzeko elementuak kentzea ezartzen du.
Lehen Mailako Arretarako psikologo gehiago eta nerabeei zuzendutako ongizate-programa pilotu bat iragarri du Pradalesek
Emozioekin eta osasun arloarekin lotutako zenbait neurri zehaztu ditu lehendakariak Politika Orokorreko Osoko Bilkuran, "ongizatea euskal kontratu sozial berriaren parte izan behar delako".
Estatutu berria adosteko dei egin die lehendakariak alderdiei, Euskadirentzat "garai zailak" datozela eta
"Orain alderdien garaia da; hitz egin, negoziatu eta adosteko garaia", azpimarratu du lehendakariak. Ildo horretan, iragarri du ekainean berriro alderdiekin bilera erronda egingo duela egindako ibilbidea aztertu, ebaluatu eta ondorengo urratsak aztertzeko. Autogobernuari lotuta, urtea amaitu arteko epea eman dio Pedro Sanchez Espainiako gobernuburuari Gernikako Estatutua osorik betetzeko.
"Gure garapena oztopatu dezakeen garai txarra" etor daitekeela ohartarazi du Pradalesek
Politika Orokorreko Osoko Bilkuran lehendakariak iragarri duenez, "erasoaldi autoritario baten aurrean gaude, eta gure autogobernua eta nortasuna zalantzan jartzen ari dira".
Pradales: "Euskal zerbitzu publikoak indartzeko dugun konpromisoa negoziaezina da"
Politika Orokorreko Osoko Bilkuran lehendakariak adierazi duenez, "gure erantzukizuna da euskal ongizate-ereduaren iraunkortasuna bermatzea eta eredu hori eraldatzen asmatzea". Bestalde, "negoziazioaren eta akordioaren" alde egin du, "lubakiak eta marra gorriak" alde batera utzita.