Rodolfo Ares Herrizaingo sailburu ohia hil da
Rodolfo Ares Herrizaingo sailburu ohia eta PSE-EEko buruzagi historikoa hil da 68 urterekin, Bilbon, Alderdi Sozialistako iturriek jakinarazi dutenez.
PSE-EEk bere mina adierazteaz gain, besarkada handi bat bidali nahi izan dio bere familiari sare sozialetan argitaratutako mezu labur batean.
Hil beila ostiralean (12:30) zabalduko dute Bilboko Zumalakarregi etorbideko 10. zenbakian.
1954an Galizian jaioa, 1994tik 2016ra arte legebiltzarkide izan zen. Patxi Lopez lehendakari zela Herrizaingo sailburu izan zen 2009tik 2012ra eta bere agintaldian ETAk iragarri zuen jarduera armatua behin betiko amaitu zuela. Bera sailburu zela hil zen Iñigo Cabacas Athleticeko zalea Ertzaintzak jaurtitako gomazko pilota batek buruan jo ostean.
Bilboko Udaleko zinegotzia izan zen 1983 eta 1990 artean eta urte horretan Bizkaiko Foru Aldundira joan zen, bertan ahaldun nagusiorde eta Hirigintza eta Ingurumen diputatu karguak izan zituela. 1991n bere aulkia utzi zuen Bilboko udal hauteskundeetan bere burua PSE-EEko alkategai aurkezteko.
Sozialisten udal bozeramailea zela (1991-1994) Bilbao Ria 2000 enpresa publikoaren sorrera bultzatu zuen. 1994an legebiltzarkide hautatu zuten eta Euskal Sozialistak Legebiltzar taldeko bozeramailea izan zen 2000 eta 2005 artean. 2008an Exekuzio Batzorde Federaleko kide aukeratu zuen PSOEko Biltzarrak.
Era berean, PSE-EEko Antolakuntza idazkaria izan zen, alderdiko bigarrena, 1995 eta 2009 artean, Ramon Jauregui, Nicolas Redondo Terreros eta Patxi Lopezen idazkari nagusi izan ziren garaian.
Erreakzioak
Rodolfo Aresen heriotzak erreakzio katea luzea eragin du. PSE-EEk, alderdikideek, alderdi politikoek, lehendakariak eta Espainiako gobernuburuak, besteak beste, beren atsekabea agertu dute.
Zure interesekoa izan daiteke
Ceutan bakarrik dauden adingabeak euren familiekin bueltatzearen beharra azpimarratu du Eusko Jaurlaritzak
Horretarako aukera guztiak agortzeko eskatu dio Lakuak Espainiako Gobernuari, horiek autonomia erkidegoetan banatu aurretik.
Nafarroak adingabeen banaketa "beteko" du, baina beste erkidegoen "elkartasunik eza" ordaindu gabe
Javier Remirez Nafarroako Gobernuko lehen presidenteorde eta bozeramaileak adierazi duenez, Nafarroak "araudia beteko du" eta inoren kargura ez dauden adingabe migratzaileen banaketari eta harrerari men egingo die, baina ez du ordainduko "beste autonomia-erkidego batzuen elkartasunik eza".
Ceutako 500 neska migratzaile penintsulara eramateko lanean ari da Espainiako Gobernua
Espainiako Gobernua lanean ari da bakarrik dauden 500 bat neska migratzaile penintsulara eramateko, uztailaren amaierako sarrera masiboaren ondoren Ceutan daudenak. Gazteria eta Haurtzaro Ministerioa aztertzen ari da adingabeak babesteko erakundeek baliabide egokituetan har ditzaten, haien tutoretza autonomia-erkidegoei transferitu beharrik gabe.
Bilboko Konpartsek eta Sarek manifestazioa deitu dute abuztuaren 28rako, 2027an "euskal presorik egon ez dadin" aldarrikatzeko
Sarek eta Bilboko Konpartsek Etxera Eguna deitu dute abuztuaren 28rako, Aste Nagusi betean, “euskal preso, iheslari eta deportatuak etxera itzultzea” aldarrikatzeko. Horretarako, manifestazioa eta herri-bazkaria egingo dute. Halaber, gaurko agerraldian, 2027ko jaiak presorik eta errepresaliaturik gabeko lehenak izatea jarri dute helburutzat.
Ceutako adingabe migratzaileak beren familiekin bueltatzearen alde eta, ezin den kasuetan, hartzearen alde egin du Jaurlaritzak
Txema Ezkerra Haur, Nerabe eta Familia zuzendariaren ustez, "onartezina" da Voxek arlo hori kudeatzen duen erkidegoetan legea ez betetzea, eta Estatuari esku-hartzeko eskatu dio.
Burlatako Udalak aho batez gaitzetsi du UPNko zinegotzi bati jaietan egindako erasoa
Pasa den larunbatean Carlos Oto UPNko zinegotziari eraso egin zioten alderdi erregionalistaren egoitzan, hainbat alderdikide eta beste hainbat pertsona bilduta zeudela.
"Errealitatea makillatzea" egotzi dio Ceutako presidenteak Gobernuari, eta krisia konpontzeko 30 egun eman dizkio
Juan Vivasek gogor kritikatu du Gobernua uztailaren 30ean eta 31n Marokotik 70.000 pertsona inguru hiri autonomora sartu ondoren sortu den migrazio-krisiaren aurrean "erantzun ezagatik" eta "pasibotasunagatik". Agerraldi batean, Vivasek galdetu du ea Gobernuaren pasibotasunak Maroko "ez molestatzea" bilatzen duen, eta iragarri du botere judizialera eta beste estamentu batzuetara joko duela krisia 30 eguneko gehieneko epean konpontzen ez bada.
Javier Lasagabaster hil da, Lurralde Politika eta Herri Lan sailburua 1980 eta 1984 artean
Lasagabaster Carlos Garaikoetxea buru zuen Jaurlaritzako kide izan zen lehen legegintzaldian, 1980 eta 1984 artean.
Burlatako jaietan zinegotzi bati egindako erasoa salatu du UPNk
Alderdiaren esanetan, Carlos Otok bularrean kolpea jaso zuen UPNren egoitzan. Nafarroako presidenteak eta hainbat alderdik erasoa gaitzetsi dute eta babesa agertu diote zinegotziari.
Baionako eta Sarako herriko etxeek euskarari egindako aitortzak atzera bota ditu, behin-behinean, Paueko Auzitegiak
Euskara lekuko hizkuntza modura aitortzen duen ebazpen onartu zuen Sarako herriko etxeak uztailaren 2an eta Baionakoak 23an. Prefetaren eskariari men eginez, Paueko Auzitegi administratiboak bertan behera utzi ditu bi ebazpenak. Bi udalek helegitea aurkeztuko dute astelehenean bertan.