Independentzia erreferendumari begira ez da komeni "presaka" ibiltzea, Otegiren ustez
"Heldutasun politikoaren ariketa" bat dela eta, Euskal Herrian independentziari buruzko erreferenduma egin egingo dela uste du Arnaldo Otegi EH Bilduko koordinatzaile nagusiak, baina azpimarratu du ez dela "presaka eta antsietatearekin" egin beharreko kontua. Horren iritzian, "mandatu demokratiko argia" behar da, eta espero du legegintzaldi honetan "aurrerapausoak" eman daitezkeela Eusko Legebiltzarrean. Aitortu du, ordea, hauteskunde urtea dela eta "gauza asko gerta daitezkeela".
Radio Euskadiren "Boulevard" saioari eskainitako elkarrizketa batean, EH Bilduko buruzagia ziur agertu da Kataluniak eta Euskal Herriak euren etorkizuna erabakiko dutela, "ezin zaio eta mugarik jarri". Argi du "arazo nazionalari heldu" behar zaiola, eta "baldintza demokratikoekin" egin behar dela: "Estatuak nazio aniztasuna aitortzeko bidean aurrera egin, eta onartu behar du Estatuan badaudela euren etorkizuna libreki eta demokratikoki erabakitzeko eskubidea duten nazioak".
Bestalde, Juan Luis Cid Ibarrako EAJko zinegotziak jasandako erasoaz galdetuta, "erabat gaitzetsi" eta "deitoragarritzat" jo du. Dena dela, azpimarratu du "oso ausarta" dela erasotzailea ezker abertzaleko norbait dela esatea. Argitu duenez, EH Bilduko alkateak berehala —gertakariak larunbatean jazo ziren— deitu zion Cidi laguntza eskaintzeko eta elkartasuna adierazteko. "Bitxiena da auzia astebete geroago lehertu dela hedabideetan, erasoaren atzean ezker abertzalea zegoela iradokitzeko prentsaurreko bat egon zenean", gaineratu du. Otegiren hitzetan, "bada interes bat gauza batzuez hitz egitekoa, beste batzuen ordez".
Azkenik, Ukrainara tankeak bidaltzeko Espainiak hartutako erabakia ere hizpide hartu du Otegik. Argi utzi nahi izan du koalizio subiranista erabat kontra dagoela, gatazka gordindu eta "heriotza gehiago eta irtenbide diplomatiko bat emateko aukera txikituko" duelakoan. EH Bilduren buruzagiaren aburuz, "Sanchezek Ukrainara armak bidali nahi baditu, gaia Kongresura eraman behar du, eta guk gogoraraziko diogu hori ezin duela euskal herritarren izenean egin", Euskadik NATOri ezetz esan ziolako, eta hori "errespetatu" behar delako.
Era berean, balizko ondorioez ere gogoeta egiteko deia egin du. "Zer uste dute Errusiak egingo duela Krimea inbaditzen badute? Denok galtzen dugun agertoki batera joan nahi al dugu?, itaundu du.
Zure interesekoa izan daiteke
Anduezak euskara langileentzako mehatxu dela esan izana larritzat hartu du Estebanek, eta ulertezintzat jo du PSE-EEren jarrera
EBBko presidenteak esan du haserre dagoela, ez dela onargarria gobernukide den alderdi batek horrelakoak egitea eta, okerragoa dena, gezurretan ibiltzea.
Lehendakariak Euskadiren nazioarteko proiekzio kulturala bultzatuko du datorren astean Italiara egingo duen bidaian
Bidaiaren ardatz nagusia mundu mailan arte garaikidearen agertoki nagusietako bat den Veneziako Bienalaren baitan antolatu diren ekitaldietan parte hartzea izango da, 1976an bienalean izandako lehenengo euskal presentziaren 50. urteurrenean.
Andueza, polemikari buruz: "EAJk liskar artifiziala sortu zuen euskarari buruzko akordioa bertan behera utzi zuelako"
Hasi da hauteskunde kanpaina Andaluzian
Sevillan ekin die kanpainako ekitaldiei Alderdi Popularrak; Granadan, Alderdi Sozialistak. Moreno Bonilla PPko hautagai eta gaur egungo presidenteak gehiengo absolutua nahi du; ez du Vox nahi bere gobernuan. Jarraitzaileei botoa ematera joateko deia egin die, inkestek iragartzen duten gehiengo absolutua ziurra ez delakoan. Alderdi Sozialistaren hautagai Maria Jesus Monterok, berriz, inkestek iragartzen dizkioten emaitza txarrak irauli nahi ditu eta zerbitzu publikoen aldeko defentsan oinarritu du kanpaina.
Medikuen gatazkan esku hartzeko eskatu diote EH Bilduk eta PPk Osasun sailburuari
Medikuen grebaz aritu dira gaur, besteak beste, Eusko Legebiltzarrean. EH Bilduk medikuen lan-baldintzak hobetzeko mozioa eraman du ganberara, eta Rebeka Ubera koalizioko legebiltzarkideak Alberto Martinez Eusko Jaurlaritzako Osasun sailburuari eskatu dio, fitxa mugitu eta neurriak hartzeko aferan. Alderdi Popularreko Laura Garridok ere defendatu du Jaurlaritzak badituela eskuduntzak, medikuen egoera hobetzeko.
Koldo Garciak bere "errugabetasuna" defendatu du eta maskaren erosketan erabakitzeko ahalmenik ez zuela gaineratu du
Maskarak iruzurra eginda erosi ziren ala ez ikertzeko egiten ari diren epaiketan, Abalosen aholkulari izandakoak esan du ez duela gogoratzen esleipena egokitu zitzaion eskaintza Aldamak igorri ote zion.
Hauteskundeak, Andaluzian: zer du jokoan alderdi bakoitzak M17an?
Bihar abiatuko da hauteskunde kanpaina Andaluzian. Inkesta guztiek Juanma Moreno PPko hautagaia jotzen badute ere irabazle, ikusteko dago Voxen botoak beharko dituen ala ez gobernatzeko. PSOEk, berriz, Maria Jesus Montero hautagaiarekin indar erakustaldia egin nahi du, azken urteotan galdutako boto-emaileak berreskuratuz.
Atzerri Ministerioak Israelgo enbaxadako arduraduna deitu du Global Sumuden aurkako erasoagatik
Bien bitartean, EH Bilduk, Sumarrek, Podemosek, ERCk, BNGk eta Compromisek Albares ministroaren agerraldia Kongresuan eskatu dute, ontziak eta atxilotuak babesteko hartuko dituen neurriak azaldu ditzan.
Enplegu Publikoaren Legeari zuzenketak egiteko epea bukatuta, jarrerek elkarrengandik oso aldenduta jarraitzen dute
Azken orduetan, zuzenketak erregistratu eta beren jarrerak azaldu dituzte talde parlamentarioek, eta agerian geratu da zein urrun dagoen administrazioan euskararen etorkizunerako funtsezkotzat jotzen den legea erreformatzeko akordioa.
PPren ustez PSE-EE "plantak egiten dabil", eta kritikatu du euskara arloko politiketan "konplizea" dela
Laura Garridok EAJren eta EH Bilduren hizkuntza politikak babestea leporatu dio PSEri, eta enplegu publikoan euskarari buruz egindako erreformak kritikatu ditu.