Odon Elorzak diputatu kargua utziko du Kongresuan, PSOEkin "desadostasunak ekiditeko"
Odon Elorza PSOEko diputatuak dimisioa eman eta Kongresuan duen kargua utziko du —2011n hartu zuen kargua—. Hala jakinarazi die kongresu kide sozialistei, arrazoiak azalduz igorri dien gutunean. Bertan jaso duenez, "bere ekarpenak" eta "ekimenak" ez dira "baliagarriak Talde Sozialistarentzat, aspalditik". Hori dela eta, PSOEkin "desadostasunak ekiditeko", kargua uzteko "une egokia" dela iritzi dio. Halaber, barkamena eskatu du, "inoiz huts egin" badu edota bere "tonuak desafinatu" egin badu.
Hogei urtez Donostiako alkate izan zenak, eskerrak eman dizkie alderdiari, militantziari eta Gipuzkoako hautesleei, Kongresuan demokraziaren balioak eta herritarren interes orokorrak defendatzeko beragan jarritako konfiantzagatik. Kargua uztea PSOErekiko "leialtasun keinu" bat ere badela esan du Elorzak, "bere ideiekiko koherente" izatearekin batera. "Bizitza gozatu nahi dut, denbora gehiagorekin eta askatasunez", zehaztu du.
Ultraeskuinarren "oldarraldiaren aurrean", herritar guztien eskubideen defentsan lanean jarraitzeko "konpromiso" osoa agertu du, iazko urrian Donostiako alkatetzarako hautagai izateko primarioak galdu zituen politikariak.
Dimisioaren berria zabaldu eta berehala, Gipuzkoako PSE-EEk ordezkoa zein izango den jakinarazi du. Maria Luisa Garcia Gurrutxaga (Ataun, 1959) Gipuzkoako Aldundiko Hezkuntza, Kultura eta Euskara idazkariak eta Donostiako zinegotzia izandakoak hartuko du Elorzaren lekukoa Kongresuan.
Bere ibilbide politikoan erakutsitako "ausardia" eta "bakearen eta askatasunaren alde egindako lan nekaezina" eskertu dizkiote gipuzkoako sozialistek alkate ohiari. Era berean, Donostiaren "modernizazioan" izan zuen eragina azpimarratu dute, hura Udaleko buru zela egindako edota landutako proiektuak gogora ekarriz, hala nola, Kursaal Jauregia, San Telmo Museoaren zabaltzea, Victoria Eugeniaren erreforma edota Tabakalera.
Ildo beretik mintzatu da Pilar Alegria PSOEren bozeramailean ere, eguerdian egin duen agerraldi batean. Elorzaren erabaki pertsonala "errespetu osoz" hartzen duela esan du:
Bihar egikarituko da ofizialki dimisioa, eta Gurrutxagak otsailaren 7ko osoko bilkuran hartuko du diputatu kargua.
Zure interesekoa izan daiteke
Otxandianok berdinen arteko negoziazioa eskatu du euskararen gaian eta Olanok erantzun du prozesuan lortu dezaketela adostasuna
EH Bilduk enplegu publikoaren lege proposamenak berdintasunean negoziatzea eskatu dio EAJri. Jeltzaleek, ordea, edukiei dagokionean oso urrun ikusten ditu bi proposamenak.
Uxue Barkosek ukatu egin du bere agintaldian ustelkeririk izan zenik, eta Cerdanekin inoiz ez duela negoziatu ziurtatu du
2015 eta 2019 artean Nafarroako Gobernuko presidente izan zenak hiru orduko agerraldia egin du Nafarroako Parlamentuko Ikerketa Batzordean.
Itxasok Otxandianori erantzun dio EH Bildu "hirigintza garapenaren eta eraikitzearen aurka" agertu dela udaletan orain arte
Etxebizitzaren arazoari aurre egiteari dagokionez, azken hamar urteak "galdutzat" jo ditu EH Bilduk. Baieztapen horren aurrean, Etxebizitza sailburuak "bakoitzak bere erantzukizuna bere gain hartzeko" deia egin du astearte honetan. Denis Itxasok "proposamen zehatzak" eskatu dizkie indar politikoei.
Euskadik "bakearekin, demokraziarekin eta giza duintasunarekin" duen konpromisoa defendatuko du Pradalesek aita santuarekin izango duen bileran
Maria Ubarretxena Eusko Jaurlaritzako bozeramaileak Gobernu Kontseiluaren osteko agerraldian azaldu duenez, Imanol Pradales lehendakaria Leon XIV.a aita santuarekin bilduko da asteazkenean Vatikanoan, eta, bertan, Euskadik "bakearekin, demokraziarekin, giza duintasunarekin eta justizia sozialarekin" duen konpromisoa defendatuko du.
Pello Otxandiano: “Orain arte ezagutu gabeko eskalan etxebizitza publikoa sustatzea proposatzen dugu”
EH Bilduk koalizioaren etxebizitza plana aurkeztu eta ordu gutxira, Pello Otxandiano, Eusko Legebiltzarreko koalizioaren bozeramailea, Radio Euskadiko Boulevard saioan izan da. Han, etxebizitza arloko bere alderdiaren proposamenak azaldu ditu, eta arreta berezia jarri du etxebizitza publikoko proposamenetan. “Badago ardatz bat bereziki garrantzitsua: herri honetan orain arte ezagutu gabeko eskalan etxebizitza publikoa sustatzea. Arazoari benetan heldu nahi bazaio, funtsezkoa da etxebizitza publikoaren parke handi bat sustatzea, azpiegitura sozial estrategiko gisa”, adierazi du.
Otxandiano: "Hemen ez da etxebizitza politikarik egin, politika inmobiliarioa egin da"
EH Bilduk "anbizio handiko" plan bat aurkeztu du, etxebizitza merkatuan esku-hartzearen aldeko apustua egiteko; Babes Ofizialeko Etxebizitzaren (BOE) "eskala handiko" sustapenaren alde egiteko, "ahalegin publikoa biderkatzeko"; eta etxebizitzaren "funtzio soziala babestearen" alde egiteko plana darabil koalizioak, beraien hitzetan.
Pedrosa: "Ikastetxeen integrazioak familiekin lan egitea eskatzen du; hausnartu egin behar da zergatik ari garen hori egiten, datuekin"
Begoña Pedrosa Hezkuntza sailburuak, Egun Onen, adierazi du Araban bost integrazio egin dituztela, eta "hamar ikastetxe" egon direla "inplikatuta". Bizkaian, ordea, ikastetxe batzuk beste batzuetan integratu direla jakinarazi du.
Ollo: "Demokraziaren aldeko borrokan ari zen alderdi karlista baten jarraitzaileak zituzten helburu"
Lizarrako Udaleko Memoria Batzordeak ekitaldia egin du 1976an Montejurran izan ziren gertakarien 50. urteurrenaren kariaz, eta bertan izan da Nafarroako Gobernuko bigarren lehendakariorde eta Memoria eta Bizikidetzako kontseilari Ana Ollo.
Gaur amaitu da Ernairen IV. kongresua
Ezker abertzaleko gazte antolakundeak, Ernaik, gaur amaitu du laugarren kongresua, Bergaran. Bi konpromiso berretsi dituzte bertan: gazteriarekiko konpromisoa eta Euskal Herriarekiko konpromisoa. Horren harian, gazteriaren behar eta kezkak politizatu eta askapen prozesuan txertatzeko ardura hartu dute.
Berdintasuna "betebehar demokratikoa" dela defendatu du EAJk emakume jeltzaleen lana omentzeko ekitaldian
Euzko Alderdi Jeltzaleak emakume jeltzaleen lana goraipatzeko ekitaldia egin du 1922an sortutako Emakume Abertzale Batzaren urteurrenean. Bertan azpimarratu duenez, berdintasuna "ez da aukera politikoa, betebehar demokratikoa baizik".