"Bai bakarrik da bai" legea datorren astean eztabaidatzeko saiakera zapuztu dute EH Bilduk eta ERCk
EH Bilduk, ERCk JxCAT eta Mas Pais inbestidurako bazkideek aldapa gora jarri diote PSOEri "bai bakarrik da bai" legea aldatzeko bidea. Izan ere, PSOEk bakarka aurkeztutako lege proposamena datorren astean osoko bilkuran eztabaidatzearen kontra bozkatu dute, eta koalizio gobernuko kideei adostutako testu bat aurkezteko eskatu diete.
Kongresuko Mahaiak goizean onartu du tramitera sozialisten proposamena, PSOE eta PPren aldeko botoekin. Unidas Podemos abstenitu egin da, negoziazioak errazteko asmoz edo.
"Negoziatzen jarraitu nahi dugu. Hainbat proposamen ditugu mahai gainean, eta ez gara abstenituko, eztabaida errazte aldera. Akordio batera iristea da gure asmoa, eskuinari eragozteko lorpen feministetan atzerapausoak ematea", azaldu du prentsaurrekoan Mahaiko lehen idazkari eta En Comun Podemeko diputatu Gerardo Pisarellok.
Gerora, baina, Bozeramaileen Batzordeak ezin izan du proposamena datorren asteko osoko bilkuraren gai-ordenean txertatu, erabakia aho batez hartu behar zelako, eta, esan bezala, EH Bilduk, ERCk eta gainerakoek kontra bozkatu dutelako. Horrenbestez, martxoaren 7ko bilkuran eztabaidatuko dute azkenean.
"Berdintasun Ministerioak akordioan egon behar du"
Gabriel Rufian ERCk Kongresuan duen bozeramaileak PSOEri ohartarazi dionez, "ez duzue ERC ondoan izango lege horren aldaketa Berdintasun ministroaren babesa izan gabe egiteko, estralurtarra litzateke".
Oskar Matute EH Bilduko diputatuak, bestalde, argitu du ez dutela urgentziazko eztabaida onartuko. "Elkarrizketa behar da, Gobernuko bi aldeen arteko akordioa. Presak ez dira onak", erantsi du.
Matuteren aburuz, "ona da Espainiako Gobernua anitza eta polifonikoa izatea, eta ahots ezberdinak edukitzea, baina partitura beraren barruan egon behar dute biek ala biek, kakofoniak saihesteko".
Inbestidurako bazkideek azpimarratu dute Berdintasun Ministerioak akordioa behar duela, eta horren alde agertu da Unidas Podemos ere.
EH Bilduren arabera, sozialistak ez dira eurekin harremanetan jarri, eta PSOEren proposamenak batez ere zigor arloa lantzea deitoratu du. "Negoziatzeko prest gaude, baina legearen muina ukitu gabe", azaldu du Matutek.
PDeCATek lanketa zorrotzagoa eskatu du, eta BNGk eta CUPek PSOEren erreformaren kontra egin dute, aurreko legera itzultzea delako eta hauteskunde kutsua duelako, euren ustez.
Zure interesekoa izan daiteke
Etchegarayk ez dio sinesgarritasunik eman Baionan eratu duten ezkerreko aliantzari
Azken 12 urteotan Baionako alkate izan denak hautesle abertzaleei gogorarazi die Etcheto sozialista jakobinoak Euskal Hirigune Elkargoa sortzearen aurka egin zuela.
PSE-EEk ez du Korrikan parte hartuko "CCOOri jarritako betoagatik"
Alderdi sozialistak ohar batean kritikatu duenez, "CCOOren ordezkaritza baztertzea euskarak merezi ez duen intolerantzia adierazpen bat da".
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".
Espainiako Gobernuak aste honetan aurkeztuko ditu energiaren prezioen igoeraren aurkako neurriak
Aegesen ministroak aurreratu duenez, "erantzun integralerako plana" da eta "eragile sozialekin eta talde parlamentarioen proposamenekin" ari dira lanean; hala ere, ez du zehaztu noiz aurkeztuko duten Iraneko gerrak energiaren prezioetan izan duen eragina arintzeko ekimena.
Sozialistak, Parisko Alkatetzari eusteko moduan
Emmanuel Gregoire buru duen ezkerreko koalizioak irabazi du, eta Anna Hidalgoren lekukoa hartzen saiatuko da bigarren itzulian.
Jaurlaritza eta Espainiako Gobernua Madrilen bilduko dira aireportuen aldebiko kudeaketa negoziatzeko
Ubarretxenak argi utzi du Jaurlaritzak ez duela onartuko Estatuak ostiralean egindako kontra-proposamena, Jaurlaritzak egindako "eskakizun guztiak bertan behera" utzi baititu. Marisol Garmendia Espainiako Gobernuak Euskadin duen ordezkaria, ordea, baikor azaldu da, akordioa lortuko delakoan.