EH Bilduk eta ERCk Mozal legearen erreforma baztertu dute eta bere horretan jarraituko du indarrean
Herritarren Segurtasunerako Legea edo Mozal Legea deritzonak bere horretan jarraituko du indarrean, koma bakar bat ere aldatu gabe, Diputatuen Kongresuko Barne Gaietarako Batzordean gaur goizean egin den bozketan ez duelako babes nahikorik lortu horretarako. PSOE, Unidas Podemos eta EAJren aldeko botoak ez dira nahikoak izan, gainerako guztiek, ERCk eta EH Bilduk barne, kontrako botoa eman dutelako.
Aipatu bezala, ezezkoak nagusitu dira baiezkoen aurrean boto bakarraren aldearekin. Izan ere, PPk, Voxek, Ciudadanosek, ERCk, Juntsek, UPNk (talde mistoa) eta EH Bilduk 19 boto zenbatu dituzte, eta PSOEk, Unidas Podemosek eta EAJk, 18.
Koalizio gobernuak ez du akordioa lortu inbestidura ahalbidetu zuten bazkide guztiekin. Bereziki, lau puntutan izan dituzte desadostasunak: gomazko balen edota piloten erabilera, migranteen itzulketa azkarrak, desobedientzia delitua eta autoritatear iegindako errespetu faltak.
Euskal Herria Bilduk eta Esquerra Republicanak gaur goizean iragarri dute Herritarren Segurtasunerako Legearen erreformaren aurka bozkatuko zutela. Legea atzera botatzeko konpromisoa duela urte batzuk hartu zutela oroitu dute, eta erreformarako proposamena konpromiso horretatik oso urrun dagoela irizten diote bi alderdiek: "makillatu egingo du".
"Arau honek desobedientziagatik eta autoritateari errespetu falta erakusteagatik isunak jasotzen ditu, gomazko balen edota piloten erabilera baimentzen du eta migranteak berotan kanporatzea aurreikusten du. Ezin dugu hori onartu", gehitu dute.
Inarrituren hitzetan, EH Bildu "ez da izango Mozal lege light bat onartzearen arduradun edo konplize". Maria Dantasek gaineratu duenez, aurkeztutako proposamen honek "Poliziaren segurtasuna bermatzen du, herritarrena bermatu beharrean, Poliziari gizarte osoaren eskubideak inolako zigorrik jaso gabe zapaltzen jarraitzeko aukera ematen diolako".
Erreformaren bultzatzaile izan den EAJren arabera, indarrean dagoen legearen erdia baino gehiago hobetzeko aukera galdu da. Bere aldetik, Aitor Estebanek dei egin die isunak jarriko dizkieten pertsonei bi alderdi independentistei "kontuak eskatzeko". "Aurrerapen nabarmenak lortu ditugu; eta ez dituzte onartu 'dena edo ezer ez' defendatzen duten bi alderdiren erruz: EH Bildu eta ERC. Macarena Olonak (Voxeko diputatu ohia) goratu egin ditu", gaineratu du.
Patxi Lopez PSOEren Kongresuko bozeramaileak, berriz, ERCri eta EH Bilduri aurpegiratu die "aitzakiak" eta "gezurrak" esatea erreforma ez babesteko: "Agian bateren batek ez zuen Espainiako Poliziarekin zerikusia duen legerik onartu nahi".
Isabel Rodriguez Espainiako Gobernuko bozeramaileak ERCri eta EH Bilduri egotzi die Mozal Legeak indarrean jarraitzearen erantzukizuna, eta koalizioko alderdiek, PSOEk eta Podemosek, "konpromisoa" bete dutela nabarmendu du, EAJk legea indargabetzeko aurkeztu zuen ekimena babestu dutelako. "Legea indarrean badago, EAJren ekimen hori babestu ez duten taldeak egon direlako da, besteak beste, ERC eta Bildu", adierazi du.
Bestalde, Cuca Gamarra PPk Kongresuan duen bozeramaileak pozik hartu du Espainiako Gobernuak erreformarako beharrezko babesa lortu ez izana, eta "patetikotzat" jo du PSOEren jarrera. Behe Ganberan emandako prentsaurreko batean, Gamarrak salatu du "kontrarreforma" horren helburua "Estatua ahultzea" zela, segurtasun indarrei "edozein mehatxuri" aurre egiteko "tresnak" kenduz.
Pablo Echenique Unidas Podemosek Kongresuan duen bozeramaileak PSOEri egotzi dio erreforma bertan behera uztearen errua. Borondate politiko falta aurpegiratu die sozialistei, eta erantzukizuna kendu die ERCri eta EH Bilduri.
Amnistia Internazionala, No Somos Delito edo Greenpeace bezalako gizarte eragileek legea erreformatzeko "galdutako aukera" deitoratu dute, eta "giza eskubideentzat albiste txarra" dela uste dute.
Aitzitik, poliziaren sindikatu nagusiak eta guardia zibilen elkarteak pozik agertu dira erreformak porrot egin duelako. "Berri zoragarria herritar eta polizia guztientzat", adierazi du Aaron Rivero Jupol sindikatuko idazkari nagusiak Twitterren. Pozik agertu da, halaber, Jucil Guardia Zibileko elkartea: "Erabaki zuhurra eta egokia da, gure esku-hartzeen eraginkortasunean ondorio larriak izango lituzketen artikuluak erreformatzea eta indargabetzea saihesten duena, baita kaleetan bakea eta agenteen osotasun fisikoa arriskuan jarriko lituzkeena ere".
Albiste gehiago politika
Sare eta Etxerat elkarteek Bizkaiko eta Gipuzkoako 11 hondartzatan egin dute mobilizazioa
Urteroko ekimena izan dute gaur, Sare eta Etxerat elkarteek deituta, Gipuzkoako eta Bizkaiko 11 hondartzatan. Elkarbizitzarako jauzia egin ahal izateko, ETAko preso, iheslari eta deportatuen auziari behin betiko konponbidea ematea ezinbestekotzat jotzen dute. Biktimek horrenbeste merezi eta behar duten egia, aitortza eta erreparazioaren garrantzia ere azpimarratu dute.
Maider Etxebarria Gasteizko alkatea: "Asko poztuko ninduke jaien amaieran zero erasoren balantzea egin ahal izateak"
2025eko Andre Maria Zuriaren jaien atarian, festak "bizikidetzatik eta errespetutik, alaitasun eta ilusio handiz bizitzeko" deia egin die Gasteizko alkateak herritarrei eta bisitariei.
EAEko Justizia Auzitegi Nagusiko presidentea: "Zenbait sektorek ez diote modu argi batean indarkeria politikoari zilegitasunik kendu"
Hainbat gazteen eta ertzainen artean azken asteetan izandako istiluei buruz, Iñaki Subijana EAEKo Justizia Auzitegi Nagusiko presidenteak adierazi du "lehia bat" dagoela "Zuzenbide-Estatuaren eta Estatu beraren artean". "Biktima-justiziaren esparruan ezartzen ari garen neurrien inguruko hausnarketa egitera behartzen gaituzte", ondorioztatu du.
Bertan behera geratu da Puyko jaitsiera, bigarren urtez jarraian
Txosnek jai-eremu tradizionala aldarrikatu dute jaitsieraren kalean, udalaren debekuaren aurrean: "Jaiak herriarenak dira". Gogoratu beharra dago Udalak bigarren urtez jarraian debekatu duela hirigunean txosnen jai-esparrua jartzea, kanpoaldera mugituz.
AEBko Euskal Etxeetan euskararen irakaskuntza indartzeko hitzarmena sinatu dute
Etxepare Euskal Institutuak eta NABOk (North American Basque Organizations) sinatu dute lankidetza hitzarmena. Pradalesek adierazi duenez, "akordio hau konpromiso pedagogikoa baino gehiago da, urrats estrategikoa da euskararen nazioartekotzean".
Dobaranek eta Angulok Arkauti utziko dute urtebete eskas bete ondoren
Agur gutun batean, akademiaren eraldaketarako faseak abian jarri dituztela azaldu dute, baina ez dute irteeraren arrazoia zehaztu.
Eusko Jaurlaritzak Diasporaren Lege berri bat sustatuko du 2026an, egungo erronketara egokitzeko
Euskal herritarrek atzerrian duten presentzia aprobetxatzea da helburua, eta "Euskadi Globala" estrategian eragile diplomatiko gisa interesgarriak izan daitezkeen pertsona guztiak sare horretan sartzea.
Aukera berriak aprobetxatzeko AEBrekin harremanak estutzearen alde agertu da lehendakaria Boisen
Imanol Pradalesek esan du beharrezkoa dela zarata gainditzea eta AEBren eta EAEren arteko lankidetza "zubiak eraikitzen jarraitzea", enpresa aukera berriak aprobetxatzeko. "Ez gara hutsetik hasi. Bilera honekin jarraipena ematen diogu Estatu Batuen eta Euskadiren arteko harreman transatlantikoak sendotzeko helburuari", gaineratu du.
Cerdanen koinatu batek igeltsero gisa lan egin zuen Servinabar enpresan, eta 61.000 euro baino gehiago kobratu zituen
Antonio Muñoz Canok, zehazki, 3.363,36 euro jaso zituen 2019an, 16.255 euro 2020an, 21.233 euro 2021ean eta 20.818 euro 2022an. Igeltseroak bi alditan lan egin zuen eraikuntza konpainian, eta 61.669 euro jaso zituen guztira.
Ramiro González: "Talgoren egoitza sozialaren itzulera oso albiste ona da, sinbolismoz betea"
Ramiro Gonzalez Arabako ahaldun nagusiak Talgo enpresaren egoitza soziala Arabara itzultzea goraipatu du. Radio Euskadiko Boulevard saioan egindako elkarrizketan, Talgo erosteko operazioaren azken berriak izan ditu hizpide. Zalantzarik gabe esan du "oso albiste ona dela euskal industriarentzat eta bereziki Arabako industriarentzat", eta nabarmendu du Talgo aktibo garrantzitsua dela lurraldeko jarduera industriala berreskuratzeko.