Alfredo de Miguelen erregu helegitea atzera bota dute, eta espetxeratzeko beste urrats bat eman da
Arabako Lurralde Auzitegiak atzera bota du Alfredo de Miguelen abokatuak aurkeztutako erregu helegitea, Gorenaren epaiaren ostean auziko zigorrak berresten zituen ebazpenaren aurka, iturri judizialek jakitera eman dutenez.
Horrekin beste urrats bat ematen da epaia betearazteko eta Euskal Herrian sekula antzemandako ustelkeria sare handieneko lau zigortuak kartzelan sartzeko.
Kartzelan sartzeko epeei dagokienez, jakinarazpena jasotzen duenetik 10 egun natural dira, orain berretsitako ebazpen irmoak zioen bezala, EITBk jakin duenez. Beraz, espetxeratzea apirilaren amaierarako izango litzateke.
De Miguelen abokatu berriak, Estefania Rojok, erregu errekurtsoa aurkeztu zuen Arabako Auzitegian martxoaren 15eko ebazpenaren aurka. Ebazpen horrek zigorrak Auzitegi Gorenak emandako epaira egokitzen zituen.
Auzitegiak helegitea atzera bota du orain. Hurrengo urratsa izango da zigor epaia zigorrak betearazteko bulegoari jakinaraztea, eta horrek espetxeratzeko agindua emango die abokatuei.
Orain, abokatuek azken saiakerak egingo dituzte kartzela saihesteko: De Miguelek indultu partziala eskatu zuen, legez kanpoko elkartzearen delituari buruzkoa soilik. Delitu horrengatik, hiru urteko zigorra ezarri zioten; espetxeratzea dakarren bi urtetik gorako zigor bakarra da.
Gainerako zigortuak hauek dira: Koldo Otxandiano alderdikidea (7 urte eta 6 hilabeteko zigorra), Aitor Telleria Gasteizko zinegotzi ohia (6 urte eta hilabeteko zigorra) –biek ere indultua eskatu dute, eta Telleria gaixorik dagoela adierazi du–, eta Javier Sanchez Robles Eusko Jaurlaritzako Gazteriako zuzendari ohia (7 urte eta hilabete bateko kartzela-zigorra).
Fiskaltzak kartzela saihesteko azken saiakera hori errefusatzearen eta Alfredo De Miguel kartzelan sartzearen alde egin du dagoeneko.
Defentsako iturriek uste dute Fiskaltzak gauza bera egingo duela, eta ildo horri jarraituko diola auziko beste hiru zigortuekin.
Arabako Auzitegiak datorren astean erabaki beharko du Fiskaltzaren ildoari jarraitu eta espetxeratzea berresten duen edo defentsen alegazioren bat onartzen duen eta kartzelan sartzea atzeratzen duen.
Zure interesekoa izan daiteke
EAJk berretsi egin du Bilboko Alkatetzarako Mikel Hidalgoren hautagaitza
Bilboko 33 urteko politikaria hautagai bakarra izan zen, eta aho batez babestu dute EAJren 13 udal batzarrek.
Transferentzien akordioa ez betetzea "errespetu falta onartezina" dela ohartarazi dio lehendakariak Sanchezi
"Beti 'ezetz' esaten duen eta proposamenik egiten ez duen horma baten aurka egin dugu talka", azaldu du Imanol Pradalesek, Jaurlaritzak asteon zenbait Ministeriorekin egindako bilerei buruz. Horregatik, aldeen arteko konfiantza "gero eta txikiagoa" dela ohartarazi dio Espainiako Gobernuko presidenteari.
Albiste izango dira: Imanol Pradales lehendakaria Madrilen, beroa bueltan eta irteera operazioa
Gaurkoan Orain-en albiste izango direnen laburpena, bi hitzetan.
Lonjetan etxebizitzak eraikitzeko ordenantza amaitzear du Gasteizko Udalak, prezio mugatuekin eta espekulazioa saihesteko neurriekin
Maider Etxebarria alkateak politika orokorreko osoko bilkuraren lehen eguna aprobetxatu du, besteak beste, Udal gobernuaren hiru urteen balantzea egiteko, besteak beste, etxebizitza arloan. Osoko bilkurak oposizioaren erreplikekin jarraituko du ostiralean, baina hiru alderdiek, EH Bilduk, PPk eta Podemosek, dagoeneko adierazi dute euren atsekabea eta "etsipena".
Bi urte eta erdiko kartzela-zigorra Francisco Granados Madrilgo kontseilari ohiarentzat, Punica auzia dela eta
2007tik 2014ra, kontratu publikoen esleipenean Waiter Music jai-enpresari mesede egitea leporatu diote. Epai horrekin, Granadosek bigarren zigorra jaso du Punica auziaren harira. Aurretik, bi urte eta erdi igaro zituen behin-behineko espetxealdian.
Vox Andaluziako Gobernuan ere sartu da, presidenteorde mailako kontseilaritza batekin
Juan Manuel Moreno popularra Andaluziako Juntako presidente hautatu dute, bigarren bozketan. Akordioa ordu erdi lehenago iragarri dute PPk eta Voxek.
Sanfermines 78 eta Martxoak 3 kolektiboek 1976 eta 1978ko gertakarien erantzukizuna har dezala eskatu diote Espainiako Estatuari
Sanfermines 78 eta Martxoak 3 kolektiboek “Estatua erantzulea” ekimena bultzatu dute. Horren bidez, Espainiako Gobernuari eskatu nahi diote “Espainiako Estatuak martxoaren 3an Gasteizen eta 1978ko sanferminetan gertatutako krimenen erantzukizun nagusi eta zuzena berariaz aitor dezala”. Uztailaren 8an, gainera, German Rodriguez oroituko dute Iruñean, garai hartako festetan poliziek “eraso bortitz” batean hil zutelako.
Josu Urrutikoetxea errugabe jo dute Frantzian zuen azken epaiketan
Hau zen Frantzian zuen azken auzibidea, eta absoluzioarekin, prozesua amaitu egin da. Orain, atea zabalduko litzateke Urrutikoetxea Espainiaren esku uzteko, han zabalik dituen auziengatik.
"Euskararen gutxiespen sistematikoa" salatu du Kontseiluak EHUko campusetan, epailearen azken erabakiaren ostean
"Justizia euskararentzat, euskara guztiontzat" lelopean, Kontseiluak elkarretaratze bana egin du Euskal Herriko Unibertsitatearen hiru campusetan, USaPeko azterketei buruzko azken erabaki judiziala salatzeko. Ehunka herritarrez gain, deialdiarekin bat egin duten sindikatu nagusietako eta beste hainbat eragiletako ordezkariek ere parte hartu dute elkarretaratzeetan. Kontseiluaren idazkari nagusi Idurre Eskisabelek “euskararen gutxiespen sistematikoa” salatu du, “euskara bigarren mailako eta gaztelaniaren menpeko hizkuntza gisa betikotzeko asmoz”.
Pedrazek Guardia Zibilaren zuzendari nagusi Mercedes Gonzalez eta DAOa inputatu ditu Leire auziagatik
Epaileak biak deklaratzera deitu ditu datorren uztailaren 16rako, prebarikazio eta justizia oztopatze delituen ustezko egile gisa.