Galdakaoko alkateak Aranzadiren lana defendatu du, eskubideen urraketak bereizten eta sailkatzen dituelako
Iñigo Hernando Galdakaoko alkateak (EH Bildu) Aranzadik Memoriari buruz udal webgunean egindako lana defendatu du, eta biktima guztiekiko "erabateko errespetua" agertu du, "salbuespenik gabe eta haien erabilera politikoa zeharo errefusatuz".
Webgunean eskubideen urraketen sailkapenak agertzen dira, bi ataletan banatuta, giza eskubideen urraketak eta beste sufrimendu batzuk, eta zehazten du "komunikabideetan agertu direnak" (Txapote eta Bienzobasi erreferentzia eginez) azken atal horretan daudela, "indarkeria politikoaren ondoriozko beste gertakari batzuen sailkapenaren barruan, zehazki, espetxe-politikan eta salbuespenezko legeen aplikazioan".
Joan den asteartean, 'Galdakao Oroimena' memoriari buruz egindako udal webgunetik Xabier Garcia Gaztelu Txapote eta Jon Bienzobas ETAko kideen izenak kentzeko eskatu zion Galdakaoko PSE-EEk udal Gobernuari (EH Bildu, Auzoak, Usansolo Herria eta Podemos).
Ohar batean, Bizkaiko udalerri horretako alkateak gogorarazi du Udalak 2021ean sinatu zuela Aranzadirekin kontratu bat herrian izandako giza eskubideen urraketak dokumentatzeko.
Hernandok zehaztu du Udala ez dela dokumentazio mota hori sailkatzen aditua, eta, horregatik, Aranzadi kontratatu zuela. Azaldu duenez, Udalak ezinbestekotzat jotzen du horrelako ekimenak bultzatzea "bizikidetzaren alde eta gizarte hobea eraikitzeko".
"Horregatik, Aranzadi Zientzia Elkartearekin hitz egin nahi izan zuen, eta hark bere ezagutza eta prestigioa eman zituen, Eusko Jaurlaritzak eta Gogora Institutuak aldarrikatzen dituzten egia, justizia eta erreparazioaren irizpideak gauzatu ahal izateko. Bide horretan, beharrezkoa da lehenik herriaren egia integrala ezagutzea", gaineratu du.
Iñigo Hernandok Aranzadi Zientzia Elkartearen lan zientifikoa nabarmendu nahi izan du, eta gogorarazi du ekimen hau beste herri batzuetan egin dela, hala nola Azpeitian, Tolosan, Erandion edo Hernanin. Lan horiek Eusko Jaurlaritzaren, UNESCOren edo Euskal Herriko Unibertsitatearen irizpideei jarraituz egiten direla gaineratu du.
Azpimarratu duenez, Aranzadi Zientzia Elkartearen "ibilbidea eta prestigioa" kontuan hartuta, "lehen aldiz egiaren, justiziaren eta erreparazioaren bidean, udalerriko egia objektiboki islatzeko aukera zegoen". "1936tik gaur egunera arteko kasuak web orri baten bidez objektiboki dokumentatuz erradiografia integrala egiteko aukera", erantsi du.
Iñigo Hernandoren hitzetan, lanari ekin aurretik, ekimena 2021eko ekainaren 16an aurkeztu zitzaien Udalbatzako talde guztiei osoko bilkuren aretoan, eta Aranzadik berak azaldu zituen lanaren nondik norakoak, baita webgunean zer sailkapen mota agertuko ziren ere, nazioarteko estandarrak eta Eusko Jaurlaritzarenak oinarritzat hartuta.
Horren arabera, ekimenak talde politiko guztien babesa izan zuen, eta, urte eta erdiko lanaren ondoren, Aranzadik prestatutako webgunea 2023ko otsailaren 2an aurkeztu zen jendaurrean, Galdakaoko 503 herritarren kasuak bilduta.
Zure interesekoa izan daiteke
GKSk milaka gazte mobilizatu ditu Bilbon eta Iruñean, "faxismoaren aurka"
"Faxismoaren eta estatuen autoritarismoaren aurka" lelopean manifestazio jendetsuak egin dira bi hiriburuetan. Dozenaka bandera gorri eraman dituzte bertaratuek eta faxismoaren zein inperialismoaren kontrako oihuak bota dituzte.
EAJk liskarretik at dagoen euskal politika defendatu du, Anduezak Pasaiako Portuari buruz egindako adierazpenen ostean
Datozen hauteskundeen atarian PSE-EE urduri egon daitekeela uste du Joseba Diez Antxustegik, EAJk Eusko Legebiltzarrean duen bozeramaileak, eta azpimarratu du jeltzaleek ez dutela liskar politikotik sustatuko euskal politikan.
EAJk eta EH Bilduk ikuspuntu kontrajarriak dituzte iraungitako txertoen inguruan
Zer gertatu den eta zer egin behar den argitu ostean kaltetuekin hitz egin dutela esan du Joseba Diez Antxustegik, Eusko Legebiltzarreko EAJren bozeramaileak. EH Bilduk horren berri jakitera eman izan ez balu, paziente horiek berriro txertatuko ote lituzketen galdetu du Arkaitz Rodriguez EH Bilduko legebiltzarkideak.
Zaldibar Argitu plataformak auziaren mamia ikertzeko eskatu eta hortik "desbideratzeko ahaleginak" salatu ditu
Arantza Baigorri EH Bilduren Zaldibarko alkate ohia ikerketapean dagoela jakin ostean, oharra atera du herritarren plataformak. Horren ustez, alkate izandakoak edo horren alderdiak azalpenak eman beharko dituzte, baina lehentasuna da luizia eta bi langileren heriotza eragin zuten faktoreak ikertzea.
Andueza: "EAJk Pasaiako portua elitetik atera eta mailaz jaitsi nahi du"
PSE-EEko idazkari nagusiak uste du portuen eta aireportuen titulartasuna Estatuarena dela, baita Gizarte Segurantza ere. Anduezak azpimarratu du "eragin negatiboa" izango lukeela Pasaiako portuak interes orokorreko portutzat izateari uzteak.
EAn primarioak deitzeko eskatuz Maiorga Ramirezek jarritako alegazioa atzera bota du Arabako Probintzia Auzitegiak
Justiziak arrazoia eman dio Eusko Alkartasunari eta hortaz ez du hauteskunde primarioetarako deialdirik egin beharko. Eba Blanco EAko idazkari nagusiak azpimarratu duenez, bera buru duen zuzendaritzak" barne demokrazia eta legea betez jardun du". Bestalde, Blancok iragarri du ez duela karguan jarraituko aurten egin behar den ohiko kongresutik aurrera.
Sumarrek irmo gaitzetsi du Bizkaiko lau eskola publiko fusionatzeko Hezkuntza sailak hartutako erabakia
Alba Garcia Euskadiko Sumarren buruak esan du Jaurlaritza demografiaren beherakadaren aitzakia ari dela erabiltzen zentro publikoak ixteko.
GKSko bi kide Iruñeko Erorien Monumentutik zintzilikatu dira eta eraisteko eskatu dute
GKSk ohar batean azaldu duenez, "Erorien Monumentua frankismoan hainbeste langile hil zituzten faxistak omentzeko eraiki zuten". "Horregatik, eraistea defendatzen dugu", adierazi dute.
Aitor Esteban: "Ez dago arrazoirik Getxoko alkatearen dimisioa eskatzeko, ez dago ikerketapean"
Aitor Esteban EBBko lehendakariak Euskadi Irratian azaldu duenez, eskura duten inofmazioaren arabera, "alkateak ez zuen inoiz eraikina botatzeko baimenik eman" eta promotoreari leporatu dio ekintza hori. Udalean "dena egin da legearen barruan" bere hitzetan, baina ziurtatu duenez, bestelako informaziorik ateratzen bada, eurak izango dira "lehen interesatuak gauzak argitu daitezen".
'Herritu' ekimena aurkeztu die Gure Eskuk gizarte eragileei
Euskal komunitatea sendotzeko beste jauzi bat emateko sortu zen udazkenean 'Herritu' dinamika, eta atxikimendu gehiago eskuratzeko lanean jarraitzen du Gure Eskuk. Gaur Euskal Herriko hainbat gizarte eragileren aurrean egin dute aurkezpena, Bilbon. "Norberaren euskal herritartasuna adierazteko tresna bat da eta euskal komunitatea trinkotzea du helburu", esan du Gure Eskuk.