Osakidetzari buruzko "gezurrak" salatu ditu Zupiriak: "Ez gaude sistema desegiten, ezta pribatizatzen ere"
Bingen Zupiria Eusko Jaurlaritzako bozeramaileak erabat ukatu du Jaurlaritza osasun sistema publikoa "desegiten eta pribatizatzen" ari dela, eta azpimarratu du, sindikatuen mobilizazio legitimoak gorabehera, Jaurlaritzari dagokiola Osakidetzari buruz esaten diren "gezur eta faltsukeriak" ezeztatzea. "Bere osasun sistemaren alde lanean eta etengabe inbertitzen ari den administrazio bat nekez ariko da hura pribatizatzen", argudiatu du.
Eledunak beste gai batzuk ere izan ditu hizpide Radio Euskadiko "Boulevard" saioan egin dioten elkarrizketan. Fernando Grande-Marlaska Barne ministroak Arturo Espejoren maila igoera defendatu izanaz galdetuta, Mikel Zabalzaren heriotza "ez zen behar bezala ikertu", erantzun du Zupiriak. Horren ustez, "kasu honen inguruan sortu diren gaizki-ulertuak argitzeko modu bat egoki ikertzea litzateke". Gogorarazi duenez, Jaurlaritzak herri honetako indarkeria bidegabearen biktima izendatu du Zabalza.
Azkenik, Espainiako Gobernuak atzo Kongresuan adierazitako konpromisoaz ere mintzatu da. Sanchezek esan zuen Emmanuel Macron Frantziako presidenteari eta Europako Batzordeari helarazi diela tren lasterraren korridore atlantikoa 2030erako "prest" egotea espero duela. Zupiriaren esanetan, "mezu garrantzitsua da, entzun beharra geneukan". Halaber, "albiste on" gisa jo du "Espainiako Gobernuak agertutako beste konpromiso hori ere, alegia, Europan makroeskualde bat osatzea Portugal, Espainia, Frantzia, Afrika eta Irlandaren interesak defendatzeko eta arku atlantikoa atzean ez geratzeko".
Zure interesekoa izan daiteke
Epaileak ukatu egin dio Begoña Gomezi NATOren goi-bilerara joatea, baina Londresera bidaiatzeko baimena eman dio
Gomezen defentsak uztailaren 7tik 10era Espainiatik irtetea eskatu zuen, NATOk Turkian egitekoa duen goi-bilerara joateko eta, ondoren, Londresera, alabaren graduaziora.
Hamasek Gazako gobernua utzi du eta Palestinako batzorde teknokrata bati eman dio boterea
Hamas desegin ondoren, organo horrek eskualdea kudeatu beharko du, su-etenean jasotako jarraibideei jarraituz.
Lehendakari bat aurrenekoz txupinazoan: "Beste herritar bat bezala, kalean ibiltzea da nire helburua"
Lehen aldia da jardunean dagoen lehendakari bat San Fermineko txupinazoan udaletxean dagoela gonbidatu gisa eta ETBko saio berezian izan da. "Jendeak gozatzea, bakean eta errespetuz", hori espero du Imanol Pradalesek.
Juanma Morenok Andaluziako presidente kargua hartu du hirugarrenez
Juanma Moreno Andaluziako Alderdi Popularreko buruak hirugarrenez hartu du Juntako presidente kargua. San Telmo Jauregian egin da ekitaldia eta bertan izan da Manuel Gavira presidenteordea, Voxen Andaluziako burua. Karguaren zina egin ostean Andaluziako presidentea "harro" agertu da. Aipamena egin die Andaluzian jaio zirenei eta baita "gaur egun kanpotik etorri eta berea den lurrarekin konpromisoa hartu dutenei" ere. Voxekin koalizioan abiatu duen legealdia "emankorra" eta "luzea" izatea espero duela gaineratu du.
Matutek, Sanchezen gobernuaren "egoera delikatuari" buruz: "Gobernatzea ez da eustea"
EH Bilduk Kongresuan duen diputatu eta bozeramaile ondokoak uste du gobernu bat zuzentzeari "helburu bat" eman behar zaiola, eta kasu honetan "eskubide sozial, demokratiko eta nazio anitzen agendan aurrera egitea" dela.
Ehunka lagun kalera atera dira Iruñean preso eta iheslaririk gabeko jaiak aldarrikatzeko
Sare taldeak adierazi duenez, presoak eta iheslariak Euskal Herrira itzultzeko prozesua "eskailerako azken mailan" dago, eta hori gainditzeko ohiko espetxe-legedia aplikatzeko eta mobilizazio sozialarekin jarraitzeko deia egin du, sanferminen hasierarekin bat eginez.
Transferentzien akordioa ez betetzea "errespetu falta onartezina" dela ohartarazi dio lehendakariak Sanchezi
"Beti 'ezetz' esaten duen eta proposamenik egiten ez duen horma baten aurka egin dugu talka", azaldu du Imanol Pradalesek, Jaurlaritzak asteon zenbait Ministeriorekin egindako bilerei buruz. Horregatik, aldeen arteko konfiantza "gero eta txikiagoa" dela ohartarazi dio Espainiako Gobernuko presidenteari.
EAJk berretsi egin du Bilboko Alkatetzarako Mikel Hidalgoren hautagaitza
Bilboko 33 urteko politikaria hautagai bakarra izan zen, eta aho batez babestu dute EAJren 13 udal batzarrek.
Albiste izango dira: Imanol Pradales lehendakaria Madrilen, beroa bueltan eta irteera operazioa
Gaurkoan Orain-en albiste izango direnen laburpena, bi hitzetan.
Lonjetan etxebizitzak eraikitzeko ordenantza amaitzear du Gasteizko Udalak, prezio mugatuekin eta espekulazioa saihesteko neurriekin
Maider Etxebarria alkateak politika orokorreko osoko bilkuraren lehen eguna aprobetxatu du, besteak beste, Udal gobernuaren hiru urteen balantzea egiteko, besteak beste, etxebizitza arloan. Osoko bilkurak oposizioaren erreplikekin jarraituko du ostiralean, baina hiru alderdiek, EH Bilduk, PPk eta Podemosek, dagoeneko adierazi dute euren atsekabea eta "etsipena".