Otxandiano: "EAJk ez du etxebizitzen alokairuaren prezioa erregulatu nahi, eta kito"
Diputatuen Kongresuak osoko bilkuran onartuko du gaur Etxebizitza Eskubidearen aldeko lege proiektua. Besteak beste, gune tentsionatuetan alokairuen prezioa mugatzeko helburua du araudiak. Maiatzaren 28ko udal eta foru hauteskundeen kanpainaurre betean, legea ika-mika politikorako tresna bihurtu da azken egunotan. Koalizio abertzaleak horren berri eman zuenetik, EAJk behin eta berriz esan du EAEren eskumenak inbaditzen dituela arau horrek, eta gaur, berriro, EH Bilduk argi adierazi du ez dagoela halako inbasiorik eta jeltzaleek "beste interes batzuk" dituztela.
Radio Euskadin egindako elkarrizketan, Pello Otxandiano EH Bilduko Programa zuzendariak esan du EAJk errentagarritasuna jarri duela etxebizitzaren eskubide subjektiboaren gainetik, eta atzera begirako errepasoa egin du "bakoitza zein posiziotik" ari den ulertzeko. Besteak beste, gogoratu du 2015ean Etxebizitzaren euskal Legea onartu zenean jeltzaleek kontra bozkatu zutela. "Horrek ondoren gertatu diren gauza asko azaltzen ditu... EAJk ez du etxebizitzen alokairuaren prezioa erregulatu nahi, eta kito", gehitu du.
Hezkuntza legearen proiektuaren inguruan azken orduotan azaleratu diren ezadostasunen harira, berriz, "eztabaida sosegatua" eskatu du. Erantsi du hezkuntza itunaren "gehiengoak bizirik" jarraitzen duela, giroa "egokiena" ez den arren. Zehaztapenetan sartu ahala, adierazi du, eztabaida "zailtzen" ari da.
PSE-EEk azaldutako jarrerari buruz, berriz, uste du "iraganeko eskemetara" itzuli dela, eta "egia osoa esatea" ez duela nahi. "Edukiei buruz hitz egin behar da. Guk ez dugu marra gorririk jarri, baina hemen ez dago eztabaida seriorik. Hedabideetan ez da egiten eztabaida, dagokion lekuan egin behar da, antolatuta, eta, badirudi, PSE ez dela horretan ari".
Atzoko agerraldian esandakoa berretsi du, hezkuntza sistema eraldatzeko une historiko baten aurrean gaudela esanez.
Zure interesekoa izan daiteke
Espainiako Gobernuak baztertu egin du adostasunik ez duten neurriak krisiaren aurkako planean sartzea
Alokairuko etxebizitzetan bizi direnei nolabaiteko babesa emateko neurriak negoziatzen ari dira oraindik. Dekretua ostiralean onartuko dute Ministroen Kontseiluan eta datorren astean bozkatu Kongresuan.
Bengoetxea: "Euskara defendatzea batzea da, ez baztertzea"
Korrikaren inguruan sortutako polemikaren harira, Ibone Bengoetxea Eusko Jaurlaritzako Kultura eta Hizkuntza Politikako sailburuak esan du Korrika beti izan dela "euskararen inguruko topagune sozial handia", eta "garrantzitsua" dela "batzen duen espazioa izaten jarraitzea". "Ez da harresi edo lubaki gehiagorik behar. Euskarak zubiak behar ditu", adierazi du.
Etchegarayk ez dio sinesgarritasunik eman Baionan eratu duten ezkerreko aliantzari
Azken 12 urteotan Baionako alkate izan denak hautesle abertzaleei gogorarazi die Etcheto sozialista jakobinoak Euskal Hirigune Elkargoa sortzearen aurka egin zuela.
PSE-EEk ez du Korrikan parte hartuko "CCOOri jarritako betoagatik"
Alderdi sozialistak ohar batean kritikatu duenez, "CCOOren ordezkaritza baztertzea euskarak merezi ez duen intolerantzia adierazpen bat da".
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".
Espainiako Gobernuak aste honetan aurkeztuko ditu energiaren prezioen igoeraren aurkako neurriak
Aegesen ministroak aurreratu duenez, "erantzun integralerako plana" da eta "eragile sozialekin eta talde parlamentarioen proposamenekin" ari dira lanean; hala ere, ez du zehaztu noiz aurkeztuko duten Iraneko gerrak energiaren prezioetan izan duen eragina arintzeko ekimena.