UPNk irabazi ditu hauteskundeak Nafarroan, baina Maria Chivitek orain arteko formulari eutsi ahalko dio
UPNk irabazi ditu Nafarroako Parlamentuko hauteskundeak maiatzaren 28 honetan. Javier Esparza buru duen zerrendak botoen % 28 eta 15 eserleku lortu ditu. Duela lau urte, alderdi erregionalista koalizioan aurkeztu zen PP eta Ciudadanosekin batera, eta 20 parlamentari eskuratu zituzten hiruren artean.
Bigarren indarra PSN izan da foru hauteskundeetan. Maria Chivite buru duen alderdiak bozen % 21 eta 11 ordezkari lortu ditu.
Ondoren, EH Bildu da hirugarren indarra Nafarroan, botoen % 16rekin; 9 ordezkari izango ditu Nafarroako Parlamentuan, aurreko legegintzaldian baino 2 gehiago.
Segidan dator Geroa Bai: bozen % 13 eta 7 eserleku lortu ditu. Aurreko legegintzaldiarekin alderatuta, 2 ordezkari galdu ditu Uxue Barkos buru duen indarrak.
Hurrengoa, Alderdi Popularra izan da, bozen % 7 eta 3 eserleku lortuta.
Ezkerreko hainbat alderdi biltzen dituen Zurekin Nafarroa koalizioak, bere aldetik, botoen % 6 lortu ditu; 3 jarleku izango ditu Parlamentuan, aurreko legegintzaldian adina.
Azkenik, Vox alderdi ultraeskuindarrak Nafarroako Parlamentura sartzea lortu du, bozen % 4 eta 2 eserleku bereganatu baititu.
Parte-hartzea % 67,6koa izan da, 2019an baino lau puntu txikiagoa.
Beste behin, akordioak beharko dira Nafarroako Gobernua osatzeko, alderdi guztiak gehiengo absolututik (26) urruti xamar gelditu baitira. Hala ere, Maria Chivite hautagai sozialistak aukeran du berriz ere Nafarroako presidente izatea. Horretarako, Geroa Bai eta Zurekin Nafarroa koalizioen babesa eta EH Bilduren abstentzioa beharko lituzke.
Zure interesekoa izan daiteke
Marlaskak esan du espazio publikoetan arma zurien erabilerari aurre egiteko neurriak "ahalik eta lasterren" hartuko dituela
Pasa den martxoaren 27an aldebiko batzordean arma zuriak eramateari buruzko zigor araubidea zorroztea eta indartzea adostu zuten Espainiako Gobernuak eta Eusko Jaurlaritzak. Ildo horretan, arazoari "modu egoki eta koordinatuan" heltzeko lege erreformak egitearen eta gizartea sentsibilizatzearen beharra azpimarratu du Fernando Grande-Marlaska Barne ministroak.
Voxen diputatu bat Kongresuko Osoko Bilkuratik kanporatu egin dute, Presidentetzako kideei aurre egiteagatik
Voxen Konstituzio Batzordearen bozeramaileak, José María Sánchez Garcíak, Kongresuko presidenteordeari eta letratu bati aurre egin die astearte honetan. Hainbat aldiz abisu eman diote, eta, azkenean, kanporatu egin dute. Sánchez García kexu zen ERCren diputatu batek, Jordi Salvadorrek, irain larriak egin zizkiola, hala nola “hiltzailea”, “ezjakina” eta “kriminala” esanez.
Torresek iragarri du Parte hartze Instituzionalari buruzko euskal Legean "parte hartu" nahi ez duten sindikatuen aurrean "diskriminazioak" ezarriko dituztela
Lehendakariordeak adierazi duenez, etorkizuneko legeak "eragile sozialen parte-hartze faltaren ondorioak" arautuko ditu, "derrigor" parte har dezaten.
Espainiako Gobernuak migratzaileen erregularizazioa onartu du, baldintza gisa jarririk aurrekari penalik ez edukitzea
Erregularizazioak milioi erdi migratzaile ingururi eragingo die, eta apirilaren 16tik aurrera eskatu ahal izango dute. Testuak baldintza gisa ezartzen du aurrekari penalik ez edukitzea, bai eta "ez izatea ordena zein segurtasun publikorako mehatxu" ere.
Gerren aurkako eta askatasunaren aldeko deiak Eibartik, gaur Memoria Demokratikoaren Leku izendatua
Unzaga plazan, udaletxea dagoen lekuan eta duela 95 urte Alfonso XIII.aren plazaren ordez Errepublika plaza izendatu zuten lekuan, ekitaldia egin dute gaur, Espainiako Gobernuak Eibar Memoria Demokratikoaren Leku izendatu duela egiaztatzen duen plaka agerian uzteko. Herritar ugariz gain, bertan izan dira erakundeetako ordezkariak, tartean Pablo Bustinduy Eskubide Sozialen, Kontsumoaren eta 2039 Agendaren ministroa.
Enplegu Publikoaren Legea eztabaidatzeko epea bi aste luzatzea onartu du Eusko Legebiltzarreko Mahaiak
EAJk eskatu du epea luzatzea, negoziaziorako "denbora gehiago behar" duela eta. Jeltzaleek esan dutenez, akordio "errealista" bilatuko du, batzuen "maximalismoaren" eta besteen "immobilismoaren" aurrean. EH Bilduk, berriz, dio borondatea dela behar dela, ez denbora.
Sanchez, Begoña Gomezen auzipetzeari buruz: "Ziur nago, denborak jarriko du bakoitza dagokion tokian"
Begoña Gomez emaztea akusatuen aulkian eserita ikusiko ote duen galdetuta, Justiziari "justizia egiteko" eskatu dio Pedro Sanchez Espainiako gobernuburuak.
Amaia Aguirre Getxoko alkatea ez da hurrengo udal-hauteskundeetara aurkeztuko
Oraingoz, Bizkai Buru Batzarrak ez du jakinarazi nor izango den Getxoko hautagaitza jeltzalearen burua. Erabakia udalerriko hiru batzokiek hartuko dute.
Migratzaileen erregularizazioari buruzko gida bat argitaratuko du Eusko Jaurlaritzak, "denbora errekorrean"
Nerea Melgosa Ongizate, Gazteria eta Erronka Demografikoaren sailburuak iragarri duenez, egoera irregularrean dauden migratzaileak erregularizatzeko Espainiako Gobernuak onartuko duen "behin betiko" testua izan bezain laster, Eusko Jaurlaritzak gida bat egin eta argitaratuko du, "denbora errekorrean". Horretan, izapideak egiteko baldintzak eta urratsak azalduko dira.
Koldoren emazte ohiak esan du Ferraz “oso zorrotza” zela gastuen itzulketekin, eta eskatu egiten zituela tiketak
Patricia Urizek Abalos, Koldo Garcia eta Aldamaren aurkako epaiketan deklaratu du, eta ukatu egin du dirua aipatzeko hizkera kodetua erabiltzen zuela; beste lekuko batzuek, berriz, eskudiruz egindako ordainketak eta maskaren auziarekin lotutako operazioak azaldu dituzte.