Gorrotxategi: "Ez da egia PSE-EEk gobernuetan sartzea proposatu zigunik"
Miren Gorrotxategi Elkarrekin Podemosek Eusko Legebiltzarrean duen bozeramaileak errotik ukatu du PSE-EEk udal zein foru gobernuetan sartzeko proposamena egin ziola. "Ez da egia. Ez dakit Anduezak nahastu ote dituen egin nahi dituenak egindakoekin", erantsi du Euskadi Irratiko "Faktoria" saioan egindako elkarrizketa batean. Hain justu, herenegun mikrofono horien aurrean bota zuen Anduezak eskaintza egin zietela baina Elkarrekin Podemosek ez diela erantzun.
Koalizio moreko eledunak aitortu du gerora "saiakera azalekoren bat" egon dela sozialistekin, baina "ez negoziazio prozesurik". Gorrotxategiren ustez, "kontraesana" da Alderdi Sozialistak Espainiako Estatuan eta EAEn duen politika; izan ere, "PP etsai bezala aurkezten du Madrilen, eta hemen eskuin gobernu bat ahalbideratu nahi du, PPren botoak ezinbesteko direla". Gipuzkoako Foru Aldundian, esaterako, popularren babesa behar dute EAJk eta PSE-EEk Maddalen Iriarte (EH Bildu) garaitzeko.
Gasteizko Udalean zein Gipuzkoako Aldundian gobernagarritasun aukerak aztertzeko EH Bildurekin joan den astean izandako hartu-emanez, Gorrotxategik esan du "gobernu eraldatzaileak lortzeko ezinbesteko" diren "leku guztietan" aldeko botoa emango dutela. "Printzipioz" ez dute beharrezko ikusten gobernuetan sartzea, horren esanetan, baina aukerak "udalez udal" aztertuko dituztela iragarri du. "Ikusten badugu baliagarria dela proiektu konkretu bat garatzeko, sartuko gara", gaineratu du.
Azkenik, Hezkuntzaren lege proiektuaren inguruan galdetuta, burua lehengo lepotik dutela erantzun du, eta proiektuari osoko zuzenketa aurkeztuko diotela. Horren ustez, "gauzak ez dira aldatu, proiektuak ez die erantzuten hezkuntzak dituen beharrei eta erronkei". Halaber, gogorarazi du Elkarrekin Podemosek hezkuntza ituna sinatu zuela EAJrekin, PSE-EErekin eta EH Bildurekin, eta hori ez dela bete azpimarratu du. Besteak beste, ez dela kontzertazio unibertsalarekin bukatzen eta ez dela eskola publikoaren zabaltzea gauzatzen salatu du.
Zure interesekoa izan daiteke
Eusko Legebiltzarrak estrategia turistikoan jasangarritasunak "denean eragin" dezala eskatu du, eta baztertu egin du EH Bilduren proposamena
EH Bilduk udalen karga ahalmena neurtzeko eta turistifikazio maila sailkatzeko tresna zehatzak sortzea proposatzen zuen, baina mozioa atzera bota dute aurkako 46 boto (EAJ, PSE-EE, PP eta Vox) eta aldeko 27 (EH Bildu eta Sumar) jaso dituztelako.
Eneko Anduezak espero du Zapaterok justiziaren aurrean emango dituen "argudioak nahikoak izatea absoluziorako"
Eneko Andueza PSE-EEren idazkari nagusiak adierazi duenez, “espero” du Espainiako Gobernuko presidente ohi Jose Luis Rodríguez Zapaterok justiziaren aurrean emango dituen “argudioak nahikoak izatea absolbitu dezaten”. Bestalde, Bilbo eta Donostia 2030eko Munduko Txapelketaren egoitza izateko aukerari buruz agertu diren zalantzez, batez ere euskal erakundeen eta EAJren aldetik, Anduezak esan du “batzuei bertigoa sartu zaiela” ekitaldi hori antolatzearen inguruan, eta ez zaiola “epe laburreko errendimenduari” soilik begiratu behar.
Asensiok esan du "erabateko konfiantza" duela Zapaterorengan, eta auzipetze-autoan "susmoak" besterik ez daudela
Jose Ignacio Asensio Gipuzkoako PSE-EEren idazkari nagusiak Radio Euskadiko mikrofonoen aurrean adierazi du Jose Luis Rodriguez Zapaterorengan “erabateko konfiantza” duela. Halaber, auzipetze-autoan "frogarik ez" dagoela eta, une batzuetan, "errugabetasun printzipioa urratu egiten" duela ere esan du.
Jesus Eguiguren: "'Lawfare'a baino gehiago da, estatu kolpe bat martxan dago legegintzaldi guztian"
PSE-EEren presidente ohiaren arabera, Sanchezek Zapateroren "kolpea" ere gaindituko du eta legegintzaldiaren amaierara arte iraungo du.
Pedro Sanchezek babes osoa eman dio Zapatero presidente ohiari Kongresuan
Kongresuan, eta Alberto Nuñez Feijoo oposizioaren buruarekin izandako aurrez aurrekoan, Sanchez estreinakoz mintzatu da jendaurrean Zapateroren inputazioaren inguruan. Feijook azalpenak eskatu dizkio eta karguan jarraitzeak presidentzia "zikindu" egiten duela esan dio.
Rufianek hauteskunde batzuetan zerrendaburu izatea onartuko luke, horrek ezkerra batzen lagunduko balu
Gabriel Rufian ERCk Kongresuan duen bozeramaileak defendatu du ezker soberanistaren eta espainiarraren arteko hautagaitza baten buru izango litzatekeela, horrek "hauteskunde-emaitzak handitzen" lagunduko balu, eta "aurrera!" egiteko oihua egin du.
Chivitek, Esparzari: "Gauza bat da arazoak egotea, eta beste bat, osasun sistemaren egoera larria izatea"
UPNk eskatuta, Nafarroako Parlamentuko Foru Araubidearen Batzordean osasun sistemari buruzko azalpenak eman ditu Maria Chivite Foru Erkidegoko presidenteak. Osasunbidean "hobetzeko gauzak" badirela aitortu arren, egoera ez dela larria ziurtatu du. Javier Esparza UPNren parlamentariak, aldiz, behin eta berriz esan du egoera "oso larrian" dagoela osasungintza publikoa.
Feijook ez du zentsura-mozioa baztertzen, baina Gobernuaren bazkideei "pausoa emateko" eskatu die
Alderdi Popularraren presidentearen iritziz, "orain arte ikusi gabekoa da" Espainiako une honetako egoera politikoa. Haren ustez, 2018an PP Gobernutik bota zuten alderdiek "arrazoi gehiago dute orain" zentsura-mozioa babesteko.
EH Bilduk ere babestuko du Gipuzkoan zerga turistikoa ezartzea
EAJk eta PSEk Elkarrekin Podemosekin zeukaten akordioa lortuta EAEko hiru lurraldeetarako, eta bermatuta zegoen onartu egingo zela.
Espainiako Gobernuak uste du "juridikoki posible" dela Trebiñun erreferenduma egitea, baldin eta legezko urrats guztiak ematen badira
Angel Victor Torresek Mikel Legarda EAJren diputatuaren galderari erantzun dio Kongresuko Osoko Bilkuran. Gobernuak Trebiñuko enklabeko udalek hala eskatuz gero, Araban sartzeko erreferenduma baimenduko ote duen galdetu dio Legardak.