Podemosek oinarrien kontsulta itxi du, eta laster jakingo da Sumarrekin batera aurkeztuko diren ala ez
Podemosek bere militantziari egindako kontsulta itxi du, eta laster jakingo da Sumarrekin batera aurkeztuko diren uztailaren 23ko hauteskunde orokorretan, edo bakoitza bere aldetik joango den. Epea agortzear denean hartuko dute erabakia; izan ere, hauteskunde orokorretara aurkeztuko diren koalizioak erregistratzeko epea gaur bertan amaitzen da, gauerdian.
Kontsulta telematikoa 10:00etan amaitu da, eta onarriei galdetu diete ea zuzendaritzak proiektu berrian sartzeari buruz erabakitzeko boterea izango duen edo ez, honako galdera honen bitartez: Onartzen al duzu Podemoseko Koordinazio Kontseiluak, Herritarren Kontseiluak ezarritako batasunaren irizpideari jarraituz, Sumarrekin negoziatzea eta, hala badagokio, Podemosen eta Sumarren arteko hauteskunde-aliantza adostea?
Zehazki, Podemoseko 52.829 militantek eman dute botoa. Alderdi moreak egindako aurreko kontsultarekin alderatuta, antzeko boto-kopurua izan dute oraingoan ere. Pablo Iglesiasek alderdia utzi zuenean, Ione Belarra Eskubide Sozialen ministroa Podemoseko arduradun gisa izendatzeko kontsultan 53.500 boto zenbatu zituzten. Gauzak horrela, laster jakingo da alderdi moreak zer erabaki duen eta azkenean Yolanda Diazen proiektuarekin ados jarri ahal izango diren ala ez.
Podemosek negoziazio mahaian proposatu du Valentzian bakarrik aurkezteko aukera, Compromisekin akordioa lortzeko zailtasunen aurrean, eta Espainiako gainerako erkidegoetan ezkerreko fronte zabalean parte hartzea. Sumarrek, ordea, ez du Podemosen proposamena onartu.
Hainbat lurralde zuzendaritzek presio publikoa egin dute azken orduetan Podemosek Sumarrekin akordio bat lor dezan; izan ere, moreak hauteskunde orokorretara bakarrik aurkeztuz gero porrota jasotzeko beldur dira.
Sumar koalizioan parte hartzeko interesa duten indarrekin egiten ari diren negoziazioetan, alderdi bakoitzak izan beharko duen pisua, zerrenden izenak, alderdi bakoitzaren lurralde-boterea eta bakoitzaren marka boto-orrian agertu ala ez eta programaren prestaketa aztertzen ari dira.
Era berean, alderdi bakoitzak Kongresuko talde parlamentarioaren barruan autonomia izango ote duen, bi ganberetako taldeen egiturak nolakoak izango diren eta dirulaguntza publikoak nola banatuko dituzten adosten ari dira.
Dagoeneko Batzarre, Mas Madrid, Izquierda Unida, Chunta Aragonesista, Equo-Berdeak, Proyecto Drago de Canarias, Iniciativa del Pueblo Andaluz eta AraMes alderdi eta koalizioek oniritzia eman diote batasunari.
Zure interesekoa izan daiteke
Otxandianok berdinen arteko negoziazioa eskatu du euskararen gaian eta Olanok erantzun du prozesuan lortu dezaketela adostasuna
EH Bilduk enplegu publikoaren lege proposamenak berdintasunean negoziatzea eskatu dio EAJri. Jeltzaleek, ordea, edukiei dagokionean oso urrun ikusten ditu bi proposamenak.
Uxue Barkosek ukatu egin du bere agintaldian ustelkeririk izan zenik, eta Cerdanekin inoiz ez duela negoziatu ziurtatu du
2015 eta 2019 artean Nafarroako Gobernuko presidente izan zenak hiru orduko agerraldia egin du Nafarroako Parlamentuko Ikerketa Batzordean.
Itxasok Otxandianori erantzun dio EH Bildu "hirigintza garapenaren eta eraikitzearen aurka" agertu dela udaletan orain arte
Etxebizitzaren arazoari aurre egiteari dagokionez, azken hamar urteak "galdutzat" jo ditu EH Bilduk. Baieztapen horren aurrean, Etxebizitza sailburuak "bakoitzak bere erantzukizuna bere gain hartzeko" deia egin du astearte honetan. Denis Itxasok "proposamen zehatzak" eskatu dizkie indar politikoei.
Euskadik "bakearekin, demokraziarekin eta giza duintasunarekin" duen konpromisoa defendatuko du Pradalesek aita santuarekin izango duen bileran
Maria Ubarretxena Eusko Jaurlaritzako bozeramaileak Gobernu Kontseiluaren osteko agerraldian azaldu duenez, Imanol Pradales lehendakaria Leon XIV.a aita santuarekin bilduko da asteazkenean Vatikanoan, eta, bertan, Euskadik "bakearekin, demokraziarekin, giza duintasunarekin eta justizia sozialarekin" duen konpromisoa defendatuko du.
Pello Otxandiano: “Orain arte ezagutu gabeko eskalan etxebizitza publikoa sustatzea proposatzen dugu”
EH Bilduk koalizioaren etxebizitza plana aurkeztu eta ordu gutxira, Pello Otxandiano, Eusko Legebiltzarreko koalizioaren bozeramailea, Radio Euskadiko Boulevard saioan izan da. Han, etxebizitza arloko bere alderdiaren proposamenak azaldu ditu, eta arreta berezia jarri du etxebizitza publikoko proposamenetan. “Badago ardatz bat bereziki garrantzitsua: herri honetan orain arte ezagutu gabeko eskalan etxebizitza publikoa sustatzea. Arazoari benetan heldu nahi bazaio, funtsezkoa da etxebizitza publikoaren parke handi bat sustatzea, azpiegitura sozial estrategiko gisa”, adierazi du.
Otxandiano: "Hemen ez da etxebizitza politikarik egin, politika inmobiliarioa egin da"
EH Bilduk "anbizio handiko" plan bat aurkeztu du, etxebizitza merkatuan esku-hartzearen aldeko apustua egiteko; Babes Ofizialeko Etxebizitzaren (BOE) "eskala handiko" sustapenaren alde egiteko, "ahalegin publikoa biderkatzeko"; eta etxebizitzaren "funtzio soziala babestearen" alde egiteko plana darabil koalizioak, beraien hitzetan.
Pedrosa: "Ikastetxeen integrazioak familiekin lan egitea eskatzen du; hausnartu egin behar da zergatik ari garen hori egiten, datuekin"
Begoña Pedrosa Hezkuntza sailburuak, Egun Onen, adierazi du Araban bost integrazio egin dituztela, eta "hamar ikastetxe" egon direla "inplikatuta". Bizkaian, ordea, ikastetxe batzuk beste batzuetan integratu direla jakinarazi du.
Ollo: "Demokraziaren aldeko borrokan ari zen alderdi karlista baten jarraitzaileak zituzten helburu"
Lizarrako Udaleko Memoria Batzordeak ekitaldia egin du 1976an Montejurran izan ziren gertakarien 50. urteurrenaren kariaz, eta bertan izan da Nafarroako Gobernuko bigarren lehendakariorde eta Memoria eta Bizikidetzako kontseilari Ana Ollo.
Gaur amaitu da Ernairen IV. kongresua
Ezker abertzaleko gazte antolakundeak, Ernaik, gaur amaitu du laugarren kongresua, Bergaran. Bi konpromiso berretsi dituzte bertan: gazteriarekiko konpromisoa eta Euskal Herriarekiko konpromisoa. Horren harian, gazteriaren behar eta kezkak politizatu eta askapen prozesuan txertatzeko ardura hartu dute.
Berdintasuna "betebehar demokratikoa" dela defendatu du EAJk emakume jeltzaleen lana omentzeko ekitaldian
Euzko Alderdi Jeltzaleak emakume jeltzaleen lana goraipatzeko ekitaldia egin du 1922an sortutako Emakume Abertzale Batzaren urteurrenean. Bertan azpimarratu duenez, berdintasuna "ez da aukera politikoa, betebehar demokratikoa baizik".