Isabel Garrido Correoseko CCOO-ko ordezkariak Feijoori: "Ez dauka gure lana nola egin esan beharrik"
Alberto Nuñez Feijook "ez dauka gure lana nola egin behar dugun esan beharrik" adierazi du Isabel Garridok, Euskadiko Correos zerbitzuko Comisiones Obreras sindikatuko ordezkariak. Radio Euskadiko "Boulevard" saioan egin dioten elkarrizketan argi utzi nahi izan du Correosen "40 urtetik gora lanean ari diren profesionalak" daudela eta "ongi dakigu gure lana nola egin behar dugun".
Presidenterako Alderdi Popularraren hautagaiak hautsak harrotu zituen atzo Correoseko langileei posta bidez emandako botoak "goizez, arratsaldez eta gauez" entregatzeko eskatu baitzien, "euren nagusiek esaten dutena esaten dutela ere".
Hala ere, CCOO sindikatuko ordekariak Correoseko zuzendaritzak agindu zituen "errefortzuak berandu iritsi" direla salatu du Radio Euskadin. Araban adibidez, banaketa lanetarako hainbat egunetako kontratu batzuk egin direla onartu du, "baina ez dira nahikoak" esan du. Horrekin batera, "landa-guneetako postarien egoera lotsagarria" dela adierazi nahi izan du.
Isabel Garridok esan du Correosek agindutako 19.000 kontratuak ez direla "errealak" eta zuzendaritzaren gardentasun falta ere salatu du. Kontratazioei buruzko datuak ez dituela modu gardenean eskaintzen adierazi du.
Egoera txarra izanda ere, posta bidez botoa emateko agiri guztiak garaiz banatuko dituztela adierazi du Garridok. "Correos zerbitzu publikoa da" gaineratu du eta "behar den guztia banatuko dugu, bozkak, paketeak eta gainerako guztia".
Posta bidezko botoaren kopuruari dagokionez, nahiz eta behin betiko daturik ez daukaten, Isabel Garridok aurreratu du Bizkaia izango dela eskaera gehien egin diren lurraldea, dagoeneko 100.000 baino gehiago baitira. "Orain arte inoiz ez da horrelakorik gertatu", esan du.
Zure interesekoa izan daiteke
Ministroen Kontseiluak neurri ekonomikoak adostuko ditu gaur, Ekialde Hurbileko gerraren eragina arintzeko
Lege-dekretua datorren ostegunean onartu beharko dute Kongresuan. Lau arlotan egituratutako plan zehatza jarriko dute mahai gainean: egiturazko neurriak, zerga-paketea, sektore kaltetuentzako berariazko laguntzak eta pertsona zaurgarrientzako laguntzak biltzen dituena.
Sanchezek aurrekontuen aurkezpena baztertu du uneotan, gerrari erantzuteko
Ez du baztertu aurrekontuak aurrerago aurkeztea, horietan lan egingo dutela adierazi baitu, baina argi utzi du ez dela hilabete honetan izango, "politika, bizitza bezala, ez delako aurreikusi daitezkeen planen araberakoa", eta inork ez zuelako Ekialde Hurbileko gerra aurreikusten.
Rufian eta Montero elkarrekin, ezkerraren etorkizunari buruzko ekitaldi publiko batean
Ezkerreko alderdiek ongietorria eman diote apirilaren 9an Bartzelonan izango den ekimenari. Sumarrek eta PSOEk begi onez ikusten dituzte ezkerreko fronte bat eraikitzen lagunduko duten ekintzak eta elkarrizketak.
Espainiako Gobernuak baztertu egin du adostasunik ez duten neurriak krisiaren aurkako planean sartzea
Alokairuko etxebizitzetan bizi direnei nolabaiteko babesa emateko neurriak negoziatzen ari dira oraindik. Dekretua ostiralean onartuko dute Ministroen Kontseiluan eta datorren astean bozkatu Kongresuan.
Bengoetxea: "Euskara defendatzea batzea da, ez baztertzea"
Korrikaren inguruan sortutako polemikaren harira, Ibone Bengoetxea Eusko Jaurlaritzako Kultura eta Hizkuntza Politikako sailburuak esan du Korrika beti izan dela "euskararen inguruko topagune sozial handia", eta "garrantzitsua" dela "batzen duen espazioa izaten jarraitzea". "Ez da harresi edo lubaki gehiagorik behar. Euskarak zubiak behar ditu", adierazi du.
Etchegarayk ez dio sinesgarritasunik eman Baionan eratu duten ezkerreko aliantzari
Azken 12 urteotan Baionako alkate izan denak hautesle abertzaleei gogorarazi die Etcheto sozialista jakobinoak Euskal Hirigune Elkargoa sortzearen aurka egin zuela.
PSE-EEk ez du Korrikan parte hartuko "CCOOri jarritako betoagatik"
Alderdi sozialistak ohar batean kritikatu duenez, "CCOOren ordezkaritza baztertzea euskarak merezi ez duen intolerantzia adierazpen bat da".
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.