EH Bildu baiezko botoa emateko prest, "Chiviteren inbestidura desblokeatzeko"
Nafarroako gainerako indar aurrerakoiak "eserleku eta postu gerran" dauden bitartean Foru Gobernua osatzeko prozesua ez atzera ez aurrera dagoela eta, Maria Chivite PSNko hautagaiaren inbestidura "desblokeatzeko" baiezko botoa emateko prest azaldu da gaur EH Bildu Nafarroa. Koalizioaren babesarekin, PSNk nahikoa luke Geroa Baik abstentziora jotzea.
Laura Aznal koalizio subiranistaren zerrendaburuak premiazko agerraldia egin du eguerdian Iruñean, Geroa Baik atzo botatako hordagoari erantzuteko. "Kezkagarritzat" jo du egoera politikoa, eta eskuina boterera ez heltzeko euren esku dagoen "guztia" egiteko prest azaldu da. Hala, "indar aurrerakoi guztiekin" hitz egiteko borondatea agertu du, betiere "agindu demokratikoa bete eta eskuinak Nafarroako etorkizuna erabaki ez dezan".
Aznalen aburuz, "arduraz jokatzeko unea da, Nafarroako etorkizuna dago jokoan". "Printzipio kontua da, ez karguen kontua", gaineratu du Geroa Bairen jarrerari erreferentzia eginda.
Horren harira, militanteei baiezko botoari buruzko iritzia galdetuko dietela ere iragarri du EH Bilduko hautagaiak.
EH Bilduk Nafarroan duen bozeramailea ere badenak azpimarratu duenez, herritarrek ez lukete ulertuko hauteskundeak errepikatzea, gobernu aurrerakoia osatzeko aukerak egon badaudelako.
Asteak daramatzate PSNk, Zurekin Nafarroak eta Geroa Baik hiruko gobernua berritzeko eta Chivite presidente egiteko akordioa negoziatzen. Atzo, baina, ezustean, prentsaurrekoa deitu zuen Uxue Barkosen koalizioak, eta elkarrizketak "blokeatuta" zeudela iragarri zuen. Maria Solana parlamentariak "elkarrizketak bideratzeko" eta "sen onaren bidera itzultzeko" eskatu zien sozialistei. Izan ere, horren esanetan, PSOEren estatu mailako estrategiek talka egiten dute Geroa Baik hiruko gobernuan izan nahiko lukeen pisuarekin.
PSNk gaur erantzun dio Geroa Bairi, eta kontraeskaintza egiteko eskatu, baina "negoziazio batean alde guztiek eman behar dute amore", gaineratu du.
Ohar batean, Geroa Baik PSNren jarrera kritikatu du, "gobernu baten negoziazioa ezin dela eskaintza eta kontraeskaintzetan oinarritu " esanda.
Bestalde, eta Maria Chiviteren inbestiduraren aldeko balizko botoarekin egoera desblokeatzeko EH Bilduk emandako aurrerapausoari buruz, Geroa Baik ohartarazi du: "Eskuineko gobernu bat ekiditeko, 14ko gobernu hipotetiko bati (PSN-Contigo-Zurekin) baldintzarik gabeko baiezkoa ematea ez da nahikoa".
Gauzak horrela, Laura Aznal buru duen koalizioari eskatu dio, "aldeen erantzukizuna eskatzeaz gain, gobernu horretan parte hartzeko hautestontziek eman dieten erantzukizuna ere har dezaten, azken berriek erakusten duten moduan PSNk ez badu Geroa Bai gobernu horren baitan eduki nahi".
Albiste gehiago politika
Sare eta Etxerat elkarteek Bizkaiko eta Gipuzkoako 11 hondartzatan egin dute mobilizazioa
Urteroko ekimena izan dute gaur, Sare eta Etxerat elkarteek deituta, Gipuzkoako eta Bizkaiko 11 hondartzatan. Elkarbizitzarako jauzia egin ahal izateko, ETAko preso, iheslari eta deportatuen auziari behin betiko konponbidea ematea ezinbestekotzat jotzen dute. Biktimek horrenbeste merezi eta behar duten egia, aitortza eta erreparazioaren garrantzia ere azpimarratu dute.
Maider Etxebarria Gasteizko alkatea: "Asko poztuko ninduke jaien amaieran zero erasoren balantzea egin ahal izateak"
2025eko Andre Maria Zuriaren jaien atarian, festak "bizikidetzatik eta errespetutik, alaitasun eta ilusio handiz bizitzeko" deia egin die Gasteizko alkateak herritarrei eta bisitariei.
EAEko Justizia Auzitegi Nagusiko presidentea: "Zenbait sektorek ez diote modu argi batean indarkeria politikoari zilegitasunik kendu"
Hainbat gazteen eta ertzainen artean azken asteetan izandako istiluei buruz, Iñaki Subijana EAEKo Justizia Auzitegi Nagusiko presidenteak adierazi du "lehia bat" dagoela "Zuzenbide-Estatuaren eta Estatu beraren artean". "Biktima-justiziaren esparruan ezartzen ari garen neurrien inguruko hausnarketa egitera behartzen gaituzte", ondorioztatu du.
Bertan behera geratu da Puyko jaitsiera, bigarren urtez jarraian
Txosnek jai-eremu tradizionala aldarrikatu dute jaitsieraren kalean, udalaren debekuaren aurrean: "Jaiak herriarenak dira". Gogoratu beharra dago Udalak bigarren urtez jarraian debekatu duela hirigunean txosnen jai-esparrua jartzea, kanpoaldera mugituz.
AEBko Euskal Etxeetan euskararen irakaskuntza indartzeko hitzarmena sinatu dute
Etxepare Euskal Institutuak eta NABOk (North American Basque Organizations) sinatu dute lankidetza hitzarmena. Pradalesek adierazi duenez, "akordio hau konpromiso pedagogikoa baino gehiago da, urrats estrategikoa da euskararen nazioartekotzean".
Dobaranek eta Angulok Arkauti utziko dute urtebete eskas bete ondoren
Agur gutun batean, akademiaren eraldaketarako faseak abian jarri dituztela azaldu dute, baina ez dute irteeraren arrazoia zehaztu.
Eusko Jaurlaritzak Diasporaren Lege berri bat sustatuko du 2026an, egungo erronketara egokitzeko
Euskal herritarrek atzerrian duten presentzia aprobetxatzea da helburua, eta "Euskadi Globala" estrategian eragile diplomatiko gisa interesgarriak izan daitezkeen pertsona guztiak sare horretan sartzea.
Aukera berriak aprobetxatzeko AEBrekin harremanak estutzearen alde agertu da lehendakaria Boisen
Imanol Pradalesek esan du beharrezkoa dela zarata gainditzea eta AEBren eta EAEren arteko lankidetza "zubiak eraikitzen jarraitzea", enpresa aukera berriak aprobetxatzeko. "Ez gara hutsetik hasi. Bilera honekin jarraipena ematen diogu Estatu Batuen eta Euskadiren arteko harreman transatlantikoak sendotzeko helburuari", gaineratu du.
Cerdanen koinatu batek igeltsero gisa lan egin zuen Servinabar enpresan, eta 61.000 euro baino gehiago kobratu zituen
Antonio Muñoz Canok, zehazki, 3.363,36 euro jaso zituen 2019an, 16.255 euro 2020an, 21.233 euro 2021ean eta 20.818 euro 2022an. Igeltseroak bi alditan lan egin zuen eraikuntza konpainian, eta 61.669 euro jaso zituen guztira.
Ramiro González: "Talgoren egoitza sozialaren itzulera oso albiste ona da, sinbolismoz betea"
Ramiro Gonzalez Arabako ahaldun nagusiak Talgo enpresaren egoitza soziala Arabara itzultzea goraipatu du. Radio Euskadiko Boulevard saioan egindako elkarrizketan, Talgo erosteko operazioaren azken berriak izan ditu hizpide. Zalantzarik gabe esan du "oso albiste ona dela euskal industriarentzat eta bereziki Arabako industriarentzat", eta nabarmendu du Talgo aktibo garrantzitsua dela lurraldeko jarduera industriala berreskuratzeko.