Feijook gaur ekingo dio bere bilera sortari, EH Bildu baztertuta, babesak lortzeko asmoz
Alberto Nuñez Feijoo PPko buruzagiak alderdiaren zuzendaritza batuko du gaur, eta, ondoren, inbestidurarako babesak lortzeko bilera sortari ekiteko asmoa du. Espainiako Gobernuko presidente izateko hautagaia EH Bildu ez beste alderdiekin batzartuko da, hilabete barru izango den bozketarako falta zaizkion lau botoak bildu nahian.
Urte politikoa abiatzeko ekitaldia egin zuen PPren hautagaiak atzo Pontevedran. Iragarri zuenez, "hitz egin nahi duten talde politiko guztiekin" jesarriko da, baita "ekarpena" egin nahi duten presidente autonomikoekin ere. Hori esanda, ohartarazpena egin zuen esanez ez duela "xantaiarik" onartuko, eta ez dela "gutxiengoen menpe" jarriko. "Ez gara Sanchez", erantsi zuen.
"Inbestidura egiteko enkarguak hitz egin nahi dutenekin hitz egitera behartzen gaitu, eta berba egin ostean, bat egin edo ezberdin pentsa genezake, eta horretan saiatuko naiz datozen asteetan. Hitz egin bai, baina xantaiarik, enkanterik edo gutxiengoen menpe jarri ez", adierazi du.
Aitortu zuenez, gainera, akaso oraingoan ez ditu behar dituen babesak lortuko. Feijooren ahotan, "epe laburrean inbestidura egon ez arren, PPren Espainiako gobernu baten lehen harria izango da. Ziur naiz, orain edo gero, Espainiako hurrengo gobernua Alderdi Popularrarena izango dela".
Alderdi Popularrak lau boto ditu faltan gehiengoa lortzeko, eta bide horretan, EAJren eta PSOEren babesa eskuratzen saiatuko da. Biek ala biek, baina, esana dute ez dutela PPren alde egingo.
Aitor Esteban jeltzaleek Kongresuan duten bozeramaileak argitu zuenez, Feijoorekin bilduko da, "kortesiagatik" bada ere, baina "sorpresa handirik ez badago, zail" ikusten du haren inbestidura. "Hori bai, gauza hauekin azken unera arte ez da jakiten", gaineratu zuen.
Patxi Lopez PSOEren bozeramaileak "fake inbestidura" deitu zion Feijoorenari, Vox, CC eta UPN alderdien babesa bakarrik adostu duelako.
Zure interesekoa izan daiteke
Albares Kongresuan izan liteke ostegunean, Global Sumud Flotillaren egoeraren berri emateko
Kongresuko Osoko Bilkuran ministroaren agerraldia eskatu zuten Sumarrek, ERCk, EH Bilduk, Podemosek, BNGk eta Compromisek duela egun batzuk, Global Sumud Flotillan parte hartzen duten ontzi eta pertsonak babesteko eta laguntzeko hartuko dituen ekintzak zein erabakiak azal ditzan.
Espainiako Gobernuak astelehenean eskualdatuko dio Jaurlaritzari Zubietako espetxearen gaineko eskumena
Denis Itxaso Etxebizitza sailburuak eta Maria Jesus San Jose Justizia sailburuak otsailean jakitera eman zituzten epeak beteko dituzte horrela, kartzela berria 2026ko maiatza eta ekaina bitartean irekiko zutela iragarri baitzuten.
Anduezak euskara langileentzako mehatxu dela esan izana larritzat hartu du Estebanek, eta ulertezintzat jo du PSE-EEren jarrera
EBBko presidenteak esan du haserre dagoela, ez dela onargarria gobernukide den alderdi batek horrelakoak egitea eta, okerragoa dena, gezurretan ibiltzea.
Lehendakariak Euskadiren nazioarteko proiekzio kulturala bultzatuko du datorren astean Italiara egingo duen bidaian
Bidaiaren ardatz nagusia mundu mailan arte garaikidearen agertoki nagusietako bat den Veneziako Bienalaren baitan antolatu diren ekitaldietan parte hartzea izango da, 1976an bienalean izandako lehenengo euskal presentziaren 50. urteurrenean.
Andueza, polemikari buruz: "EAJk liskar artifiziala sortu zuen euskarari buruzko akordioa bertan behera utzi zuelako"
Hasi da hauteskunde kanpaina Andaluzian
Sevillan ekin die kanpainako ekitaldiei Alderdi Popularrak; Granadan, Alderdi Sozialistak. Moreno Bonilla PPko hautagai eta gaur egungo presidenteak gehiengo absolutua nahi du; ez du Vox nahi bere gobernuan. Jarraitzaileei botoa ematera joateko deia egin die, inkestek iragartzen duten gehiengo absolutua ziurra ez delakoan. Alderdi Sozialistaren hautagai Maria Jesus Monterok, berriz, inkestek iragartzen dizkioten emaitza txarrak irauli nahi ditu eta zerbitzu publikoen aldeko defentsan oinarritu du kanpaina.
Medikuen gatazkan esku hartzeko eskatu diote EH Bilduk eta PPk Osasun sailburuari
Medikuen grebaz aritu dira gaur, besteak beste, Eusko Legebiltzarrean. EH Bilduk medikuen lan-baldintzak hobetzeko mozioa eraman du ganberara, eta Rebeka Ubera koalizioko legebiltzarkideak Alberto Martinez Eusko Jaurlaritzako Osasun sailburuari eskatu dio, fitxa mugitu eta neurriak hartzeko aferan. Alderdi Popularreko Laura Garridok ere defendatu du Jaurlaritzak badituela eskuduntzak, medikuen egoera hobetzeko.
Koldo Garciak bere "errugabetasuna" defendatu du eta maskaren erosketan erabakitzeko ahalmenik ez zuela gaineratu du
Maskarak iruzurra eginda erosi ziren ala ez ikertzeko egiten ari diren epaiketan, Abalosen aholkulari izandakoak esan du ez duela gogoratzen esleipena egokitu zitzaion eskaintza Aldamak igorri ote zion.
Hauteskundeak, Andaluzian: zer du jokoan alderdi bakoitzak M17an?
Bihar abiatuko da hauteskunde kanpaina Andaluzian. Inkesta guztiek Juanma Moreno PPko hautagaia jotzen badute ere irabazle, ikusteko dago Voxen botoak beharko dituen ala ez gobernatzeko. PSOEk, berriz, Maria Jesus Montero hautagaiarekin indar erakustaldia egin nahi du, azken urteotan galdutako boto-emaileak berreskuratuz.
Atzerri Ministerioak Israelgo enbaxadako arduraduna deitu du Global Sumuden aurkako erasoagatik
Bien bitartean, EH Bilduk, Sumarrek, Podemosek, ERCk, BNGk eta Compromisek Albares ministroaren agerraldia Kongresuan eskatu dute, ontziak eta atxilotuak babesteko hartuko dituen neurriak azaldu ditzan.