Zupiria, konbentzio konstituzionala deitzeko proposamenaz: 'Lehendakaria etengabe proposamenak egiten ari da'
Espainiako Estatuan lurraldetasunaren auzia aztertzeko Iñigo Urkullu lehendakariak konbentzio konstituzionala deitzeko egindako proposamena ez dela berria azpimarratu du Bingen Zupiria Eusko Jaurlaritzako bozeramaileak. Lehendakariak 2018an proposatu zuen formula hori lehen aldiz, baina aste honetan mahai gainean jarri du berriro: lehenik, urte politiko berriaren hasiera emateko agerraldian; bigarrenik, El Pais egunkarian kaleratu duen iritzi artikulu batean.
Euskadi Irratiko "Faktoria" saioan egin dioten elkarrizketan Zupiriak azaldu duenez, lehendakariak azken urteetan hainbat proposamen egin ditu Espainiako Estatuak lurralde antolaketaren arloan duen "blokeo egoera" horri aurre egiteko. Hain zuzen ere, testuinguru horretan kokatu du konbentzio konstituzionalaren kontua. "Lehendakaria etengabe ari da proposamenak egiten, eta uste dut hori dela bere eginkizuna egoera berezi honetan", gaineratu du.
Lehendakariak asteartean Miramar Jauregiko agerraldian esan zuen une egokia izan daitekeela, uztailaren 23ko hauteskundeen emaitzen ondotik, konbentzio konstituzionala egiteko eta lurralde eredua eguneratzeko eta autogobernuari dagokion guztia bideratzeko, eta ideia hori bera berretsi du gaur Eusko Jaurlaritzako bozeramaileak.
Atzo, Nuñez Feijoo PPko presidenteak eta lehendakariak telefonoz izandako elkarrizketari buruz galdetuta, Zupiriak nabarmendu du ez zutela inbestidurari buruz hitz egin. Eusko Jaurlaritzako eledunaren esanetan, atzoko elkarrizketa horrek balio izan zuen "elkarrekin errepaso sakon bat egiteko estatuan bizi den egoerari".
Bestalde, Kultura eta Hizkuntza Politikako sailburu ere baden heinean, Auzitegi Konstituzionalak EAEko udal legeari buruz emandako epaiaz hitz egin du. Zupiriaren hitzetan, sententziak ez du bere horretan baliogabetzen udal legearen 6.2. artikulua, eta, hortaz, uste du horrela erabakitzen duten udalek euskaraz lan egiten jarraitu ahalko dutela.
Zure interesekoa izan daiteke
PSNk "erabateko errespetua" du Zapateroren errugabetasun presuntzioaren aurrean
Esther Iso PSNko Antolakuntza idazkariak adierazi duenez, presidente ohiarentzat "hitz onak" baino ez dituzte, "nafar guztiak gozatzen ari diren ondareagatik".
Nafarroako Gobernuak UPNren "noraeza" kritikatu du Athleticen elastikoarekin izandako polemikan
Alderdi politikoak LORAFNA (Nafarroako Autonomia Estatutua) eguneratzea eztabaidatzen ari ziren gaur Parlamentuko batzorde batean, eta klub zuri-gorriaren elastikoaren harira piztutako polemikaren inguruko iritziak emateko tartea ere hartu dute.
Lehendakariaren elkarrizketa, 10 titularretan
Imanol Pradales lehendakariak hainbat gai jorratu ditu Radio Euskadin, hala nola medikuen greba, etxebizitzaren arazoa edo autogobernuaren estatus berria.
Pello Otxandiano: "Etxebizitza politika honek huts egin badu, momentua da norabidez aldatzeko"
EH Bilduk etxebizitzaren inguruan egindako proposamenaren harira, "jarrera baikorra" izateko eskatu dio Pello Otxandianok Eusko Jaurlaritzari. "Proposamena hartu, aztertu eta egin dezagun eztabaida bat, ea soluziobideak hauek diren edo beste batzuk planteatzen dituzten", gaineratu du EH Bilduren Eusko Legebiltzarreko bozeramaileak ETB1eko "Egun on Euskadi" saioan egin dioten elkarrizketan.
Lehendakariaren ustez, "euskarak zubi gehiago eta harresi gutxiago behar ditu"
Imanol Pradales lehendakariari elkarrizketa egin diote Radio Euskadiko "Boulevard" saioan, eta bertan adierazi duenaren arabera, "ezin dugu beste alde batera begiratu segurtasun juridikorik eza dagoenean". Euskararen biziberritzeari dagokionez esan duenez, "fokua ez dago euskal administrazio publikoa euskalduntzean, hizkuntzaren erabilera sozialean baizik".
Lehendakariaren ustez, UPNk polemika artifiziala sortu nahi du Athleticen kamiseta berriaren inguruan
Imanol Pradales lehendakariak babesa eta elkartasuna adierazi dio Athletici, UPNk klubari elastikoetatik Euskal Herriko mapa kentzeko eskatu ostean. Kamiseta berria "oso polita" iruditzen zaiola esan du, eta gogorarazi du Nafarroako Gobernua bera ere ez dela auzian sartuko. Polemika artifiziala bilatzea egotzi dio lehendakariak UPNri, eta ohartarazi du oso arriskutsua dela sinboloekin eta identitateekin liskarra eta zatiketa bultzatzea.
Pradales: "FIFAren eskakizunak aztertzen ari gara; oso zorrotzak dira"
Imanol Pradales lehendakariak azpimarratu du egoeraren "azterketa lasaia" egin behar dela, sektore askori eragiten dielako. "FIFAk datorren urteko urtarrilean hartuko du erabakia, denbora dago", azpimarratu du.
Lehendakaria: “Tentsioa ezagutu gabeko mugetaraino areagotuko da; kezkatzen nau Madrilek arreta galtzea eta adostutako konpromisoei ez heltzea”
Imanol Pradales lehendakaria kezkatuta agertu da Radio Euskadiko "Boulevard" saioan Zapatero auziaren ondorioengatik.
Medikuen greba konpontzeko edo eskumenak transferitzeko eskatu dio lehendakariak Monica Garciari: "Arazo bat da"
Imanol Pradales lehendakariak uste du Monica Garcia Osasun ministroa "arazo bat" dela, "bi hilabete baino gehiago daramatzalako ezer jakin nahi izan gabe" estatutu markoa dela eta medikuak egiten ari diren grebari buruz. Hori dela eta, "gaian esku hartzeko" deia egin dio, eta, "arazoa konpontzeko gai ez bada edo ez badu nahi", Euskadiri eskumenak eskualdatzeko eskatu dio, "irtenbide bat bilatzeko". Radio Euskadin egindako elkarrizketa batean deitoratu duenez, Osakidetzaren batez besteko itxaron-zerrenden hobekuntzan "asko" aurreratu bada ere, estatutu markoaren aldeko medikuen grebak, "Osasun Ministerioaren erabaki batetik eratorritakoak", "iskanbila" eragin du. "Euskaditik eta eskumenen esparruaren barruan" aurrera egiten saiatzen ari direla erantsi du.
Albiste izango dira: Pradales lehendakariari elkarrizketa Radio Euskadin, abisu horia beroagatik eta errugbiko finalak Bilbon
Gaurkoan Orain-en albiste izango direnen laburpena, bi hitzetan.