Epaileak 'Bidegi auzia'ren zati bat artxibatu du, deliturik atzeman ez duelako
Azpeitiko 2. Instrukzio Epaitegiak "Bidegi auzia"ri dagokion zati bat artxibatu egin du, behin-behinean, uste duelako auzia eragin duen delitua ez dagoela behar bezala justifikatuta.
Martin Garitano Gipuzkoako ahaldun nagusi zen garaian (2011-2015), EH Bilduk Markel Olano buru zuen aurreko foru gobernuaren aurka bi kereila aurkeztu zituen AP-1 autobidearen lanetan ustez egin ziren irregulartasunengatik. Zehazki, Agustin Zugasti (Bidegiko zuzendari teknikoa), Mirari Azurmendi (Bidegiko arduradun teknikoa), Juan Francisco Garcia (UTE Arlaban), Silvia Armenteros (Bidegiko administratzailea) eta Jose Manuel Vacas (lanen arduraduna) auzipetzeko eskatu zuen. Gasteiz-Eibar autobideko lanetan, Arlabango tunelak eraikitzeko lanetan, irregulartasunak egin zirela salatu zuen koalizio abertzaleak, eta 17 milioi euroko ordainketa irregularrak egin zirela. 2016ko ekainaren 30ean, Mirari Azumendiren eta Silvia Armenterosen kontrako auzibidea artxibatu egin zuten, behin-behinean.
EITBk eskuratu duen autoaren arabera, ezin izan da zehaztu Gipuzkoako Foru Aldundiak iruzur egin ote zuen AP-1 autobidean (Gasteiz-Eibar), Arlaban-Eskoriatza iparraldea tartean egindako lanetan.
EH Bilduk orotara bi kereila aurkeztu zituen Bidegi auziari lotuta, eta erabaki honek bigarrenarekin du lotura.
Orain aldeek bost eguneko epea dute helegiteak aurkezteko.
"Bidegi auziko zati bat modu faltsuan" ixtea salatu du EH Bilduk
Erabakia ezagutu ondoren EH Bilduk azaldu duenez, "Bidegi auziko zati bat modu faltsuan ixteak herritarrei egia ezagutzeko eskubidea eta berme guztiak dituen prozesu baterako eskubidea lapurtzea dakar".
Ohar batean adierazitakoaren arabera, "Fiskaltza eta EAJ saiatu dira auzia ezerezean uzten instrukzioak iraun duen 8 urteetan".
Halaber, EH Bilduk abokatuekin autoa aztertu ondoren erabakiko du helegitea aurkeztu ala ez.
Zure interesekoa izan daiteke
Albares Kongresuan izan liteke ostegunean, Global Sumud Flotillaren egoeraren berri emateko
Kongresuko Osoko Bilkuran ministroaren agerraldia eskatu zuten Sumarrek, ERCk, EH Bilduk, Podemosek, BNGk eta Compromisek duela egun batzuk, Global Sumud Flotillan parte hartzen duten ontzi eta pertsonak babesteko eta laguntzeko hartuko dituen ekintzak zein erabakiak azal ditzan.
Espainiako Gobernuak astelehenean eskualdatuko dio Jaurlaritzari Zubietako espetxearen gaineko eskumena
Denis Itxaso Etxebizitza sailburuak eta Maria Jesus San Jose Justizia sailburuak otsailean jakitera eman zituzten epeak beteko dituzte horrela, kartzela berria 2026ko maiatza eta ekaina bitartean irekiko zutela iragarri baitzuten.
Anduezak euskara langileentzako mehatxu dela esan izana larritzat hartu du Estebanek, eta ulertezintzat jo du PSE-EEren jarrera
EBBko presidenteak esan du haserre dagoela, ez dela onargarria gobernukide den alderdi batek horrelakoak egitea eta, okerragoa dena, gezurretan ibiltzea.
Lehendakariak Euskadiren nazioarteko proiekzio kulturala bultzatuko du datorren astean Italiara egingo duen bidaian
Bidaiaren ardatz nagusia mundu mailan arte garaikidearen agertoki nagusietako bat den Veneziako Bienalaren baitan antolatu diren ekitaldietan parte hartzea izango da, 1976an bienalean izandako lehenengo euskal presentziaren 50. urteurrenean.
Andueza, polemikari buruz: "EAJk liskar artifiziala sortu zuen euskarari buruzko akordioa bertan behera utzi zuelako"
Hasi da hauteskunde kanpaina Andaluzian
Sevillan ekin die kanpainako ekitaldiei Alderdi Popularrak; Granadan, Alderdi Sozialistak. Moreno Bonilla PPko hautagai eta gaur egungo presidenteak gehiengo absolutua nahi du; ez du Vox nahi bere gobernuan. Jarraitzaileei botoa ematera joateko deia egin die, inkestek iragartzen duten gehiengo absolutua ziurra ez delakoan. Alderdi Sozialistaren hautagai Maria Jesus Monterok, berriz, inkestek iragartzen dizkioten emaitza txarrak irauli nahi ditu eta zerbitzu publikoen aldeko defentsan oinarritu du kanpaina.
Medikuen gatazkan esku hartzeko eskatu diote EH Bilduk eta PPk Osasun sailburuari
Medikuen grebaz aritu dira gaur, besteak beste, Eusko Legebiltzarrean. EH Bilduk medikuen lan-baldintzak hobetzeko mozioa eraman du ganberara, eta Rebeka Ubera koalizioko legebiltzarkideak Alberto Martinez Eusko Jaurlaritzako Osasun sailburuari eskatu dio, fitxa mugitu eta neurriak hartzeko aferan. Alderdi Popularreko Laura Garridok ere defendatu du Jaurlaritzak badituela eskuduntzak, medikuen egoera hobetzeko.
Koldo Garciak bere "errugabetasuna" defendatu du eta maskaren erosketan erabakitzeko ahalmenik ez zuela gaineratu du
Maskarak iruzurra eginda erosi ziren ala ez ikertzeko egiten ari diren epaiketan, Abalosen aholkulari izandakoak esan du ez duela gogoratzen esleipena egokitu zitzaion eskaintza Aldamak igorri ote zion.
Hauteskundeak, Andaluzian: zer du jokoan alderdi bakoitzak M17an?
Bihar abiatuko da hauteskunde kanpaina Andaluzian. Inkesta guztiek Juanma Moreno PPko hautagaia jotzen badute ere irabazle, ikusteko dago Voxen botoak beharko dituen ala ez gobernatzeko. PSOEk, berriz, Maria Jesus Montero hautagaiarekin indar erakustaldia egin nahi du, azken urteotan galdutako boto-emaileak berreskuratuz.
Atzerri Ministerioak Israelgo enbaxadako arduraduna deitu du Global Sumuden aurkako erasoagatik
Bien bitartean, EH Bilduk, Sumarrek, Podemosek, ERCk, BNGk eta Compromisek Albares ministroaren agerraldia Kongresuan eskatu dute, ontziak eta atxilotuak babesteko hartuko dituen neurriak azaldu ditzan.