Legealdi honetako politika orokorreko azken eztabaida hartuko du gaur Eusko Legebiltzarrak
Legealdi honetako politika orokorreko azken eztabaida egingo da gaur Eusko Legebiltzarrean, 09:30ean hasita. Iñigo Urkullu lehendakaria izango da hitza hartzen aurrena, eta gehienez 120 minutu izango ditu azalpenak emateko. Zuzenean eskainiko du osoko bilkura eitb.eus-ek, lotura honetan.
Eusko Jaurlaritzak asteon aurreratu ditu lehendakariaren hitzaldiaren ildo nagusiak. Euskara, autogobernua eta Euskadiren parte-hartzea Europar Batasunean izango dira Urkulluk datozen hilabeteotarako mahai gainean ipiniko dituen lehentasunak. Atzera begira ere jarriko da, eta legealdiaren balantze gazi-gozoa egingo du, pandemia edota Ukrainako gerra tarteko, kostu humanoa, emozionala eta sozioekonomikoa handia izan dela uste baitu.
Behin lehendakariak bere diskurtsoa amaituta, Bakartxo Tejeria Eusko Legebiltzarreko presidenteak, Bozeramaileen Batzordeari entzun ondoren, bilkura bertan behera uztea erabakiko du. Ohi bezala, talde parlamentarioen txanda arratsaldean izango da, eta baita erreplikena ere.
Talde bakoitzak 30 minutuko tartea izango du hitz egiteko, eta lehendakariak banan-banan edota denei batera erantzungo die. ONdoren, taldeetako ordezkariek hitza hartzeko aukera izango dute berriro, gehienez 10 minutuz.
Kritikak
Astelehenean aurreratu zituen Urkulluk gaurko hitzaldiko giltzarriak, eta berehala iritsi zitzaizkion oposizioko taldeen zein gobernukide sozialisten kritikak.
PSE-EEk argi adierazi zuen ez duela onartuko subiranotasunaren aldeko keinurik txikiena ere, eta konbentzio konstituzionala eratzeko proposamenarekin lehendakaria indarrak alferrik xahutzen ari dela iritzi zioten sozialistek.
Oposizioko taldeei dagokienez, EH Bilduk esan zuen Urkulluk urtero politika orokorreko eztabaidaren atarian lurralde ereduari buruzko proposamenak iragartzen dituela, ondoren kaxoian gordetzeko.
Era berean, Elkarrekin Podemos-IUk ere salatu zuen lehendakariak autogobernu gehiago eskatzen duen bitartean, betiko politikak egiten dituela eta ez duela ezer aldatzeko borondaterik.
Alderdi Popularrak, bere aldetik, politika orokorreko eztabaidara "bere ateraldiekin" joatea leporatu zion Eusko Jaurlaritzako buruari. Lurraldetasuna herritarren kezken artean agertu ere ez dela egiten nabarmendu zuten popularrek.
Zure interesekoa izan daiteke
Aitor Estebanekin elkarrizketa primizian Gaur Egunen, PSE-EErekin izandako polemikaren ostean
EAJko presidenteak polemikaz, euskararen eskakizunaz eta beste hainbat gaiez hitz egin du ETBko kamerentzat.
Lehendakariak Euskadiren nazioarteko proiekzio kulturala bultzatuko du datorren astean Italiara egingo duen bidaian
Bidaiaren ardatz nagusia mundu mailan arte garaikidearen agertoki nagusietako bat den Veneziako Bienalaren baitan antolatu diren ekitaldietan parte hartzea izango da, 1976an bienalean izandako lehenengo euskal presentziaren 50. urteurrenean.
Andueza, polemikari buruz: "EAJk liskar artifiziala sortu zuen euskarari buruzko akordioa bertan behera utzi zuelako"
Hasi da hauteskunde kanpaina Andaluzian
Sevillan ekin die kanpainako ekitaldiei Alderdi Popularrak; Granadan, Alderdi Sozialistak. Moreno Bonilla PPko hautagai eta gaur egungo presidenteak gehiengo absolutua nahi du; ez du Vox nahi bere gobernuan. Jarraitzaileei botoa ematera joateko deia egin die, inkestek iragartzen duten gehiengo absolutua ziurra ez delakoan. Alderdi Sozialistaren hautagai Maria Jesus Monterok, berriz, inkestek iragartzen dizkioten emaitza txarrak irauli nahi ditu eta zerbitzu publikoen aldeko defentsan oinarritu du kanpaina.
Medikuen gatazkan esku hartzeko eskatu diote EH Bilduk eta PPk Osasun sailburuari
Medikuen grebaz aritu dira gaur, besteak beste, Eusko Legebiltzarrean. EH Bilduk medikuen lan-baldintzak hobetzeko mozioa eraman du ganberara, eta Rebeka Ubera koalizioko legebiltzarkideak Alberto Martinez Eusko Jaurlaritzako Osasun sailburuari eskatu dio, fitxa mugitu eta neurriak hartzeko aferan. Alderdi Popularreko Laura Garridok ere defendatu du Jaurlaritzak badituela eskuduntzak, medikuen egoera hobetzeko.
Koldo Garciak bere "errugabetasuna" defendatu du eta maskaren erosketan erabakitzeko ahalmenik ez zuela gaineratu du
Maskarak iruzurra eginda erosi ziren ala ez ikertzeko egiten ari diren epaiketan, Abalosen aholkulari izandakoak esan du ez duela gogoratzen esleipena egokitu zitzaion eskaintza Aldamak igorri ote zion.
Hauteskundeak, Andaluzian: zer du jokoan alderdi bakoitzak M17an?
Bihar abiatuko da hauteskunde kanpaina Andaluzian. Inkesta guztiek Juanma Moreno PPko hautagaia jotzen badute ere irabazle, ikusteko dago Voxen botoak beharko dituen ala ez gobernatzeko. PSOEk, berriz, Maria Jesus Montero hautagaiarekin indar erakustaldia egin nahi du, azken urteotan galdutako boto-emaileak berreskuratuz.
Atzerri Ministerioak Israelgo enbaxadako arduraduna deitu du Global Sumuden aurkako erasoagatik
Bien bitartean, EH Bilduk, Sumarrek, Podemosek, ERCk, BNGk eta Compromisek Albares ministroaren agerraldia Kongresuan eskatu dute, ontziak eta atxilotuak babesteko hartuko dituen neurriak azaldu ditzan.
Enplegu Publikoaren Legeari zuzenketak egiteko epea bukatuta, jarrerek elkarrengandik oso aldenduta jarraitzen dute
Azken orduetan, zuzenketak erregistratu eta beren jarrerak azaldu dituzte talde parlamentarioek, eta agerian geratu da zein urrun dagoen administrazioan euskararen etorkizunerako funtsezkotzat jotzen den legea erreformatzeko akordioa.
PPren ustez PSE-EE "plantak egiten dabil", eta kritikatu du euskara arloko politiketan "konplizea" dela
Laura Garridok EAJren eta EH Bilduren hizkuntza politikak babestea leporatu dio PSEri, eta enplegu publikoan euskarari buruz egindako erreformak kritikatu ditu.