Urdaibaiko arraunlariak presoei buruz esandakoa "ez da politikoki gaitzesgarria", Otxandianoren ustez
Pello Otxandiano EH Bilduren Programa zuzendariarentzat, Iñaki Goikoetxea Bermeo Urdaibai arraun elkartearen arraunlariak ETAko preso bati buruz esandakoa "ez da politikoki gaitzesgarria". Adierazpenek harrabotsa sortu dute, batez ere Arnaldo Otegik txio batean goraipatu, eta lehendakaria eta beste buruzagi politiko batzuk kritiko azaldu ostean. Otxandianoren aburuz, baina, "preso politikorik gabeko etorkizuna nahi izateak desio partekatua beharko luke", eta argudiatu du bake-prozesuen estandarrek horren alde egiten dutela, presoen auziari aurre egitearen alde.
Radio Euskadiko "Boulevard" saioari elkarrizketa eskaini dio EH Bilduko buruzagiak, eta azken egunotan "aspalditik datorren polemika puzteko" ahalegina izan dela salatu. Horren ildoan, aurrez tankerako gaiekin izandako beste ika-mika batzuk ekarri ditu gogora, hala nola EH Bilduk gidatzen dituen hainbat udalek memoriaren inguruan prestatutako webguneen harian sortutakoa edota koalizioaren hauteskunde-zerrendetan ETAko preso ohiak sartzearen inguruan hauspotutakoa. Kritikatu duenez, denetan leporatu zaio EH Bilduri "biktimak iraintzeko nahita egindako ahalegina", eta hori "faltsua" da, horren hitzetan.
Otxandianoren arabera, "herri honek normalizazioan eta elkarbizitzan pauso bat emateko desiragarria litzateke espetxe politika arrunta aplikatzea eta salbuespena bukatzea"; izan ere, ETAko presoei ohiko legedia aplikatuko balitzaie, hiru laurdenak aske egongo lirateke, horren hitzetan. Biktimek senti dezaketen mina uler dezakeela erantsi du, baina "balorazio morala gorabehera, (arraunlariaren hitzak) politikoki ez dira gaitzesgarriak", berretsi du. Horren harira, paralelismoa egin du: "Demagun Galindok (Enrique Rodriguez Galindo Guardia Zibileko jeneral ohia) 15 urte daramatzala preso, eta guardia zibil batek, testuinguru informal batean, laguna etxean nahi duela esaten duela, betiere legea beteta. Kasu hipotetiko horretan, nik neuk ez nuke nahiko Galindo espetxean hiltzea".
Beste hainbat gai ere hizpide hartu ditu Otxandianok elkarrizketan. Eusko Legebiltzarrean adostu behar den hezkuntza lege berriaz esan du akordioak "norekin" egiten diren baino, "edukiak" direla garrantzitsuenak. "Horri buruz ez gara ari", deitoratu du. Horren esanetan, "eztabaida erdigunean" jarri behar da: "eskola publikoaren beharrak betetzea, behin-behinekotasuna jaistea eta kalitatea bermatzea, adibidez" eta "jada gaindituta dagoen hizkuntza ereduaz harago jotzea", besteak beste. "PSE-EEri ez diogu abertzale bihurtzea eskatuko, baina bai baskista izatea", erantsi du sozialistek euskararekin dituzten desadostasunei buruz.
Zure interesekoa izan daiteke
Puigdemonten amnistia eskariari ezezkoa eman dio berriz Llarena epaileak, eta Konstituzionalaren erabakiaren zain geratu da
Goreneko epailearen ustez, Europar Batasuneko Justizia Auzitegi Nagusiak eman zuen epaiak ez du aldatzen politikari katalana Amnistia Legetik kanpo uzteko Llarenak berak finkatutako lehenengo arrazoiaren oinarria.
Egian migratzaile bati egindako erasoa gaitzetsi du Insaustik eta "motibazio arrazista" dagoen ikertzen ari direla esan du
Jon Insausti Donostiako alkateak gaur azpimarratu duenez, larria da pasa den astean Egia auzoan migratzaile bati egin zioten erasoa, eta gorrotoak hirian lekurik ez duela berretsi du. Biktima gizarte zerbitzuen sistemaren baitan zegoen, eta gaueko zerbitzuen eta "Otorduak" programaren erabiltzailea da.
Aburtok akordioak defendatu ditu eta "politika onaren alde" egin du
Juan Mari Aburto Bilboko alkateak elkarrizketan, akordioetan, zerbitzu publikoan eta bizikidetzan oinarritutako politika aldarrikatu du, Udalaren Egoerari buruzko azken osoko bilkuran.
Ubarretxenak azpimarratu du ez dela aldebiko batzordea elkartuko akordio garrantzitsurik lortu ezean
Maria Ubarretxena Eusko Jaurlaritzako bozeramaileak gobernu bileraren osteko prentsaurrekoan nabarmendu duenez, Jaurlaritzak "ez du amore emango", baina akordioak lortu ahal izateko "beste aldeak borondate politikoa erakutsi behar du".
Chivitek hauteskunde kutsua ikusi dio Geroa Bairi, Belateko lanen bileratik "sartu baino kezkatuago" atera zela esan ostean
Ezustean eta harriduraz hartu ditu Nafarroako presidenteak Geroa Baik atzoko bileraren ostean egindako adierazpenak. Izan ere, Gobernuko bazkideek Belateko tunelen egoera aztertzeko bart egindako bileraren ostean, Pablo Azcona bozeramaileak "sartu baino kezkatuago" atera zela esan zuen. Azpiegituraren etorkizunari buruz esan du "oraindik ez dagoela ezer itxita".
Anduezak "seriotasuna" eta "diskrezioa" eskatu ditu Estatutu berriaren negoziazioan, "pazientziak muga bat duelako"
Eneko Andueza PSE-EEko idazkari nagusiak pazientzia galtzeko arriskua dagoela ohartarazi die EAJ eta EH Bilduri. Ildo horretan, lehia eta ika-mikak alde batera uzteko eskatu die biei.
Aburtok Bilbon egindako ibilbidea aldarrikatu du, eta akordioetan oinarritutako politika defendatu: "Denak ez du balio"
Alkateak hiru agintaldien balantzea egin du, eta elkarrizketan, elkarbizitzan eta herritarren zerbitzura jardutean oinarritutako politika aldarrikatu du. "Pertsona ona izan nintzela gogoan izatea gustatuko litzaidake», esan du.
Albiste izango dira: lehendakariaren bilera Confebaskekin, Adimen Artifizialaren moteltzea eta Zinemaldia ate joka
Gaurkoan Orain-en albiste izango direnen laburpena, bi hitzetan.
Ertzaintzak ikerketa abiatu du gazte batzuek Felipe VI .a erregearen irudi bati burua moztu ziotela eta
Gertakariak igandean jazo ziren, Ernaik faxismoaren kontra deitutako martxan. Donostiako alkateak eta Espainiako Gobernuak EAEn duen ordezkariak ekintzok gaitzetsi dituzte.
Anduezak, estatutu berriaz: "Adostu beharrekoa Konstituzioaren barruan egongo da"
Halaber, jeltzaleei beste abisu bat ere helarazi die: EH Bildurekin hizkuntza eskakizunen inguruan akordioa sinatzea "oso larria" izan zela eta halako "leialtasuna eza" ezin dela errepikatu esan die.