Espainiako Justiziaren aurrean deklaratu duen frankismoaren lehen biktima: "Inpunitatearen horma hautsi da"
"Honaino iristea frankismoaren aurrean dagoen inpunitatearen eta isiltasunaren horma hausten hastea da". Julio Pacheco Espainiako Justiziaren aurrean deklaratu duen frankismoaren lehen biktimaren hitzak dira, epailearen aurrean deklaratu berritan.
Ana Maria Igualcel Madrilgo Instrukzio Epaitegiko epaileak hartu dio deklarazioa gaur Pachecori. 1975ean Brigada Politiko-Sozialeko poliziek torturatu egin zutela salatu zuen. Unibertsitateko ikaslea eta Alderdi Komunistako kidea zen orduan, eta atxilotu egin zuten, Antonio Pose Rodriguez Guardia Zibileko tenientearen hilketarekin lotura zuelakoan. Kereilan adierazi zuen hiru egunez bahituta izan zuela Poliziak eta bere burua errudun jotzeko eskatu ziotela, torturapean. Tartean, Jose Manuel Villarejo komisario ohia omen zegoen. Gertakari horien lekuko batek ere deklaratu du gaur.
Espainiako estatuan frankismoaren biktima batek epailearen aurrean deklaratzen duen aurreneko aldia izateaz gain —100 kereila baino gehiago daude jarrita antzeko kasuengatik—, Espainiako Gobernuak aurten abian jarri duen Giza Eskubideen eta Memoria Demokratikoaren Salako fiskal batek auzi batean parte hartzen duen lehen aldia ere bada.
Epaitegiaren atarian, Ceaqua, Amnesty International eta Iridia elkarteek deituta, dozenaka herritar bildu dira, Pachecori babesa adieraztera. "Inpunitatearen horma hautsi dezagun" eta "Frankismoaren biktimok justizia eskatzen dugu. Giza eskubideak" zioten pankartak eskutan zituztela, txaloka hartu dute.
Ordubete inguru iraun duen deklarazioaren ondoren, pozik atera da auzitegitik Pacheco, epaile batek "kasu egin eta entzun dion" lehen aldia izateagatik. Gaur hasitako bidea abiapuntua izatea nahiko lukeela esan du, eta Espainiako Justiziak frankismoaren aurkako auzi gehiago zabaltzeko itxaropena agertu du.
Zure interesekoa izan daiteke
Espainiako Gobernuak baztertu egin du adostasunik ez duten neurriak krisiaren aurkako planean sartzea
Alokairuko etxebizitzetan bizi direnei nolabaiteko babesa emateko neurriak negoziatzen ari dira oraindik. Dekretua ostiralean onartuko dute Ministroen Kontseiluan eta datorren astean bozkatu Kongresuan.
Bengoetxea: "Euskara defendatzea batzea da, ez baztertzea"
Korrikaren inguruan sortutako polemikaren harira, Ibone Bengoetxea Eusko Jaurlaritzako Kultura eta Hizkuntza Politikako sailburuak esan du Korrika beti izan dela "euskararen inguruko topagune sozial handia", eta "garrantzitsua" dela "batzen duen espazioa izaten jarraitzea". "Ez da harresi edo lubaki gehiagorik behar. Euskarak zubiak behar ditu", adierazi du.
Etchegarayk ez dio sinesgarritasunik eman Baionan eratu duten ezkerreko aliantzari
Azken 12 urteotan Baionako alkate izan denak hautesle abertzaleei gogorarazi die Etcheto sozialista jakobinoak Euskal Hirigune Elkargoa sortzearen aurka egin zuela.
PSE-EEk ez du Korrikan parte hartuko "CCOOri jarritako betoagatik"
Alderdi sozialistak ohar batean kritikatu duenez, "CCOOren ordezkaritza baztertzea euskarak merezi ez duen intolerantzia adierazpen bat da".
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".
Espainiako Gobernuak aste honetan aurkeztuko ditu energiaren prezioen igoeraren aurkako neurriak
Aegesen ministroak aurreratu duenez, "erantzun integralerako plana" da eta "eragile sozialekin eta talde parlamentarioen proposamenekin" ari dira lanean; hala ere, ez du zehaztu noiz aurkeztuko duten Iraneko gerrak energiaren prezioetan izan duen eragina arintzeko ekimena.