Zelaia eta Barbado atxilotu egin dituzte Gasteizko Gobernu Militarreko balkoian ezustean agertu eta gero
Aitor Zelaia eta Galder Barbado gazteak espetxeratzeko agindua salatzeko manifestazioa deituta zuen Ankerkeria Stop plataformak, Gasteizen, 18:30erako. Aurrez, 17:00ak aldera, ezustean agertu dira bi gazteak Gasteizko Gobernu Militarraren balkoian, kamiseta aldarrikatzaile urdinez jantzita eta jendetzak babestuta. Ordu eta erdi inguru egin dute bertan, eta 18:30 aldera atxilotu egin ditu Ertzaintzak.
Polizia-furgoietan sartu eta Zaballako espetxera eraman dituzte. Eraikin ofizialaren atarian bildutako dozenaka lagunek txalo artean agurtu dituzte atxilotuak, eta animo oihuak egin dizkiete.
2021 hasieran, lau urteko espetxe zigorra ezarri zieten Zelaiari eta Barbadori "lehergaiak gordetzea" egotzita. Errekurtsoak amaituta, 10 eguneko borondatezko epea eman zieten irailaren 15ean, espetxean sartzeko. Irailaren 25ean amaitu zen, beraz, euren borondatez kartzelara sartzeko epea eta edozein unetan atxilotuak izateko arriskuan zeuden.
"Auzitegi Nazionalaren begietara euskal militante guztiak gara errudun"
ANkerkeriari Stop plataformak deitutako manifestazioa Zelaia eta Barbado atxilotu ondoren egin da, 19:00etan.
Lau urteko prozesu baten ondoren, Aitor Zelaia eta Galder Barbado atxilotu izana gogor gaitzetsi dute Maddalen Muguruza eta Miren Lapitz plataformako kideek, manifestazioa amaitu ondoren egindako adierazpenetan. "Auzitegi Nazionalaren iritziz, euskal militante guztiak gara errudunak, eta militantzia hori zigortzeko eskura dituen mekanismo guztiak erabiliko dituzte", salatu dute.
"Zentzugabekeriatzat" jo dute gertatutakoa, eta gazteak aske uzteko eskatu dute. "Honelako prozesu judizial ankerrek lekurik izango ez duten errealitate batera bidean aurrera egin beharra" daukala Euskal Herriak ere esan dute.
Azkenik, eskerrak eman nahi izan dizkiote euskal gizarteari "bidegabekeriaren aurrean, beste behin ere, sortu den elkartasun oldeagatik".
Auzia
2019ko otsailaren 7an atxilotu zituzten bi gazteak, urtebete lehenago Duranan (Arratzua-Ubarrundia) material lehergarriak zituen bidoi baten aurkikuntzarekin lotuta. Sei hilabete egin zituzten espetxean eta behin-behinean libre geratu ostean, handik bi urtera epaitu zituzten.
2021eko urtarrilean izan zen haien aurkako epaiketa, Espainiako Auzitegi Nazionalean. Otsailean, 4 urteko espetxe zigorra, urtebeteko zaintzapeko askatasuna eta 10 urteko inhabilitaziora kondenatu zituzten bi gazteak. Horren aurrean, baina, helegitea aurkeztu zuten eta, bi urte pasa eta gero, maiatz amaieran, Auzitegi Gorenak zigor hori berretsi egin zuen.
Geroztik, hainbat protesta ekintza izan dira Zelaia eta Barbadoren espetxe zigorra salatzeko. Ekainean agerraldi jendetsua izan zen, adibidez, Amurrion eta azken azken asteotan ere beste hainbat protesta izan dira.
Zure interesekoa izan daiteke
Sanchezek aurrekontuen aurkezpena baztertu du uneotan, gerrari erantzuteko
Ez du baztertu aurrekontuak aurrerago aurkeztea, horietan lan egingo dutela adierazi baitu, baina argi utzi du ez dela hilabete honetan izango, "politika, bizitza bezala, ez delako aurreikusi daitezkeen planen araberakoa", eta inork ez zuelako Ekialde Hurbileko gerra aurreikusten.
Rufian eta Montero elkarrekin, ezkerraren etorkizunari buruzko ekitaldi publiko batean
Ezkerreko alderdiek ongietorria eman diote apirilaren 9an Bartzelonan izango den ekimenari. Sumarrek eta PSOEk begi onez ikusten dituzte ezkerreko fronte bat eraikitzen lagunduko duten ekintzak eta elkarrizketak.
Espainiako Gobernuak baztertu egin du adostasunik ez duten neurriak krisiaren aurkako planean sartzea
Alokairuko etxebizitzetan bizi direnei nolabaiteko babesa emateko neurriak negoziatzen ari dira oraindik. Dekretua ostiralean onartuko dute Ministroen Kontseiluan eta datorren astean bozkatu Kongresuan.
Bengoetxea: "Euskara defendatzea batzea da, ez baztertzea"
Korrikaren inguruan sortutako polemikaren harira, Ibone Bengoetxea Eusko Jaurlaritzako Kultura eta Hizkuntza Politikako sailburuak esan du Korrika beti izan dela "euskararen inguruko topagune sozial handia", eta "garrantzitsua" dela "batzen duen espazioa izaten jarraitzea". "Ez da harresi edo lubaki gehiagorik behar. Euskarak zubiak behar ditu", adierazi du.
Etchegarayk ez dio sinesgarritasunik eman Baionan eratu duten ezkerreko aliantzari
Azken 12 urteotan Baionako alkate izan denak hautesle abertzaleei gogorarazi die Etcheto sozialista jakobinoak Euskal Hirigune Elkargoa sortzearen aurka egin zuela.
PSE-EEk ez du Korrikan parte hartuko "CCOOri jarritako betoagatik"
Alderdi sozialistak ohar batean kritikatu duenez, "CCOOren ordezkaritza baztertzea euskarak merezi ez duen intolerantzia adierazpen bat da".
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.