Anduezaren ustez, "ezin da beste irakurketarik egin, hizkuntza-ereduak mantendu egiten direlako"
Eneko Andueza PSE-EEko idazkari nagusiak esan du hizkuntza-ereduak "mantendu" egiten direla sozialistek eta EAJk Hezkuntza Lege-proiektuari egindako zuzenketei esker. "Ezin da beste irakurketarik egin", nabarmendu du.
Horrela erantzun die Anduzeak Pello Otxandiano EH Bilduko Programa zuzendariak atzo egindako adierazpenei. Akordioaren azalpen bateratua emateko eskatu zien koalizioko ordezkariak jeltzale eta sozialistei, batzuek eta besteek esandakoen artean kontraesanak daudela iritzita: "Bertsio kontrajarriak daude. Alde batetik, ordezkari sozialista batek esan du egun ezagutzen ditugun ereduei eutsiko zaiela. Bestetik, Jokin Bildarratz Hezkuntza sailburuak adierazi du hizkuntza-ereduak eguneratu behar direla, aldatu, eta zuzenketa honek horretarako bidea ematen duela".
Eusko Legebiltzarraren kanpoaldean egindako adierazpenetan buruzagi sozialistak azpimarratu duenez, "oso garrantzitsua da gurasoei aukera ematea ereduak aukeratzeko askatasuna izan dezaten, eredu bakar baterantz ez joateko". "PSE-EEk eta EAJk adostutako zuzenketari esker bermatu da hori", gaineratu du.
Anduezaren arabera, EAJren bozeramaileak berak hitzartutakoa azaltzeko egin zuen agerraldian "oso argi utzi zuen", eta, hain zuzen ere, "bertsio hori bat dator" PSE-EEren bertsioarekin. Horrenbestez, ordezkari sozialistak uste du "gutxi edo ezer gutxi" argitu behar dela gai horren inguruan.
"Guk zuzenketa hori gehitzen badugu eta proposamen horri eusteko ahalegin handia egin badugu, ereduak mantentzeko da", berretsi du. Anduezaren hitzetan, "eredu horien babespean, ikastetxeek hizkuntza-proiektuak garatu ahal izango dituzte". "Baina, jakina, ereduak mantentzeko ahalegin handia egin badugu, hain zuzen ere, hortik ez mugitzeko izan da", errepikatu du.
Buruzagi sozialistaren ustez, EAJk eta PSE-EEk zuzenketak erregistratu ostean egin zuten agerraldian, "irakurketa berdina" egin zuten. "Agian, Jokin Bildarratz Hezkuntza sailburuak berak egin du irakurketa okerra", erantsi du.
Ildo horretan, asteazkenean Iñigo Urkullu lehendakaria bera, komunikabide batek antolatutako hitzaldi batean, "bat etorri da" PSE-EEren eta EAJren interpretazioarekin, horren aburuz.
Bildarratz sailburua "Egun On Euskadi" saioan izan da gaur Hezkuntza Legeari buruz hitz egiten. Haren esanetan, zuzenketa guztiekin legea hobetzea lortuko dute, eta hizkuntza-ereduak ez dira helburua, beharrezko hizkuntza-mailak lortzeko bitartekoak baizik.
Zure interesekoa izan daiteke
Sanchezek aurrekontuen aurkezpena baztertu du uneotan, gerrari erantzuteko
Ez du baztertu aurrekontuak aurrerago aurkeztea, horietan lan egingo dutela adierazi baitu, baina argi utzi du ez dela hilabete honetan izango, "politika, bizitza bezala, ez delako aurreikusi daitezkeen planen araberakoa", eta inork ez zuelako Ekialde Hurbileko gerra aurreikusten.
Rufian eta Montero elkarrekin, ezkerraren etorkizunari buruzko ekitaldi publiko batean
Ezkerreko alderdiek ongietorria eman diote apirilaren 9an Bartzelonan izango den ekimenari. Sumarrek eta PSOEk begi onez ikusten dituzte ezkerreko fronte bat eraikitzen lagunduko duten ekintzak eta elkarrizketak.
Espainiako Gobernuak baztertu egin du adostasunik ez duten neurriak krisiaren aurkako planean sartzea
Alokairuko etxebizitzetan bizi direnei nolabaiteko babesa emateko neurriak negoziatzen ari dira oraindik. Dekretua ostiralean onartuko dute Ministroen Kontseiluan eta datorren astean bozkatu Kongresuan.
Bengoetxea: "Euskara defendatzea batzea da, ez baztertzea"
Korrikaren inguruan sortutako polemikaren harira, Ibone Bengoetxea Eusko Jaurlaritzako Kultura eta Hizkuntza Politikako sailburuak esan du Korrika beti izan dela "euskararen inguruko topagune sozial handia", eta "garrantzitsua" dela "batzen duen espazioa izaten jarraitzea". "Ez da harresi edo lubaki gehiagorik behar. Euskarak zubiak behar ditu", adierazi du.
Etchegarayk ez dio sinesgarritasunik eman Baionan eratu duten ezkerreko aliantzari
Azken 12 urteotan Baionako alkate izan denak hautesle abertzaleei gogorarazi die Etcheto sozialista jakobinoak Euskal Hirigune Elkargoa sortzearen aurka egin zuela.
PSE-EEk ez du Korrikan parte hartuko "CCOOri jarritako betoagatik"
Alderdi sozialistak ohar batean kritikatu duenez, "CCOOren ordezkaritza baztertzea euskarak merezi ez duen intolerantzia adierazpen bat da".
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.