CDRetako hamabi kide terrorismoagatik epaituko ditu Espainiako Auzitegi Nazionalak
Auzitegi Nazionaleko Zigor-arloko Salak sumarioa itxi eta Errepublikaren Defentsarako Batzordeetako (CDR) 12 kideen aurkako ahozko epaiketa hastea erabaki du.
Horrela, Hirugarren Sekzioko magistratuek Manuel Garcia Castellon instrukzio-epaileak 2019ko irailean egindako Judas Operazioan hartutako erabakia babestu dute. Operazio horretan atxilotu zituzten auzi honetako auzipetu gehienak, ustez urriaren 1aren 2021eko urteurrenari begira eta Auzitegi Gorenak "proces"eko buruzagi subiranisten aurka emandako epaiaren kontra indarkeriazko ekintzak planifikatzeagatik.
Magistratuak Erantzun Taktikorako Taldearekin (ERT) lotu zituen atxilotuak, eta haren tesiaren arabera, talde hori CDRetako "erradikaltasun handiko" kideek osatzen zuten, eta, indarkeriaren bidez, Kataluniaren independentzia lortu nahi zuten.
Auzipetuetako batzuek sumarioa ixteko eskatu zuten Zigor-arloko Salan, eta, aldi berean, ikerketa-eginbideak egiteko eskatu zuten. Eginbide horietako batzuk errefusatu egin dituzte magistratuek, ez dituztelako beharrezko ikusten, eta beste batzuk ahozko ikustaldian erabakiko direla adierazi dute.
Gainera, Zigor-arloko Salak ez du onartu hiru auzipetuk erakunde terroristako kide izatea frogatzeko zantzurik ez zutela argudiatuta auzia artxibatzeko egindako eskaera.
Ohar baten bidez, Alerta Solidario ezker independentistaren erakundeak eta auzipetuak babesteko taldeak epaitegien "presa" salatu dute, amnistia gauzatu baino lehen auzia epaiketara bidaltzeko; izan ere, egunotan PSOEren eta Parlamentuko kideen artean eztabaidatzen ari den amnistia legean sar litekeen kasuetako bat da honakoa.
"Auzitegi Nazionalak bere zigilua jarri eta fitxa mugitu du Kataluniako independentismoaren aurkako errepresioaren estatu operazio zikinenetako bat epaitu eta amaitzeko. CDRetako kideak existitzen ez den terrorismo batengatik epaitzea errepresio makineria basati guztiari zentzua ematen dion kontakizuna da", salatu dute komunikatuan.
Zure interesekoa izan daiteke
Hauteskunde orokorrak 2027an izango direla berretsi du Sanchezek, udal hauteskundeekin bat egin gabe
Pedro Sanchez Espainiako Gobernuko presidenteak berretsi du hauteskunde orokorrak 2027an izango direla. Ildo horretatik, ziurtatu du ez direla maiatzeko hauteskunde autonomikoekin eta udalekoekin bat etorriko, baina ez du zehaztu aurretik edo geroago izango diren.
Euskararen lurgunea gero eta zabalagoa da Nafarroan, baina estuturik dauka Euskararen Legeak berak
Euskararen Foru Legeak 40 urte betetzen ditu aurten eta euskara lekua irabazten joan den arren legeak bere horretan dirau, lurraldea hiru eremutan banatzen, bai eta nafarren hizkuntza eskubideak mugatzen ere. Euskararen ofizialtasuna lurralde osora hedatzea askoren aspaldiko eskakizuna da, baina tramite administartiboaz harago, borondate politiko argia eta negoziazio gaitasuna eskatzen ditu prozesuak.
Hauek dira Zapaterok Plus Ultra auziko epailearen aurrean egindako deklarazioaren pasarte nabarmenenak
Espainiako Gobernuko presidente ohiak ukatu egin zuen Plus Ultra aire konpainiaren erreskatean inolako esku hartzerik izan zuela eta bere bulegoan egindako miaketan aurkitutako bitxien inguruan erantzutea saihestu zuen.
Iraolak EAJren eta EH Bilduren "inkoherentzia" salatu du Eibarko sokamuturraren auzian
Eibarko sanjuanetan sokamuturra berreskuratzea herritarren eskaria izan dela esan du Jon Iraola Eibarko alkateak (PSE-EE). Gaiak eragin duen polemika dela eta, EAJren eta EH Bilduren "inkoherentzia" salatu du, eurek gobernatzen duten udaletan beste jarrera bat omen dutelako. Hauteskunde interesen arabera jokatzea egotzi die biei.
Euskararen alorrean harago joateko eskatu dio Barkosek Chiviteri eta zonifikazioa kentzeko
Nafarroako presidente ohiaren ustez, euskara berezko hizkuntza gisa aitortzeak "ez luke ezer aldatuko", eta hizkuntza lurralde osoan ofizial egitea aldarrikatu du.
Getxoko Irurak Bat jauregia eraistearen inguruko ikerketarekin jarraitzea zalantzan jarri du epaileak
Epaitegiak bertan behera utzi ditu hainbat eginbide, eta EAEko Justizia Auzitegi Nagusiak duela gutxi emandako epai bati buruzko iritzia eskatu die aldeei, ikertutako gertakarien balorazio penalean eragina izan dezakeelakoan.
Peinado epaileak pieza berri bat ireki du Begoña Gomez auzian, eta beste bi delitu egotzi dizkio Sanchezen emazteari
Sumarioaren zati nagusiari buruzko atariko entzunaldia astelehenean egin zuen magistratuak, eta pieza berri bat zabaltzea erabaki du orain, prebarikazioa eta EBri iruzur egitea egotzita.
Diez Antxustegik espero du enplegu publikoaren legea onartzea eta gerora "ebaluazio bateratua" egitea proposatu dio EH Bilduri
EAJk Legebiltzarrean duen bozeramailearen hitzetan, jeltzaleek egindako proposamena "zuhurragoa" da eta segurtasun juridiko handiagoa ematen du. Behin onartuta, "ebaluazio bateratua" egitea proposatu dio EH Bilduri, "nahikoa ez bada" hartu beharreko neurriak aztertzeko.
Otxandiano, Enplegu Publikoaren Legeaz: "Akordiorik ez badago, lehendakariarekin bilera bat eskatuko dut egoera desblokeatzeko"
"Akordioaren parametroak argi daude", Otxandianoren ustez, eta "akordiorik eza ez da aukera bat eta arduraz jokatzeko momentua da", erantsi du. "Lirika eta erretorikaren gainetik, Agirre lehendakariaren izpiritua eta ondare politikoa hiru herrialde hauetan benetan praktikan jartzeko borondatea dago", EH Bilduko bozeramailearen arabera.
18 pertsona hil dira Israelgo Armadak Libano hegoaldearen aurka egindako bonbardaketetan
AEBrekin lortutako akordio-memorandumari eutsiz, Iranek eskatu du Israelek atzera egiteko eta erasoak bertan behera uzteko. Israelgo Gobernuak, bere aldetik, behin baino gehiagotan adierazi du akordio horrek ez duela bera lotzen.