Fiskaltzak CDRetako 13 kide auzipetzea eskatu du, terrorismoa egotzita
Auzitegi Nazionaleko Fiskaltzak 2019an Katalunian atxilotutako Errepublikaren Defentsarako Batzordeetako (CDR) 13 kideak auzipetzea eskatu du ostiral honetan, talde terroristako kide izatea egotzita. Izan ere, enpresa eta egoitza ofizialen aurka, ustez, sabotajeak eta indarkeriazko ekintzak prestatzen ari zirela leporatzen die. Ildo horretatik, horietako bederatzi kideri legez kanpo lehergailuen edukitza eta ekoizpena delituak gehitzea eskatu du.
Hain zuzen ere, 2019ko irailean atxilotu zituzten CDRetako 13 kideak, Auzitegi Gorenak buruzagi independentisten aurka emandako epaiari erantzunez indarkeriazko ekintzak bultzatzea leporatuta.
Horiek guztiek, "zegokien batzordeko jarduera bete eta talde terrorista paralelo bat antolatu zuten, izaera klandestino eta egonkorrarekin, aurretik hautatutako enpresa zein egoitza ofizialen aurka indarkeriazko ekintzak eta atentatuak burutzea helburu zuena. Horretarako, taldeak berak bi etxebizitzatan ezkutuan zituen bi laborategietan fabrikatutako lehergaiak eta substantzia su-eragileak erabili nahi zituzten".
Fiskaltzaren arabera, CDRak "pertsona anitzez osatutako taldeak dira, eta estrategia antolatu baten bidez ordena konstituzionala iraultzea izango lukete helburu".
Halaber, Erresistentziako Talde Taktikoa "ikertutakoek osatutako zelula" gisa definitzen du Fiskaltzak. Ildo horretatik, "erradikaltasun handia" agerian uzten zuten, eta "konfiantza handieneko pertsonek osatzen zuten talde klandestinoa". Kide horiek guztiak, bat zetozen "helburu nagusiarekin", eta haiei eskatzen zieten "indarkeriazko ekintza horiek gauzatzea".
Fiskaltzaren arabera, talde horren helburu nagusia "Kataluniaren independentzia lortzea zen, indarkeria bere espresiorik gorenean erabiliz". Hala, Espainiako agintariak Kataluniaren independentzia aitortzera bultzatu nahi zituzten.
Horrez gain, "Kataluniako Parlamentua okupatzea" eta eraikinaren barruan gutxienez astebetez egotea aurreikusi zuten, 6.000 euroko aurrekontuarekin.
Zure interesekoa izan daiteke
Albares Kongresuan izan liteke ostegunean, Global Sumud Flotillaren egoeraren berri emateko
Kongresuko Osoko Bilkuran ministroaren agerraldia eskatu zuten Sumarrek, ERCk, EH Bilduk, Podemosek, BNGk eta Compromisek duela egun batzuk, Global Sumud Flotillan parte hartzen duten ontzi eta pertsonak babesteko eta laguntzeko hartuko dituen ekintzak zein erabakiak azal ditzan.
Espainiako Gobernuak astelehenean eskualdatuko dio Jaurlaritzari Zubietako espetxearen gaineko eskumena
Denis Itxaso Etxebizitza sailburuak eta Maria Jesus San Jose Justizia sailburuak otsailean jakitera eman zituzten epeak beteko dituzte horrela, kartzela berria 2026ko maiatza eta ekaina bitartean irekiko zutela iragarri baitzuten.
Anduezak euskara langileentzako mehatxu dela esan izana larritzat hartu du Estebanek, eta ulertezintzat jo du PSE-EEren jarrera
EBBko presidenteak esan du haserre dagoela, ez dela onargarria gobernukide den alderdi batek horrelakoak egitea eta, okerragoa dena, gezurretan ibiltzea.
Lehendakariak Euskadiren nazioarteko proiekzio kulturala bultzatuko du datorren astean Italiara egingo duen bidaian
Bidaiaren ardatz nagusia mundu mailan arte garaikidearen agertoki nagusietako bat den Veneziako Bienalaren baitan antolatu diren ekitaldietan parte hartzea izango da, 1976an bienalean izandako lehenengo euskal presentziaren 50. urteurrenean.
Andueza, polemikari buruz: "EAJk liskar artifiziala sortu zuen euskarari buruzko akordioa bertan behera utzi zuelako"
Hasi da hauteskunde kanpaina Andaluzian
Sevillan ekin die kanpainako ekitaldiei Alderdi Popularrak; Granadan, Alderdi Sozialistak. Moreno Bonilla PPko hautagai eta gaur egungo presidenteak gehiengo absolutua nahi du; ez du Vox nahi bere gobernuan. Jarraitzaileei botoa ematera joateko deia egin die, inkestek iragartzen duten gehiengo absolutua ziurra ez delakoan. Alderdi Sozialistaren hautagai Maria Jesus Monterok, berriz, inkestek iragartzen dizkioten emaitza txarrak irauli nahi ditu eta zerbitzu publikoen aldeko defentsan oinarritu du kanpaina.
Medikuen gatazkan esku hartzeko eskatu diote EH Bilduk eta PPk Osasun sailburuari
Medikuen grebaz aritu dira gaur, besteak beste, Eusko Legebiltzarrean. EH Bilduk medikuen lan-baldintzak hobetzeko mozioa eraman du ganberara, eta Rebeka Ubera koalizioko legebiltzarkideak Alberto Martinez Eusko Jaurlaritzako Osasun sailburuari eskatu dio, fitxa mugitu eta neurriak hartzeko aferan. Alderdi Popularreko Laura Garridok ere defendatu du Jaurlaritzak badituela eskuduntzak, medikuen egoera hobetzeko.
Koldo Garciak bere "errugabetasuna" defendatu du eta maskaren erosketan erabakitzeko ahalmenik ez zuela gaineratu du
Maskarak iruzurra eginda erosi ziren ala ez ikertzeko egiten ari diren epaiketan, Abalosen aholkulari izandakoak esan du ez duela gogoratzen esleipena egokitu zitzaion eskaintza Aldamak igorri ote zion.
Hauteskundeak, Andaluzian: zer du jokoan alderdi bakoitzak M17an?
Bihar abiatuko da hauteskunde kanpaina Andaluzian. Inkesta guztiek Juanma Moreno PPko hautagaia jotzen badute ere irabazle, ikusteko dago Voxen botoak beharko dituen ala ez gobernatzeko. PSOEk, berriz, Maria Jesus Montero hautagaiarekin indar erakustaldia egin nahi du, azken urteotan galdutako boto-emaileak berreskuratuz.
Atzerri Ministerioak Israelgo enbaxadako arduraduna deitu du Global Sumuden aurkako erasoagatik
Bien bitartean, EH Bilduk, Sumarrek, Podemosek, ERCk, BNGk eta Compromisek Albares ministroaren agerraldia Kongresuan eskatu dute, ontziak eta atxilotuak babesteko hartuko dituen neurriak azaldu ditzan.