PSOEren eta Juntsen arteko negoziazioek aurrera jarraitzen dute, azaroaren 27ko epemugarekin
PSOEren eta Juntsen arteko negoziazioek aurrera jarraitzen dute astearte honetan Bruselan, Pedro Sanchezen inbestidura desblokeatzeko akordio baten bila, hori bai, "epemuga bakarrarekin": azaroaren 27a. Egun horretarako presidente berririk ez badago, Gorteak desegin eta hauteskundeak deituko dira.
Bi aldeek negoziatzen jarraitzen dute Bruselan, amnistia legeak bildu beharko lituzkeen gaien inguruan adostasun batera iristeko helburuarekin. Joan den astean harremanak hoztu ostean, astelehen honetan berriz ere ekin diote Belgikako hiriburuan negoziazioari.
Negoziazio iturriek baieztatu zutenez, amnistiari buruzko bi dokumentu trukatu zituzten atzo, baina ez zen akordiorik izan, eta itxura guztien arabera gaur ere ez dira adostusun batera iritsiko. Testuinguru horretan ia ezinezkoa da Pedro Sanchez aste honetan izendatzea Espainiako Gobernuko presidente.
Hala ere, biek ala biek ziurtatu dute "lanean" jarraitzen dutela "lege garrantzitsu bat, demokraziaren amnistiari buruzko lehen legea", ixteko, eta epemuga bakarra dutela: azaroaren 27a. Ordurako presidente bat egotea nahitaezkoa da; horrela ez balitz, hauteskundeak deitu beharko lirateke.
Bien bitartean, Madrilgo kaleetan amnistia legearen aurkako protestak ugaritzen ari dira. Bart 3.800 pertsona inguru bildu dira, hirugarren egunez jarraian, PSOEk Madrilgo Ferraz kalean duen egoitzaren atarian, Kataluniako independentistekin egindako itunen eta etorkizuneko amnistia legearen aurka protesta egiteko. Gutxienez hiru pertsona atxilotu ditu Poliziak.
Tentsio giro honetan, igandeaz geroztik Bruselan negoziaketetan dabilen Santos Cerdan Antolakuntza idazkariak ohar bat bidali die egoitzetako jerente eta idazkariei, lan-bilera, hitzaldi eta antzekoak bertan behera utz ditzatela eskatuz, eta langileei arratsaldeko lehen orduan lan-jarduera amai dezatela gomendatuz. Berriro ere sozialisten egoitzen aurrean eskuinak protesta egin dezakeelaren beldur dira.
PPk, bere aldetik, atzo Madrilgo kaleetan gertatutakoa "erreakzio osasuntsua" izan zela uste du, "Poliziaren jardunak lausotutako adierazpen herrikoia".
Felix Bolaños jarduneko Presidentetza ministro eta Sanchezen inbestidurarako PSOEren negoziazio batzordeko kideak mobilizazio "ultra" horiek gaitzetsi ditu.
"Indarkeriaz, haserrez eta gorrotoz betetako manifestazio ultraeskuindarrak dira. Esan behar zaie Espainiak orainaldi handia duela eta etorkizun hobea izango duela", adierazi du jarduneko ministroak.
Bere ustez, "kezkagarria da ultraeskuinak horrelako manifestazio ultra eta bortitzak deitzea", astelehenean Ferrazen egin zena bezalakoa, non hiru pertsona atxilotu zituzten, baina "ia kezkagarriagoa da PPk eta behin-behineko bere buruzagiak justifikatzen dituztenean".
Albiste gehiago politika
Servinabarrek ukatu egin du Santos Cerdanekin inolako loturarik duela
Enpresa eraikitzaileak gogorarazi duenez, ez diote deliturik leporatu "ez UCOren txostenean", ezta ikerketa judizialean ere. Gainera, Antxon Alonso Egurrola administratzailearen eta Cerdanen arteko harremana "pertsonala" eta "bakoitzaren jarduera profesionaletatik kanpokoa" dela gaineratu du.
Zazpi ministro sozialisten eta PPko hainbat buruzagi ohiren datu pertsonalak argitaratu ditu ultraeskuineko Telegram talde batek
Mezu horiek agertu diren Telegram taldeak 92.000 jarraitzaile baino gehiago ditu, eta Alvise Perezen jarduera politikoarekin lotutako argitalpenak zabaltzeko erabiltzen dute erabiltzaileek, baita Espainiako Gobernuari eraso egiteko edo mezu xenofoboak zabaltzeko ere.
PSNk, Geroa Baik, Zurekin Nafarroak eta EH Bilduk ikerketa batzordea osatzea adostu dute
Cerdan auziko azken berriak ezagutu ondoren adostu dute neurria. Guardia Zibilak egindako txostenean agertzen diren enpresei egin zaizkien esleipenak aztertuko ditu batzordeak eta uda honetan bertan hasiko da lanean.
Sanchezek neurri "sendoak" ezarri behar dituela eta "ausardiaz" jokatu behar duela azpimarratu du EH Bilduk
Mertxe Aizpurua EH Bilduk Kongresuan duen bozeramaileak ostegun honetan Kongresuko osoko bilkurara heldu denean zehaztu duenez, Pedro Sanchez presidenteak ustelkeriaren aurkako neurri "sendoak" ezarri behar ditu, eta "ausardiaz" jokatu behar du, "EH Bilduren babesa izaten jarraitu nahi badu".
Eneko Andueza konbentzituta dago 'Koldo auziak' ez duela PSE-EEn eraginik izango
PSOE eta Nafarroak Alderdi Sozialista astintzen ari den ustezko ustelkeria kasuaren aurrean, Eneko Andueza PSE-EEko idazkari nagusia konbentzituta dago ez duela eraginik izango Euskadiko Alderdi Sozialistan. Halaber, sozialistak kritikatzen ari direnei zuhur jokatzeko gomendioa egin die. Izan ere, horren esanetan, orain fokoa sozialisten gainean badago ere, litekeena da auzia beste alderdi batzuengana ere zabaltzea.
Maria Chivite: "Erortzen dena erortzen dela esan nuen, eta betetzen ari naiz"
Ramon Alzorriz PSNren idazkariorde nagusi eta Parlamentuko bozeramailearen dimisioaren ostean, Maria Chivite Nafarroako Gobernuko presidenteak agerraldia egin du hedabideen aurrean, eta adierazi du berak ez duela "dimititzeko argudiorik".
Chivite, Alzorrizen dimisioa dela eta: "Erortzen dena erortzen dela esan nuen, eta betetzen ari naiz"
Maria Chivite Nafarroako presidenteak ez du dimisioa emango eta nabarmendu du ez dagoela ez bera, ez Nafarroako Gobernua eta ezta PSN alderdia ere ustelkeria kasuekin lotzen duen ezer.
Semper: "EAJ jabetzen hasi da PSOEk halako batean botata utzi egingo duela"
PPren bozeramailearen arabera, "Euskadin etorkizunerako aukera aritmetikoa PSE Bildurekin joatea da, EAJ albo batera utzita".
Lehendakariak baztertu egin du 'Cerdan auzia'k EAJ/PSE-EE gobernuari kalte egingo dionik: "Egonkortasuna zaintzea garrantzitsua da"
"Zorionez, Euskadin bestelako giro politikoa dugu. Ez gaude madrildarren lokaztian", adierazi du lehendakariak 'Cerdan auzia'k Euskadin izan ditzakeen ondorioez galdetuta.
"Sanchezek irmoago, gardenago eta azkarrago jardun behar du"
Lehendakariaren ustez, Espainiako Gobernua "beste fase batean sartu da", azken egunetan ezagutu diren ustezko ustelkeria kasuen ostean. "Egoera oso larria da, eta zapaldu ezin daitekeen ildo etiko bat dago jokoan", gaineratu du Pradalesek.