Hauek dira Pedro Sanchezek inbestidurako hitzaldian iragarri dituen neurriak
Pedro Sanchez Espainiako Gobernuko jarduneko presidente eta berrautaketarako hautagaiak bere inbestidura saioko hitzaldia baliatu du hainbat neurri iragartzeko. Hauek dira neurri nagusienak:
- Oinarrizko elikagaientzako BEZaren jaitsiera 2024ko ekainera arte luzatzea. Ogia, esnea, arrautzak, frutak edota barazkiek ez dute aurrerantzean ere BEZik izango, eta olioari eta pastari, berriz, % 5eko zerga aplikatuko zaie.
- Urtarrilaren 1etik aurrera garraio publikoa doan izango da adin txikikoentzat, gazteentzat eta langabetuentzat.
- Datozen hilabeteetan 30.000tik 38.000 eurora igoko dute familia bat zaurgarri gisa hartzeko gehienezko errenta eta, hortaz, pertsona gehiagok baliatu ahalko dituzte etxebizitzako maileguei aurre egiteko Espainiako Gobernuaren laguntzak.
- Gazte Kultura Bonua mantentzea. 2022an indarrean jarri zenetik, 18 urte betetzen dituzten neska-mutilek 400 euroko diru laguntza jasotzen dute kultur produktuak erosteko.
- Mendekotasun egoeran dauden herritarrek mendekotasun laguntzak gehienez 30 eguneko epean jasotzea, eta hori lege bidez arautuko da.
- Alokairurako Gazte Bonua hobetzea, gaur egun hilean 250 euroko diru laguntza jasotzen dute baldintzak betetzen dituzten 35 urtetik beherakoek. Horrez gain, lehen etxebizitza erosteko maileguaren % 20 estaltzeko bermeak eskainiko ditu Gobernuak, eta alokairu sozialeko 183.000 etxebizitza eraiki nahi ditu.
- Mailegua tasa aldakorretik finkora aldatzea doakoa izango da, mailegua doan amortizatzeko aukera eta interesen ordainketa izoztea.
- Amatasun eta aitatasun baimenak 20 astera luzatzea.
- 2 urtetik aurrerako hezkuntza publikoa unibertsalizatzea.
- Administrazioan, herritarrei arreta emateko eredu berria ezartzea: ordutegi malguagoak eta aurretiaz hitzordua eskatu beharrik gabe.
- Bizitzeko gutxieneko diru sarrera indartzea eta izapide administratiboak arintzea.
- Pentsioak KPIaren arabera eguneratzea.
- Pizgarriak enpresei soldata murriztu gabe 37,5 orduko lan astea ezarri eta ordutegi malguagoak eskaini ditzaten.
- Langileen estatutu berria onartzea, eta lanbide arteko gutxieneko soldata urtero igotzea batez besteko soldataren % 60 izan dadin.
- Osasun mentalaren estatu ituna osasun sistema publikoan psikologo eta psikiatrak gehitzeko.
- LGTBI politikak indartzeko estatu ituna bultzatzea.
- Lehen Arreta indartzea, gazteen aho-hortzetako eta oftalmologia tratamenduak barne hartuta.
- Elizaren sexu abusuen biktimei kalte ordainak emateko funtsa sortzea.
- Ordezkaritza parekidea lortzeko legea onartzea.
- Familia nekazaritzaren legea eta lehorteari aurre egiteko neurriak aurrera ateratzea.
- Eskubide Kulturalei buruzko Legea onartzea.
Albiste gehiago politika
Eneko Andueza konbentzituta dago 'Koldo auziak' ez duela PSE-EEn eraginik izango
PSOE eta Nafarroak Alderdi Sozialista astintzen ari den ustezko ustelkeria kasuaren aurrean, Eneko Andueza PSE-EEko idazkari nagusia konbentzituta dago ez duela eraginik izango Euskadiko Alderdi Sozialistan. Halaber, sozialistak kritikatzen ari direnei zuhur jokatzeko gomendioa egin die. Izan ere, horren esanetan, orain fokoa sozialisten gainean badago ere, litekeena da auzia beste alderdi batzuengana ere zabaltzea.
Maria Chivite: "Erortzen dena erortzen dela esan nuen, eta betetzen ari naiz"
Ramon Alzorriz PSNren idazkariorde nagusi eta Parlamentuko bozeramailearen dimisioaren ostean, Maria Chivite Nafarroako Gobernuko presidenteak agerraldia egin du hedabideen aurrean, eta adierazi du berak ez duela "dimititzeko argudiorik".
Chivite, Alzorrizen dimisioaren ondotik: "Erortzen dena erortzen dela esan nuen, eta betetzen ari naiz"
Maria Chivite Nafarroako presidenteak ez du dimisioa emango eta nabarmendu du ez dagoela ez bera, ez gobernua eta ezta PSN alderdia ere ustelkeria kasuekin lotzen duen ezer.
Semper: "EAJ jabetzen hasi da PSOEk halako batean botata utzi egingo duela"
PPren bozeramailearen arabera, "Euskadin etorkizunerako aukera aritmetikoa PSE Bildurekin joatea da, EAJ albo batera utzita".
Lehendakariak baztertu egin du 'Cerdan auzia'k EAJ/PSE-EE gobernuari kalte egingo dionik: "Egonkortasuna zaintzea garrantzitsua da"
"Zorionez, Euskadin bestelako giro politikoa dugu. Ez gaude madrildarren lokaztian", adierazi du lehendakariak 'Cerdan auzia'k Euskadin izan ditzakeen ondorioez galdetuta.
"Sanchezek irmoago, gardenago eta azkarrago jardun behar du"
Lehendakariaren ustez, Espainiako Gobernua "beste fase batean sartu da", azken egunetan ezagutu diren ustezko ustelkeria kasuen ostean. "Egoera oso larria da, eta zapaldu ezin daitekeen ildo etiko bat dago jokoan", gaineratu du Pradalesek.
Imanol Pradales: 'Akordio batzuk zabalagoak izatea gustatuko litzaidake'
Lehendakari izan den lehen urtean zer ez den ondo egin galdetu diotenean, Imanol Pradalesek esan du gustatuko litzaiokeela "akordio batzuk zabalagoak izatea, batez ere aurrekontuen arloan". Gainera, lehendakariak kritikatu du zenbait unetan gobernukideek desadostasun puntuak jendaurrera eramatea. "Aldez aurretik sukaldeko lana eginda saihestu genitzakeen", gaineratu du.
Alzorrizek dimisioa eman du PSNko idazkariorde nagusi gisa, bere bikotekideak Servinabarren lan egin zuela onartu ondoren
Alzorrizek ere dimisioa eman du Nafarroako Parlamentuko PSNren bozeramaile gisa, baina parlamentari bezala jarraituko du. Prentsaurrekoan jakinarazi duenez, bere bikotekideak Belateko tuneletako eraikuntzan parte hartu zuen Servinabar enpresan lan egin du. UCOk adierazi du Cerdan enpresa horren % 45en jabe zela.
Berdintasun ministroak prostituzioa debekatzeko lege proposamena eramango du irailean Ministroen Kontseilura
Ana Redondo ministroaren esanetan, "Espainiako gizartea eraldatuko duen legea izango da", eta "prostituzioa eta matxismoa desagerrarazteko bide horretan" lagunduko du.
EAJk eta EH Bilduk ustelkeriaren aurka irmotasun handiagoz jardutea eta itunak betetzea eskatu diote Sanchezi
Bi euskal alderdiak Espainiako Gobernuko presidentearekin bildu dira asteazken honetan, Moncloan, 'Cerdan auzia'k irekitako krisiaren harira. Biek ala biek erregenerazio demokratikoa eta erantzukizuna eskatu diote Sanchezi, baina ñabardura ezberdinak izan dituzte, tonuari eta eskakizunei dagokienez.